آندھرا پردیش کے وزیراعلی جناب این چندرا بابو نائیڈو نے آج زراعت اور کسانوں کی بہبود اور دیہی ترقی کے مرکزی وزیر جناب شیوراج سنگھ چوہان سے کرشی بھون، نئی دہلی میں ملاقات کی۔ اس موقع پر شہری ہوا بازی کے مرکزی وزیر جناب رام موہن نائیڈو اور دیہی ترقی اور مواصلات کے وزیر مملکت ڈاکٹر چندر شیکھر پیمسانی بھی موجود تھے۔ میٹنگ کے دوران آندھرا پردیش میں زراعت، کسانوں کی بہبود اور دیہی ترقی کے موضوعات پر نتیجہ خیز گفتگو ہوئی۔

میٹنگ کے دوران، مرکزی وزیر جناب شیوراج سنگھ چوہان نے کہا کہ زراعت اور کسانوں کی بہبود کی وزارت اور دیہی ترقی کی وزارت آندھرا پردیش میں زراعت، کسانوں کی بہبود اور دیہی علاقوں کی ترقی کے لیے ہر ممکن تعاون فراہم کرے گی۔

 

وزیراعلی جناب نائیڈو اور مرکزی وزیر جناب چوہان نے کہا کہ مرکزی حکومتیں اور ریاست آندھرا پردیش کے کسانوں اور دیہی لوگوں کی بہبود اور انہیں بااختیار بنانے کے لئے مل کر کام کرنے کے لئے تیار ہیں۔

اس موقع پر زراعت  کے مرکزی سکریٹری جناب سنجیو چوپڑا، دیہی ترقی کے مرکزی سکریٹری جناب شیلیش کمار سنگھ اور آندھرا پردیش کے سینئر افسران بھی موجود تھے۔

****

ش ح۔ ا ک۔ ج

Uno-8072

(Release ID: 2030826) Visitor Counter : 57