হ্বাইৎ গুদশিংগী (ACশিং অমসুং LED লাইৎশিং) PLI স্কিমগী এপ্লিকেসন ৱিন্দো অসি স্কিম অসিগী মখাদা ইন্দস্ত্রীনা হেন্না ইনভেস্ত তৌবগী অপাম্বা লৈবনা মরম ওইদুনা অমুক হন্না হাংদোক্লে। মসি PLIWG স্কিমগী মখাদা ভারত্তা ACs অমসুং LED লাইৎশিংগী মরুওইবা কম্পোনেন্তশিং পুথোকপদগী হেনগৎলক্লিবা কৈথেল অমসুং থাজবগী মহৈনি। এপ্লিকেসন ৱিন্দো অসি মতম মতমগী মতুং ইন্না শেমদোক্লবা মতুং ইন্না 16.04.2021দা নোতিফাই তৌখিবা PLIWG স্কিম অমসুং 04.06.2021দা থোকখিবা PLIWG স্কিমগী গাইদলাইনশিংদা পল্লিবা তর্ম অমসুং কন্দিসনশিংগা মান্ননা হাংদোক্লি।

স্কিম অসিগী এপ্লিকেসন ৱিন্দো অসি জুলাই 15, 2024দগী ওক্তোবর 12, 2024 ফাওবগী মনুংদা (অমসুং) https://pliwhitegoods.ifciltd.com/ হায়বা URL লৈবা ওন-লাইন পোর্তেল অসিদা হাংদুনা লৈগনি। এপ্লিকেসন ৱিন্দো অদু লোইরবা মতুংদা এপ্লিকেসন অমত্তা লৌরোই।

দিস্ক্রিমিনেসন অমত্তা তৌহন্দনবা, অনৌবা এপ্লিকেন্তশিং অমসুং PLIWGগী হৌজিক লৈরিবা বেনিফিসরিশিং অনিমক্না হেন্না ৱাংবা তার্গেৎ সেগমেন্ত অমদা হোংদোক্তনা অহেনবা ইনভেস্ত তৌনবা থৌরাং তৌরিবা নত্ত্রগা তোঙানবা তার্গেৎ সেগমেন্ত অমগী মখাদা এপ্লাই তৌরিবা মখোয়গী গ্রুপ কম্পনিশীংনা স্কিম গাইদলাইনশিংগী পারাগ্রাফ 5.6দা পল্লিবা ইলিজিবিলিতি কন্দিসনশিং অদু মপুং ফাহল্লবা অমসুং স্কিম গাইদলাইনশীংগী এপেনদিক্স-1 নত্ত্রগা এপেনদিক্স-1Aদা পল্লিবা ইনভেস্তমেন্ত স্কিম অদু ঙাক্লগা এপ্লাই তৌবা য়াগনি।

https://pliwhitegoods.ifciltd.com/ অমসুং https://dpiit.gov.in/sites/default/files/Consolidated_Guidelines_PLIScheme_23October2023.pdf দা কন্সোলিদেতেদ স্কিম গাইদলাইনশিং ফংগনি।

PLIWG স্কিমগী পেরা 6.4 অমসুং স্কিমগী গাইদলাইনশিংগী পেরা 9.2গী মতুং ইন্না, এপ্লিকান্তশিংনা স্কিম অসিগী লেমহৌরিবা মতমগী ওইনা ইন্সেন্তিনশিং ফংবগী ইলিজিবল ওইগনি। অনৌবা এপ্লিকান্টশিং অমসুং হান্নগী বেনিফিসরিশিংনা 2023গী মার্চ থা ফাওবগী ইনভেস্তমেন্ত পেরিওদকীদমক খল্লবদি, মখোয়না হেন্না ৱাংবা ইনভেস্তমেন্ত কেতেগোরিদা হোংবা পাম্লবদি, প্রপোজ তৌরিবা অহুমশুবা রাউন্দদা এপ্রুভ তৌরবা এপ্লিকেন্ত  অদুনা খ্বাইদগী য়াম্লবদা চহি অহুমগী ওইনা PLIগীদমক ইলিজিবল ওইগনি। হৌজিক লৈরিবা বেনিফিসরীশিংনা 2022গী মার্চ ফাওবগী ইনভেস্তমেন্ত পেরিওদকীদমক খল্লবদি অমসুং মখোয়না প্রপোজ তৌরিবা অহুমশুবা রাউন্দদা হেন্না ৱাংবা ইনভেস্তমেন্ত কেতেগোরীদা হোংবা পাম্লবদি মখোয়না খ্বাইদগী য়াম্বা ওইনা চহি অনিগী ওইনা PLIগীদমক ইলিজিবল ওইগনি। মথক্তা পনখ্রিবা অসিগীদমক খনগৎলবা হৌজিক লৈরিবা বেনিফিসিরিশিংনা, করিগুম্বা মখোয়না অকক্নবা চহি অমদা থ্রেসহোল্দ ইনভেস্তমেন্ত নৎত্রগা সেল্স ফংদ্রবদি, মখোয়গী অহানবা ইনভেস্তমেন্ত প্লানগী মতুং ইন্না ক্লেমশিং অদু সবমিৎ তৌনবগীদমক ইলিজিবল ওইগনি। অদুম ওইনমক, হায়রিবা ফ্লেক্সিবিলিতী অসি স্কিম অসিগী মতমগী মনুংদা অমখক্তমক পীগনি।

