نوجوانوں کے امور اور کھیل کود کی وزارت
نوجوانوں کے امور اور کھیل کے مرکزی وزیر نے اے ایف آئی کے نئے لوگو کی نقاب کشائی کی اور اولمپکس جانے والے کھلاڑیوں سے پنچکولہ میں ملاقات کی
Posted On:
29 JUN 2024 11:02PM by PIB Delhi
نوجوانوں کے امور اور کھیل اور محنت و روزگار کے وزیر ڈاکٹر منسکھ منڈاویہ نے ایتھلیٹکس فیڈریشن آف انڈیا کے نئے لوگو کی نقاب کشائی کی اور ہفتہ کو یہاں دیوی لال اسٹیڈیم میں پیرس 2024 کے اولمپک گیمز سے منسلک ٹریک اور فیلڈ ایتھلیٹس کے ساتھ بات چیت کی جو قومی بین ریاستی ایتھلیٹکس چیمپئن شپ میں حصہ لے رہے ہیں۔
اولمپک گیمز کے لیے جانے والے کھلاڑیوں سے خطاب اور ان کی حوصلہ افزائی کرتے ہوئے انہوں نے کہا کہ پیرس اولمپکس کے لیے تمام کھلاڑیوں کو تمام ضروری مدد فراہم کر دی گئی ہے۔
وزیر اعظم جناب نریندر مودی جی کی قیادت میں حکومت کھیلوں کے بنیادی ڈھانچے کو مضبوط کرنے کے لیے کام کر رہی ہے۔ انہوں نے کہا کہ گزشتہ 10 سالوں میں کھیلوں کے شعبہ میں جو ترقی ہوئی ہے وہ بہت حوصلہ افزا ہے۔ انہوں نے کہا کہ مجھے یقین ہے کہ ہمارے کھلاڑی پیرس اولمپک گیمز میں اپنی بہترین کارکردگی کا مظاہرہ کریں گے۔
مرکزی وزیر کھیل نے قومی بین ریاستی ایتھلیٹکس چیمپئن شپ کے فاتحین کو تمغے بھی پیش کئے۔
قبل ازیں، ڈاکٹر منڈاویہ نے پٹیالہ میں نیتا جی سبھاش نیشنل انسٹی ٹیوٹ آف اسپورٹس کا دورہ کیا اور ویٹ لفٹر میرابائی چانو، جیولن تھرو کرنے والی انو رانی اور شاٹ پٹر ابھا کھٹوا کے ساتھ ساتھ نیشنل سینٹر آف ایکسی لینس میں کئی دوسرے کھلاڑیوں اور کوچوں سے بات چیت کی۔
۔۔۔۔۔۔۔۔۔۔۔۔۔۔۔۔۔۔۔۔۔
(ش ح ۔ رض ۔ت ع (
7941
(Release ID: 2029668)
Visitor Counter : 7