Da ka jingthmu ban kyntiew sted ia ki kam rep ha ka ri, u Myntri Sorkar Pdeng ba dei khmih ia ka Tnat ka rep ka riang bad Rural Development, u Shivraj Singh Chouhan u la sdang ia ki jingiamir jingmut ha ki Jylla, ha kaba u Myntri Sorkar Pdeng u la pynlong jingialang bad ka kynhun ba kynthup ia u Myntri ba dei khmih ia ka Tnat ka rep ka riang  jong ka jylla Assam, Atul Bora ha Krishi Bhavan ha New Delhi mynta ka sngi. Ha ka jingiakren ryngkat ka jingkyntiew ia ka soil health, PMFBY, ka jingkiew ka jingdon ki jaka buh ia ki mar rep, ka horticulture bad kiwei kiwei ha jylla Assam la iakren ruh ia kiwei kiwei ki phang ba iadei bad ka rep ka riang bad ka bha ka miat jong ki nongrep. U Myntri Sorkar Pdeng, Chouhan u la ong ba hapoh ka jingialam jong u Myntri Rangbah duh, Narendra Modi, ka bha ka miat jong ki nongrep bad ka kam rep kalong kaba kongsan tam ia ngi bad hapoh jong kane, ka sorkar pdeng kan bteng ban ai jingkyrsha pura ia ka Assam ban pynlong ia ka workshop ban kyntiew ia ka jinglah treikam bad ki jingai jinghikai.

U Myntri Sorkar Pdeng, Chouhan u la iakren bad u Myntri ka tnat ka rep ka riang jong ka Assam, Atul Bora shaphang ki skhim bapher bapher bad ki prokram jong ka Tnat ka rep ka riang jong ka Sorkar pdeng bad u la ban jur ia ka jingdonkam ban wanrah ia ki jingdon jingem kum ka jingshna ia ka jaka buh mar, jaka buh pyndait thah, ki jaka pynmih mar bam hapoh ka AIF ryngkat ka jingiasoh lang bad ki skhim MIDH , PMKSY bad PmFME jong ka MoFPI ban kyntiew ia ka jinglah peit ia ki mar bam hadien ba la dep rep ha ka jylla bad ban pynduna ia ki jingduhnong hadien ba ladep lum ia ki mar rep. U Myntri Sorkar Pdeng Chouhan u la ong ba ki nongrep jong ka Assam kin nym mad kano kano ka jingeh, na ka bynta kane ka sorkar pdeng bad ka sorkar jylla kin bteng ban iatreilang. U Chouhan u la pynthikna ba ka Tnat ka rep ka riang jong ka sorkar pdeng kan ai baroh ka jingkyrshan na ka bynta ka roi ka par jong ka jylla Assam. U la kren shaphang ka polisi jong ka sorkar pdeng ban kyntiew ia ka rukom rep tynrai. U Chouhan u la ong ba ki don shibun ki lad ki lynti ban kyntiew ia ka rkom rep tynrai ha Assam.

U Union Agriculture and Farmers Welfare Secretary, Sanjeev Chopra ryngkat bad ki heh ophisar jong ka sorkar pdeng bad na ka tnat ka rep ka riang jong ka jylla bad tnat Horticulture ki la iadonlang ha kane ka jingialang.

********