রাজ্যগী (ইন্দিপেন্দেন্ত চার্জ) সাইন্স অমসুং তেক্নোলোগী কেন্দ্রগী মন্ত্রী, রাজ্যগী (ইন্দিপেন্দেন্ত চার্জ) আর্থ সাইন্সেসকী মত্রী, এম.ও.এস. পি.এম.ও., দিপার্ত্মেন্ত ওব এতোমিক এনর্জী, দিপার্ত্মেন্ত ওব স্পেস, পার্সনেল, পব্লিক গ্রিভান্সেস অমসুং পেন্সন, দা. জিতেন্দ্র সিংহনা মরুওইবা মীথুংলেন ওইনা ঙসি লৈবাক অসিগী কাচিন কোয়াদা লৈরিবা তোঙান-তোঙানবা স্পেসিএলিতীশিংদা লৈবা মশক নাইবা মেদিকেল প্রোফেসনেলশিংদা "তাইমস নাউ" দোক্তরগী মনা লান্থোকখ্রে। থৌরম অসি "তাইমস নাউ" মীদিয়া গ্রুপনা দোক্তরশিংগী নুমিৎকা মরী লৈননা পাঙথোকপনি।

থৌরম অদুদা অমসুং "তাইমস নাউ"গা অখন্নবা মীদিয়াগা ৱারী শানবদা, দা. জিতেন্দ্র সিংহনা নহা ওইরিবশিংদা পীগদবা ঙাকথোকপা য়াবা হেল্থকেয়রগী মরমদা ফোংদোকখি। মহাক্না হায়খি, চহি য়াম্লবা মতুংদা থোক্কদবা লায়নাশিং হায়বদি তাইপ ২ দাইএবিতিস মেলিতস, নহা ওইনা হার্ত এতেক তৌবা, লাইয়েংবা ঙমদবা লায়না অসিনচিংবশিং অসিনা চহি য়ামদ্রিবশিংদা থোকপা হেনগৎলকপসি হকশেলদা শীংনবদা নত্তনা লৈবাক শেম্বদা অমসুং ইন্দিয়া ২০৪৭ গী মঙলান মঙফাওনহন্নবগী থবকশিংদা মতেং পাংলমগদবা নহা ওইরিবশিংগী এনর্জী অমসুং শক্তিশিং মাঙহল্লি।

দা. জিতেন্দ্র সিংহনা "তাইমস নাউ"বু মেদিকেল প্রোফেসনেলশিংবু ইকাইখুম্নবগী থবক অমসুং মখোয়বু মীদিয়া স্লোত্তা পুখৎপীবগীদমক থাগৎপা ফোংদোকখি, মসি দোক্তরশিংদদি কয়া তোইনা উবা ফংদবা অমনি।

"দোক্তরশিং অসিনা প্রধান মন্ত্রী নরেন্দ্র মোদীগী য়ুনিভর্সেল হেল্থকেয়র ফোর ওল হায়বা মঙলান অদুগী মরুওইবা শক্তিনি," হায়না কেন্দ্রগী মন্ত্রী দা. জিতেন্দ্র সিংহনা হায়খি। মন্ত্রী অসিনা দোক্তরশিংগী নুমিত্তা মেদিকেল ফ্রেতর্নিতীগী শরুক অমা ঐইবা ফংবদা নুংঙাইবা ফাওই অমসুং লাইবক ফৈ হায়না ফোংদোকখি। দা. জিতেন্দ্র সিংহনা হায়খি "মেদিসিনগী খ্বাইদগী ফরবা ব্রেনশিংনা য়ূখল অমগী মখাদা পুন্না লৈমিন্নবা হায়বসি য়াম্না তাঙবা থৌরম অমনি।"

