ماحولیات، جنگلات اور موسمیاتی تبدیلی کی وزارت
جناب بھوپیندر یادو نے اتراکھنڈ میں جنگلات کی آگ سے متاثرہ علاقوں کا دورہ کیا، کہا کہ حکومت قیمتی جنگلات کو نقصان پہنچانے والی آگ کی وجہ سے مختلف وجوہات کا حل تلاش کرنے کے لیے پرعزم ہے
Posted On:
20 JUN 2024 8:24PM by PIB Delhi
ماحولیات، جنگلات اور موسمیاتی تبدیلی کے مرکزی وزیر جناب بھوپیندر یادو نے جنگلوں میں لگی آگ سے متاثرہ علاقوں کا دورہ کیا اور اس آفت سے نمٹنے سے متعلق اقدامات کا جائزہ لیا۔ جناب یادو نے کہا کہ حکومت ان مختلف وجوہات کا حل تلاش کرنے کے لیے پرعزم ہے جو آگ کی وجہ بن رہی ہیں، جس سے قیمتی جنگلات کا نقصان ہو رہا ہے۔
علاقے کا جائزے کے دوران جناب یادو نے بھاگیرتھی سرکل کے تحت نریندر نگر اور ٹہری فارسٹ ڈویژنوں میں مختلف مقامات کا دورہ کیا اور جنگلات میں آگ سے متاثرہ دور دراز جنگلاتی علاقوں اور محکمہ جنگلات کی تیاریوں کا بھی جائزہ لیا۔ انہوں نے نریندر نگر فاریسٹ ڈویژن کے تحت جنگلاتی سلسلوں جیسے شیو پوری، ہندولکھل، بیمنڈا، اگراکھل وغیرہ کا دورہ کیا۔
ہندولا کھل میں فیلڈ وزٹ کے دوران جناب یادو نے کہا کہ جنگلوں میں آگ لگنے کے واقعات زیادہ تر دیودار کے جنگلوں میں پیش آئے ہیں۔ انہوں نے کہا کہ جنگلوں میں آگ لگنے کے واقعات میں اضافہ ہوا ہے۔ اس دوران ان کی نگرانی کی گئی اور کئی میٹنگیں بھی ہوئیں، جن میں آگ لگنے کی مقامی وجوہات جاننے کی کوشش کی گئی۔ جناب یادو نے کہا کہ آج حالات قابو میں ہیں، جغرافیائی حالات کا اندازہ لگایا جا سکتا ہے، عوام کی شرکت اور عوام کی رضامندی کو یقینی بنایا جا سکتا ہے تاکہ حکومت، محکمہ جنگلات آپس میں مل کر آگ لگنے کے واقعات کو روک سکیں۔ انہوں نے کہا کہ مرکزی حکومت اور ریاستی حکومت جنگلات میں آگ لگنے کے واقعات کو روکنے کے لیے مل کر کام کر رہی ہے۔
بیمنڈا کریو اسٹیشن پر، جناب یادو نے دیہی خواتین اور دیہاتیوں سے بات چیت کی اور جنگل میں آگ لگنے کی وجوہات پر تبادلہ خیال کیا۔ اس دوران انہوں نے جنگل میں لگی آگ بجھانے میں مصروف جنگلات کے اہلکاروں سے بھی بات کی۔
جناب یادو نے اس بات پر خصوصی زور دیا کہ محکمہ جنگلات کو جنگل کی آگ سے نمٹنے کے لیے اپنی تیاریوں کو مزید تیز کرنا چاہیے۔ انہوں نے ہدایت کی کہ آگ لگنے کی اطلاع ملتے ہی اس سے کم سے کم وقت میں نمٹنے کے انتظامات کیے جائیں۔ مرکزی وزیر نے جنگلات میں آگ لگنے کے واقعات میں مقامی کمیونٹی کی شرکت کو یقینی بنانے پر بھی زور دیا۔ جناب یادو نے جنگلات میں آگ کے حالیہ حادثات اور اس سے ہونے والے جان و مال کے نقصان پر بھی گہری تشویش کا اظہار کیا۔
جناب بھوپیندر یادو نے بادشاہیتھول فاریسٹ رینج میں محکمہ جنگلات کے اہلکاروں اور جنگلات کے عملوں کے ساتھ بات چیت کی۔اس موقع پر اتراکھنڈ حکومت کے وزیر جنگلات جناب سبودھ انیال، اتراکھنڈ حکومت کے سابق کابینہ وزیر جناب کشور اپادھیائے اور محکمہ جنگلات کے کئی سینئر افسران بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔
(ش ح ۔ رض ۔ ت ع(
8377
(Release ID: 2027227)