یوگا كے اندر جسے آج بین الاقوامی یوگا ڈے کے انعقاد كے ذریعے پوری دنیا میں فروغ دیا جا رہا ہے اوپیئڈ پر انحصار جیسے مسائل کو کم کرنے کی صلاحیت ہے۔

ایک یوگا ماڈیول تیار کیا گیا ہے جسے اوپیئڈ یوز ڈس آرڈر (OUD) کے مریضوں میں کم لاگت اور کم اندیشے کے ساتھ منسلک تھراپی کے طور پر استعمال کیا جا سکتا ہے۔

اوپیئڈ قدرتی، نیم مصنوعی، یا مصنوعی کیمیکل ہیں جو جسم اور دماغ میں اوپیئڈ ریسیپٹرز کے ساتھ تعامل کرتے ہیں اور درد کے احساس کو کم کرتے ہیں۔ افیونی مواد اور افیون کی اصطلاحات بعض اوقات ایک دوسرے کے بدلے استعمال ہوتی ہیں۔ افیون سے مراد خاص طور پر پوست کے پودے سے حاصل ہونے والے قدرتی مرکبات ہیں، جیسے ہیروئن یا مورفین، جب کہ اوپیئڈ قدرتی ہو سکتے ہیں یا لیبارٹری میں حاصل کردہ ہیں۔

او یو ڈی اکثر درد کو کم کرنے کے لیے دی جاتی ہیں۔ جسم اوپیئڈز کا عادی ہو جاتا ہے اور اس سے انخلاء کی شدید علامات پیدا ہو سکتی ہیں جیسے آنکھوں اور ناک سے پانی آنا، جسم میں شدید درد، فلو جیسی علامات، بے خوابی، بے چینی اور چڑچڑاپن۔ دائمی استعمال کے ساتھ، یہ ادراک میں خرابی، جنسی کمزوری، سماجی اور پیشہ ورانہ افعال میں شدید خرابی کا سبب بن سکتا ہے اور مالی بوجھ میں اضافہ کر سکتا ہے۔

درد پر قابو پانے كی خاطر اوپیئڈز کا متبادل تلاش کرنے کے لیے یوگا ماڈیول تیار کرنے کے واسطے ایک مطالعہ انٹیگریٹڈ سینٹر فار یوگا، نیشنل انسٹی ٹیوٹ آف مینٹل ہیلتھ اینڈ نیورو سائنسز، بنگلور کے ڈاکٹر ہیمنت بھارگو نے کیا ہے۔

ڈی ایس ٹی کے سائنس اور ٹکنالوجی آف یوگا اینڈ میڈیٹیشن پروگرام کے تعاون سے تیار کردہ مادہ کے استعمال کے ماڈیول کے لیے یوگا کا ٹیلی موڈ کے ذریعے اطلاق کی فزیبلٹی کے لیے تجربہ کیا گیا اور بین تھراپسٹ کی معتبریت قائم کی گئی۔

پتہ چلا کہ یوگا دماغ میں گاما-امینوبٹیرک ایسڈ کی سطح کو بڑھاتا ہے، نیز آکسیٹوسن جو اوپیئڈ کی انخلا کی علامات کے انتظام میں معاون ہے وہ پریفرنٹل ایکٹیویشن کو بڑھانے، بے حسی کو کم کرنے اور بہتر خود نظم و ضبط کے ساتھ مثبت رویے کی تبدیلیوں کو فروغ دینے میں بھی مفید پایا گیا ہے۔

 نوماہ کے فالو اپ کے ساتھ ابتدائی کلینکل کیس اسٹڈی میں، ماڈیول کو اوپیئڈ انحصار میں مبتلا مریضوں کو راحت پہنچانے کے لیے موزوں پایا گیا۔

مداخلت کے 12 ہفتوں کے بعد، یہ دیکھا گیا کہ یوگا گروپ کے مضامین میں ورزش گروپ کے مقابلے میں اوپیئڈز کے لیے منفی پیشاب کی اسکریننگ کا امکان 2.68 گنا زیادہ تھا۔

مطالعہ میں تجویز کیا گیا کہ یوگا پرہیز کو بڑھانے اور اوپیئڈ انحصار والے لوگوں میں مادے کے استعمال کی شدت کو کم کرنے کے لیے ایک مفید اضافی ٹول ہو سکتا ہے۔ اس کے علاوہ، یوگا گروپ نے ورزش کرنے والے گروپ کے مقابلے میں درد، تڑپ، اضطراب اور افسردگی میں نمایاں طور پر بہتر کمی کی اور معیار زندگی اور نیند کے معیار میں بہتر بہتری لائی۔

اس طرح، یوگا کو ایک کم لاگت اور کم خطرے والی منسلک تھراپی کے طور پر استعمال کیا جا سکتا ہے تاکہ مادوں کے استعمال کو کم کیا جا سکے اور درد، اضطراب، افسردگی اور نیند کے معیار اور او یو ڈی مریضوں میں معیار زندگی کو بہتر بنایا جا سکے۔

******

U.No:7708

ش ح۔رف۔س ا

(Release ID: 2027836) Visitor Counter : 58