মশামক মেদিসিন অমসুং এন্দোক্রিনোলোজীগী প্রোফেসর অমা ওইরিবা দা. জিতেন্দ্র সিংহনা মহাক্কী ওজা বি.সি. রোই মনা ফংলবা থৌরম অদুদা ইকাইখুম্নবা উৎখিবা মদ্রাস মেদিকেল কোলেজদা হৌদোকখিবা ভারতকী ইহান হানবা দাএবেতোলোজী দিপার্তমেন্তকী ফাউন্দর-হেদ প্রোফেসর দা. ভি সেশিয়াহ উনবদা নুংঙাইবা ফোংদোকখি। মহাক্না শীন-লাংলিবশিংবু চারোল অহুমগী দোক্তরশিংবু য়ুখল অমগী মখাদা পুন্না পুলহনবীবগীদমক থাগৎচখি। কেন্দ্রগী মন্ত্রীনা দোক্তরশিংবু 'লেজেন্দস ইন মেদিসিন' কাংলুপতা থমদুনা ইকাইখুম্নবা উৎখি।

সাইন্স অমসুং তেক্নোলোজী মন্ত্রীনা হায়খি, "মরুওইনা কোবিদ-১৯ লাইচৎকী শীংননিংঙাই ওইরবা মতমদা পীখিবা দোক্তরশিংগী কত্থোকপশিংবু ভারতনা মশক খঙই" অমসুং দোক্তরশিংগী নুমিৎ অসি ঐখোয়গী দোক্তর অমসুং মেদিকেল প্রোফেসনেলশিংগী মমল য়াম্লবা কত্থোকপশিংবু ইকাইখুম্নবা উৎপগী অখন্নবা নুমিৎ অমনি হায়না মহাক্না মখা তাখি। ঐখোয়গী খুন্নাই অসিদা হকচাং ফনা লৈহন্নবা অমসুং নাদ য়েক্তনা লৈহন্নবা হোতনবদা দোক্তরশিংনা লৌরিবা মরুওইবা থৌদাংশিংবু পুখৎখি। হকশেলগী সেক্তরদা হৌখিবা চহি খরা অসিদা ভারতকী খুমাং চাউশিনবশিংবু পল্লদুনা দা. জিতেন্দ্রনা হায়খি "ভারতনা কনবা ঙম্বা হকশেলগী লমদদা নত্তনা ঙাকথোকপা ঙম্বা হকশেলগী কেয়রদসু মালেমগী লুচিংবা ওইরক্লি"। মহাক্না দিজিতেল হেল্থকেয়র অমসুং মসিনা তেলিমেদিসিনগী খুত্থাংদা খ্বাইদগী লাপা মফমশিং ফাওবদা য়ৌহন্নবা হোৎনবদা পীরিবা শাফুগী মতাংদা পনখি। তিকাশিং অমসুং অতোপ্পা হকশেলগী সর্ভিসশিং য়ুম্থংনবা লৈবাকশিংদা ফংহন্নবা হোৎনবদা ভারতনা লৌরিবা থৌদাংগী মতাংদসু পনখি।

লৈঙাক অমসুং প্রাইবেত সেক্তরনা লৈবাক মীয়ামদা খ্বাইদগী ফবা সর্ভিস পীনবা অমসুং হকচাং ফনা লৈনবা হোৎনবদা লায়থোকহন্নবা হোৎনবদা পুন্না লৌমিন্নবা থৌদাংগী মরমদা পল্লদুনা মহাক্না হকশেলগী পথাপ ফগৎনবা অমসুং শৌগৎনবা পান্দমদা লৈঙাক্কী থৌদাং অমসুং থৌশিলশিংগী মতাংদা পনখি।

মেদিকেল ইনফ্রাস্ত্রকচর ফগৎনবগী মতাংদা ঙাংলদুনা মন্ত্রীনা ২০১৪গী মমাংদা লৈরম্বা এম্স মশীং অমসুং ২০২৪ দা লৈবা মশীং চাংদম্নদুনা পনখি। মহাক্না হেল্থকেয়র হায়বসি এল্লোপেথিক মেদিসিন খক্তমক্তা থমগদবা নত্তে, মসি আয়ুশ অমসুং অতৈ পথাপশিংবুসু পুনশিন্দুনা য়েংগদবনি হায়খি। লৈঙাক অসিনা হেন্না ফবা ৱার্কিং কন্দিসন, এজুকেসন মখা চত্থবা অমসুং মেদিকেল প্রোফেসনেলশিংগী রিসর্চকী খুদোঙচাবা পীনবা হোৎনরিবগী মতাংদসু পনখি।

***