জেনেরেল উপেন্দ্র দ্বিবেদি, পি.ভি.এস.এম, এ.ভি.এস.এমনা ৩০শুবা চীফ ওফ আর্মি স্তাফ ওইরে, মহাক্না ফম অসি চহি ৩০ হেন্না লৈবাক্কীদমক থবক তৌরক্লবা জেনেরেল মনোজ পান্দে, পি.ভি.এস.এম, এ.ভি.এস.এম, ভি.এস.এম, এ.দি.সি জুন ৩০, ২০২৪ দা থবক্তগী পোথারবা মতুংদা ফম অসি পায়বনি।

জেনেরেল উপেন্দ্র দ্বিবেদি আর্মদ ফোর্সতা চহি ৪০ থবক তৌরক্লবা শক্নাইরবা লান্মীগী লুচিংবা অমনি। সাইনিক স্কুল, রেৱা(এম.পি)গী মহৈরোয় অমা ওইনা, মহাক ১৯৮৪ দা জম্মু অমসুং কাস্মির রাইফলস রেজিমেন্তদা চঙখি। জেনেরেল ওফিসার অসি তোঙান-তোঙানবা ফিবমদা অৱাং, নোংপোক অমসুং নোংচুপকী থিয়েতরশিংদা থবক তৌরকপগা লোয়ননা শিংথাবা য়ানা লুচিংখ্রে।

মালেমগী ওইনা মুক্নবা কয়াগী মরক্তা, লোয়ননা তেক্নোলোজি চাউখৎলকপদগী সেকুরিতিগী থবকশিংদা শিংনবা কয়া থেংনরিবা মতম অমসুং অনৌবা মতমগী লাল্লোংশিংদা লেপ্তনা অহোংবা কয়া লাক্লিবা মতম অসিদা মহাক্না চীফ ওফ আর্মি স্তাফকী ফম পায়রকপনি। চাউখৎলক্লিবা লৈবাক অমা ওইনা সেকুরিতিগী শিংনবশিং থেংননবা থৌরাং তৌবা ওইনা, চীফ ওফ আর্মি স্তাফনা মরুওইবা হিরম অমা মীৎয়েং চঙগনি। হৌজিক অহানবা ওইনা, মহৌশাগা মান্নদবা সেকুরিতিগী শিংনবশিং থেংননবা লৈবাক্কী ঙাক-শেনগী থবকশিং ফগৎহন্নবা মীৎয়েং চঙগনি।

জেনেরেল দ্বিবেদি লাল্লোং কয়া থৌরাং তৌবা অমসুং থবক ওইনা পাংথোকপগী হৈথোই-শিংথোইবা লৈরি। লৈবাক্কী সেকুরিতিগী থবকশিংদা মহাক্না মরুওইবা থৌদাং অমা লৌদুনা লাক্লি।

জেনেরেল ওফিসার অসি সেকুরিতিগী লমদা মতমগা চুনবা অমসুং নৌনা থোক্লকপা তেক্নোলোজি কয়া মমুৎ তানা খঙই অমসুং অনৌবা তেক্নোলোজিশিং মিলিতরিগী থবকশিংদা পুনশিনবগী লৌশিং লৈরি। মসিগী পান্দম অসিনা অত্মানির্ভরতাগী খুৎথাংদা ভারতকী লান্মী মতমগা চুনবা মওংদা শেমগৎনবা পান্দম অদু ফংহনবা ঙমগনি। মহাক্কী থবকশিংনা লৈবাক অসিগী থবক ঙম্বা তেক্নোলোজিগী থবকশিং শীজিন্নদুনা মরুওইবা তেক্নোলোজিশিং শীজিন্নবা হেনগৎহনগনি।

চেতৱোদো মোত্তো চেৎনা থাজবা অমসুং তুংইন্নবা অমা ওইনা, জেনেরেল অসিনা থাজবা, জুনিয়র ওফিসারশিংদা শক্তি পীবা, লান্মীশিং, পোথারবশিং অমসুং বীর নারীশিংগী য়াইফনবা থবক তৌবদা মীৎয়েং চঙগনি।

*****