آیوش کی وزارت کے ماتحت ایک اعلیٰ خود مختار ادارہ سنٹرل کونسل فار ریسرچ ان آیورویدک سائنسز (سی سی آر اے ایس) 24 جون 2024 کو انڈیا ہیبی ٹیٹ سنٹر، نئی دہلی میں‘‘روایتی طب میں تحقیق کی ترجیحات کی ترتیب’’ کے موضوع پر ایک روزہ قومی مشاورتی اجلاس کا انعقاد کرنے والا ہے۔ڈبلیو ایچ او- ایس ای اے آر او (ورلڈ ہیلتھ آرگنائزیشن-ساؤتھ-ایسٹ ایشیا ریجنل آفس) اورڈبلیو ایچ او- جی ٹی ایم سی(گلوبل ٹریڈیشنل میڈیسن سنٹر) کے تعاون سے منعقد ہونے والا یہ اہم اجلاس، روایتی ادویات کی تحقیق کو عالمی معیارات اور ترجیحات کے ساتھ ہم آہنگ کرنے میں ایک اہم کوشش کی نشاندہی کرتا ہے۔

اپنی نوعیت کا یہ پہلا مشاورتی اجلاس، ہندوستان میں روایتی ادویات(ٹی ایم) کے متنوع شعبوں کے نمائندوں بشمول پالیسی ساز، تعلیمی ادارے، محققین، مریض اور صنعت کے متعلقہ فریقوں کو اکٹھا کرے گا۔ اس کا مقصد مختلف روایتی ادویاتی نظام جیسے آیوروید، سدھا، یونانی اور ہومیوپیتھی میں کلیدی تحقیقی شعبوں کی شناخت اور ترجیح دینا ہے۔ یہ پہل روایتی ادویات میں عالمی صحت ادارہ کے مینڈیٹ کے مطابق ہے، جیسا کہ ویدیا رابنرائن اچاریہ، ڈائریکٹر جنرل،سی سی آر اے ایس نے اطلاع دی ہے۔

حال ہی میں، سی سی آر اے ایس کا ایک ذیلی ادارہ نیشنل انسٹی ٹیوٹ آف انڈین میڈیکل ہیریٹیج(این آئی آئی ایم ایچ)، حیدرآباد میں سی‘‘روایتی طب میں بنیادی اور ادبی تحقیق’’(ڈبلیو ایچ او سی سی    آئی این ڈی -177) کے لیے ڈبلیو ایچ او کے تعاون کرنے والے مرکز کے طور پر نامزد کیا گیا ہے۔ یہ عہدہ آنے والی تحقیق کی ترجیحی ترتیب کی مشق کی اہمیت کو واضح کرتا ہے، جو اگلی دہائی کے لیے تحقیقی روڈ میپ کو تیار کرے گی۔ اس کا مقصد فنڈز کے مؤثر استعمال کو یقینی بنانا اور روایتی ادویات کے اندر ضرورت کے اہم شعبوں کو حل کرنا ہے، اس طرح اس کی عالمی قبولیت اور انضمام کی حمایت کرنا ہے۔

آیوش کی وزارت کے سکریٹری ویدیا راجیش کوٹیچا اور پروفیسر (ویدیا) رابن نارائن آچاریہ کی قیادت میں، سی سی آر اے ایس نے روایتی ادویات میں تحقیقی شعبوں کو ترجیح دینے کے لیے اس اہم عمل کا آغاز کیا ہے۔ اس میٹنگ میں ملک بھر کے روایتی ادویات کے نمائندوں بشمول وزارت آیوش کے مشیر اور جوائنٹ سکریٹری، نیتی آیوگ کے نمائندے، پانچوں آیوش ریسرچ کونسلوں کے ڈائریکٹر جنرل، قومی کمیشن کے چیئرمین اور صدر (این سی آئی ایس ایم  اور این سی ایچ)، آیوش/ایوروید یونیورسٹیوں کے وائس چانسلرز، آیوش کی وزارت کے تحت قومی اداروں کے ڈائریکٹرز، پی ایچ ایف آئی،آر آئی ایس- ایف آئی ٹی ایم،سی ایس آئی آر،بی آئی ایس،آئی سی ایم آر،ڈبلیو ایچ او، آیوش فارماسیوٹیکل انڈسٹریز، ٹی ڈی یو اور دیگر تنظیموں کے ایتھنو فارماکولوجی کے نمائندے کی شرکت ہوگی۔

جن اہم موضوعات پر توجہ دی جائے گی ان میں ادویاتی پودوں کی تحقیق، معیار، حفاظت اور افادیت کے مطالعہ، قبل از طبی تصدیق، روایتی ادویات کا عقلی استعمال، کلینیکل ٹرائل مانیٹرنگ، طبی بشریات اور قدیم طبی لٹریچر کا ڈیجیٹلائزیشن شامل ہیں۔ آیوش سیکٹر کے تقریباً 100 اسٹیک ہولڈرز/ماہرین شرکت کریں گے، جس سے ایک جامع اور جامع بات چیت کو یقینی بنایا جائے گا۔

اس ایک روزہ قومی مشاورتی اجلاس کا مقصد روایتی ادویات میں ایک دہائی پر محیط تحقیقی حکمت عملی کی بنیاد رکھنا، متعلقہ فریقوں کے درمیان خیالات کے تبادلے کو فروغ دینا اور ڈبلیو ایچ او کے رہنما خطوط کے ساتھ کوششوں کو ہم آہنگ کرنا ہے۔ توقع کی جاتی ہے کہ اس باہمی تعاون سے عالمی سطح پر دوائی کے روایتی طریقوں کی ترقی اور انضمام میں نمایاں طور پر حصہ ڈالے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 7744)