یوگ کے دسویں بین الاقوامی دن کے موقع پر، زراعت اور کسانوں کی بہبود اور دیہی ترقی کے مرکزی وزیر،  جناب شیوراج سنگھ چوہان نے بھارت رتن سی سبرامنیم آڈیٹوریم (این اے ایس سی کمپلیکس)، پوسا کیمپس، نئی  دلی  میں منعقدہ اجتماعی یوگاسن کے اجلاس  میں شرکت کی ۔   زراعت کے وزیر مملکت ، جناب رام ناتھ ٹھاکر، جناب بھاگیرتھ چودھری، زراعت اور کسانوں کی بہبود کے سکریٹری جناب منوج آہوجا، زرعی تحقیق اور تعلیم کے سکریٹری اور انڈین کونسل آف ایگریکلچرل ریسرچ کے ڈائریکٹر جنرل ڈاکٹر ہمانشو پاٹھک، اور دیگر سینئر افسران نے شرکت کی۔   اس موقع پر وزارت کے افسران بھی موجود تھے ۔

جناب  شیوراج سنگھ چوہان نے کہا کہ ‘‘یوگ  ایک خوشگوار، صحت مند اور بھرپور زندگی گزارنے کے فن اور سائنس دونوں کی نمائندگی کرتا ہے’’۔  ہندوستانی ثقافت میں اس کی گہری اہمیت پر زور دیتے ہوئے، انہوں نے  عہدہ سنبھالنے کے بعد سے عالمی سطح پر یوگ  کو فروغ دینے کا  سہرا وزیر اعظم نریندر مودی کو دیا ۔  اس کے نتیجے میں 21 جون کو بین الاقوامی یوگ  ڈے منایا گیا ۔

جناب  چوہان نے ہندوستان کے اُن قابل احترام سنتوں اور گروؤں کی کوششوں پر روشنی ڈالی جو پوری دنیا میں یوگ  کو فعال طور پر فروغ دیتے ہیں ۔  وزیر موصوف نے شہریوں پر زور دیا کہ وہ ذاتی طور پر یوگ  کو اپنے طرز زندگی میں شامل کریں اور  جسمانی تندرستی، ذہنی سکون اور روحانی رابطے کو فروغ دینے میں اس کے کردار پر زور دیں ۔  اس بات کو تسلیم کرتے ہوئے کہ ایک مضبوط جسم مؤثر کام کرنے کی بنیاد ہے، انہوں نے سماجی زندگی اور انفرادی فلاح و بہبود کے لیے بنیادی ضروریات کے طور پر جسمانی صحت اور ذہنی توازن کو برقرار رکھنے کی اہمیت کا اعادہ کیا ۔

سائنسی برادری سے خطاب کرتے ہوئے وزیر  موصوف نے کہا کہ یوگ  کو صرف 21 جون تک محدود نہیں رہنا چاہئے بلکہ اسے روزمرہ کی زندگی کا لازمی حصہ بنایا جانا چاہئے ۔  انہوں نے اس بات کی وضاحت کی کہ ‘‘یوگ  کے بنیادی اصول - یام اور نیام ہے جنہیں نظم و ضبط اور خوراک میں اعتدال کی ضرورت ہے’’ ۔  قدیم آیورویدک حکمت کا حوالہ دیتے ہوئے، انہوں نے ایسے کھانے کے استعمال کی وکالت کی جو جسم کے لیے فائدہ مند ہو  اور موسم کے مطابق متوازن ہوں ۔

*************

ش ح  ۔ ش  ر ۔ ت ح

U. No.7675