ہندوستان، جغرافیائی بنیاد  پر (ایشیا) منتخب ہونے والے رکن کے طور پر، کوڈیکس ایلیمینٹیریئس کمیشن (سی اے سی) کی ایگزیکٹو کمیٹی (سی سی ای ایکس ای سی) کے 86 ویں اجلاس میں سرگرمی سے حصہ لے رہا ہے۔ فوڈ سیفٹی اینڈ اسٹینڈرڈز اتھارٹی آف انڈیا (ایف ایس ایس اے آئی) کے سی ای او جناب جی کملا وردھنا راؤ نے 1 سے 5 جولائی 2024 کو روم میں فوڈ اینڈ ایگریکلچر آرگنائزیشن (ایف اے او) کے ہیڈ کوارٹر میں منعقد ہونے والے سیشن میں ہندوستان کی نمائندگی کی۔

کوڈیکس ایلیمینٹیریئس کمیشن، ایف اے او اور ورلڈ ہیلتھ آرگنائزیشن (ڈبلیوایچ او) کے ذریعے قائم ایک بین الاقوامی ادارہ، کا مقصد صارفین کی صحت کا تحفظ اور خوراک کی تجارت میں منصفانہ طریقوں کو فروغ دینا ہے۔ سی سی ای ایکس ای سی نئے کام کے لیے تجاویز کا جائزہ لینے اور معیارات کی ترقی کی پیشرفت کی نگرانی میں اہم کردار ادا کرتا ہے۔

سیشن کے دوران، ہندوستان نے چھوٹی الائچی، ہلدی، اور ونیلا سمیت مختلف مسالوں کے معیارات کی ترقی کی بھرپور حمایت کی۔ یہ اقدام ہندوستان کے لیے خاص طور پر اہم ہے، جو کہ ان مصالحوں کا ایک بڑا پیدا کنندہ  اور برآمد کنندہ ہے، کیونکہ یہ ہموار بین الاقوامی تجارت میں سہولت فراہم کرے گا۔ مزید برآں، ہندوستان نے نامی سبزیوں کے تیل کے معیارات کی ترقی، شیگا ٹاکسن پیدا کرنے والی ایسریچیا کولی کے کنٹرول کے لیے رہنما خطوط، اور خوراک کی پیداوار اور پروسیسنگ میں پانی کے محفوظ استعمال اور دوبارہ استعمال کی حمایت کی۔

ہندوستان نے کھانے کی پیکیجنگ میں ری سائیکل شدہ مواد کے استعمال سے متعلق فوڈ سیفٹی کے اعتبارات پر کوڈیکس رہنمائی تیار کرنے کی تجویز کی بھی حمایت کی۔ موسمیاتی  تبدیلی، ماحولیاتی تحفظ، اور پائیداری جیسے عالمی چیلنجوں سے نمٹنے کے لیے یہ اقدام انتہائی اہم ہے۔ مزید برآں، ہندوستان نے فوڈ رابطہ ایپلی کیشنز کے لیے پوسٹ کنزیومر پی ای ٹی کو ری سائیکل کرنے پر ایف ایس ایس اے آئی کی طرف سے تیار کردہ رہنما خطوط کے ساتھ اپنا تجربہ شیئر کیا۔ ان رہنما خطوط کو سی سی ای ایکس ای سی ممبران نے اچھی طرح سے قبول کیا اور ان کی تعریف کی۔

اعلیٰ سطحی ایگزیکٹو کمیٹی (سی سی ای ایکس ای سی) میں ایک رکن کے طور پر ہندوستان کی شرکت خوراک کی حفاظت کے مضبوط معیارات قائم کرنے اور عالمی خوراک کی تجارت میں منصفانہ طریقوں کو فروغ دینے کے لیے اس کے لگن کو واضح کرتی ہے، جو بین الاقوامی خوراک صنعت میں اس کے اہم کردار کی عکاسی کرتی ہے۔

******

ش ح۔ا ک ۔ رب

U:8020