মখা তানা, ব্যুজিনেস অসিদা লিক্বিদিতী লৈহন্নবা, হেন্না ফবা ৱর্কিং কেপিতেল মেনেজমেন্ত তৌনবা অমসুং বেনিফিসরীশিংগী ওপরেস্নেল ইফিসিএন্সী হেনগৎহন্নবা, চহিগী ওইনা ক্লেমশিং প্রোসেস তৌবগী মহুত্তা PLIগী ক্বাতর্লী ক্লেম প্রোসেস তৌবগী সিস্তেম হৌদোক্নবা ৱারেপ লৌখ্রে। মথক্তা পনখ্রিবা অসি ময়েক শেংদোক্নবগীদমক স্কিমগী গাইদলাইনশিংদা মথৌ তাবা এমেন্দমেন্তশিং য়াওরি।

হৌজিক ফাওবদা PLI স্কিম অসিগী মখাদা বেনিফিসরী ওইনা লুপা করোর 6,962 গী কম্মিতেদ ইনভেস্তমেন্ত লৈবা এপ্লিকেন্ত 66 খনখ্রে। এয়র কন্দিসনর (AC)গী কম্পোনেন্তশিং পুথোক্নবগীদমক্তা, দাইকিন, ভোল্তাস, হিন্দালকো, এম্বর, PG তেক্নোপ্লাস্ত, ইপাক, মেত্যুব, LG, ব্লু স্তার, জোনসন হিতাচী, পেনাসোনিক, হাইয়র, মিদিয়া, হেভেল্স, IFB, NIDEC, ল্যুকাস, স্বামিনাথান, অমসুং ত্রিতন ভেলভস অসিনচিংবা কম্পনীশিংনা শেল থাদখ্রে। মতৌ অসুম্না, LED লাইৎশিংগী কম্পোনেন্তশিং পুথোকপদা, দিক্সন, আর কে লাইৎনিং, রাধিকা, ওপ্তো, সুর্য়্য, ওরিয়েন্ত, সিগনিফাই, ক্রোম্পতন গ্রীবস, স্তোব ক্রাফ, কোস্মো ফিম্মস, হেলোনিক্স, চেনফেং, ফুলহাম, এদসুন, ইনভেন্ত্রোনিক্স অমসুং লুকর অসিনচিংবা কম্পনীশিংনা শেল থাদখ্রে। ইনভেস্তমেন্তশিং অসিনা হৌজিক ভারত্তা মশিং মতিক চানা পুথোকপা ঙমদবা কম্পোনেন্তশিং য়াওনা ভেল্যু চেন পুম্বদা এয়র কন্দিসনরশিং অমসুং LED লাইৎশিংগী কম্পোনেন্তশিং পুথোকপদা মতেং পাংগনি।

প্রধান মন্ত্রী শ্রী নরেন্দ্র মোদীনা মেনুফেকচরিংবু সেন্তর স্তেজদা পুখৎনবা অমসুং ভারতকী গ্রোথ অমসুং থবক ফংহন্নবগী মরুওইবা অদু পুক্নিং চিংশিনবগীদমক 'আত্মনির্ভর ভারত'কীদমক পুক্নিং চিংশিনখিবা অদুগী মতুং ইন্না কেন্দ্রগী মন্ত্রীমন্দলনা এয়র কন্দিসনর (AC) অমসুং LED লাইৎশিংগী কম্পোনেন্তশিং অমসুং সব-এসেম্বলীশিং পুথোক্নবগীদমক PLI স্কিম ফোর হ্বাইৎ গুদসকীদমক 7.04.2021দা অয়াবা পীখ্রে। স্কিম অসি চহি তরেৎকী মতম, FY 2021-22 দগী FY 2028-29 ফাওবদা ইমপ্লিমেন্ত তৌগনি অমসুং লুপা করোর 6,238গী আউৎলাই অমা লৈগনি।

***