ای۔سواستھ دھام پورٹل اب آیوشمان بھارت ڈیجیٹل مشن (اے بی ڈی ایم) کے ساتھ مربوط ہوگیاہے۔ ستمبر 2021 میں شروع کی گئی ’’مرکزی شعبے کی اسکیم‘‘ اے بی ڈی ایم کا مقصد ملک میں مربوط ڈیجیٹل صحتی بنیادی ڈھانچہ تیار کرنا ہے۔ حکومت اتراکھنڈ کے محکمہ صحت و خاندانی بہبود نے ای۔سواستھ دھام نام کے ایک پورٹل کی شروعات کی ہے۔https://eswasthyadham.uk.gov.in/ پر دستیاب ای۔سواستھ دھام پورٹل ایک ایسا پورٹل ہے جو چار دھام یاترا تیرتھ یاتریوں کے صحتی پیمانوں کی نگرانی میں مدد کرتا ہے۔ نتیجتاً، یہ یمونوتری، گنگوتری، کیدارناتھ، اور بدری ناتھ جانے والے تیرتھ یاتریوں کے سفر میں سہولت پیدا کرنے کو یقینی بناتا ہے- جسے ایک ساتھ چار دھام یاترا کہا جاتا ہے۔

ای۔ سواستھ دھام پورٹل تیرتھ یاتریوں کو کئی طرح فوائد بہم پہنچاتا ہے اور ان میں سے ایک ہے اے بی ایچ اے (آیوشمان بھارت صحتی کھاتہ) بنانا۔ تیرتھ یاتری آسانی سے ای۔سواستھ دھام پورٹل پر صرف 1-2 منٹ میں 14 ہندسوں والا نمبر تیار کر سکتے ہیں۔

زائرین کی تعداد میں اضافے کے پیش نظر، یہ پلیٹ فارم خاص طور پر بزرگ شہریوں کے لیے اس امر کو یقینی بناتا ہے کہ محفوظ اور ہموار سفر کے لیے ان کی صحت کو سب سے زیادہ ترجیح دی جائے۔ چار دھام کے زیارتی مقامات اونچائی پر واقع ہیں، اس لیے سرد موسم اور کم آکسیجن کی سطح کی وجہ سے دل کی بیماریاں، ہائی بلڈ پریشر اور سانس کی بیماریاں، ذیابیطس وغیرہ جیسے اونچائیوں سے متعلق صحت کی بیماریوں کا پتہ لگانا ضروری ہے۔ آبھا کی تخلیق اے بی ڈی ایم کے ایک حصے کے طور پر عقیدت مندوں کے لیے ایک مضبوط اور قابل بھروسہ شناخت قائم کرے گی جس سے ان کے صحت کے ریکارڈ کو ڈیجیٹل طور پر منظم کرنے میں مدد ملے گی۔ یہ ایمرجنسی کے وقت شہریوں کے لیے فوری مداخلت کو بھی یقینی بنائے گا۔

اب تک، 65 کروڑ سے زائد آبھا پہلے تیار کیے جا چکے ہیں۔ آبھا شہریوں کے لیے متعدد فوائد کے ساتھ آتا ہے جس میں ان کے صحت کے ریکارڈ کو محفوظ طریقے سے ذخیرہ کرنا اور ان کا نظم کرنا شامل ہے۔ یہ انہیں کسی بھی وقت، کہیں بھی اپنی رضامندی سے صحت کے ریکارڈ کو محفوظ طریقے سے ڈاکٹر کے ساتھ شیئر کرنے کی اجازت دیتا ہے۔ آبھا کے ذریعے شہری ڈاکٹروں کی تقرریوں میں سہولت فراہم کرنے کے لیے رجسٹریشن کے لیے صحت کی دیکھ بھال کی سہولیات پر لمبی قطاروں سے بچنے سے کئی ڈیجیٹل ہیلتھ فوائد حاصل کر سکتے ہیں۔

شہری https://eswasthyadham.uk.gov.in/login پر لاگ اِن کرکے اپنا اے بی ایچ اے بناکر اس پورٹل سے مستفید ہو سکتے ہیں اور یاترا کے اصولوں کے بارے میں مزید معلومات حاصل کر سکتے ہیں۔تیرتھ یاتریوں کی مدد کے لیے ہیلپ لائن نمبر 104 کا بھی انتظام کیا گیا ہے۔

**********

 (ش ح –ا ب ن۔ م ف)

U.No:8261