২০২৪-২৫ দগী ২০২৮-২৯ ফাওবদা লুপা করোর ২২৫৪.৪৩ কাইথোক্তুনা সেন্ত্রেল সেক্তর স্কিম “নেসনেল ফোরেন্সিক ইনফ্রাস্ত্রকচর ইনহান্সমেন্ত স্কিম”(এন এফ আই ই এস) পায়খৎনবা য়ুনিয়ন হোম মিনিস্ত্রিনা পুখৎলকপা ৱাফম ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে। সেন্ত্রেল সেক্তর স্কিম অসিগী শেনফম হোম এফেয়ার্স মিনিস্ত্রিনা মসিগী মশাগী বজেত্তগী পুথোক্কদবনি।

স্কিম অসিগী মখাদা মখাগী মচাকশিং অসি মন্ত্রীমন্দলনা অয়াবা পীরে:

i. লৈবাক অসিদা নেসনেল ফোরেন্সিক সাইন্সেস য়ুনিভর্সিতি(এন এফ এস য়ু)গী কেম্পসশিং লিংখৎপা।

ii. লৈবাক অসিদা সেন্ত্রেল ফোরেন্সিক সাইন্স লেবোরেতোরিশিং লিংখৎপা।

iii   নেসনেল ফোরেন্সিক সাইন্সেস য়ুনিভর্সিতিগী দিল্লি কেম্পসকী হৌজিক লৈরিবা ইনফ্রাস্ত্রকচর ফগৎহনবা।

সাইন্তিফিক ওইবা অমসুং খুদমশিং মতম চানা ফোরেন্সিক একজামিনেসন তৌদুনা অফবা অমসুং মতিক চাবা ৱায়েল কাংলোন অমা থম্নবা ভারত সরকারনা থবক পায়খৎলি। স্কিম অসিনা অৱাংবা থাক্কী মগুন লৈবা, ত্রেন তৌরিবা ফোরেন্সিক্কী মীওইশিং, অচুম্বা ৱায়েন পুরক্নবা মতম চানা অমসুং সাইন্তিফিক ওইনা প্রমান থিজিন্নবা পান্দম থম্লি অমসুং মসিদা তেক্নোলোজি শীজিন্নগনি অমসুং ক্রাইমগী মওংশিং খঙদোক্কনি।

অনৌবা ক্রিমিনেল লোশিং চৎনবা হৌরকপগা লোয়ননা, অরানবা তৌবগী ফোরেন্সিক ওইনা থিজিন্দুনা চহি ৭ নত্ত্রগা মসিগী হেন্না চৈরাক পীবা য়াওরে, মসিনা লৈবাক অসিদা লৈরিবা ফোরেন্সিক সাইন্স লেবোরেতোরিশিংগী থবক হেনগৎলকপা য়ারি। মখা তানা, লৈবাক অসিগী ফোরেন্সিক সাইন্স লেবোরেতোরিশিংদা ত্রেন তৌরবা ফোরেন্সিক্কী মীওই মশিং ৱাৎলি।

ত্রেন তৌরবা মীওই দরকার ওইরিবা অসি ফংহনবা ঙম্নবা, শেন থাদবা অমসুং লৈবাক্কী ফোরেন্সিক ইনফ্রাস্ত্রকচর হেনগৎহনবা তঙাইফদে। নেসনেল ফোরেন্সিক সাইন্সেস য়ুনিভর্সিতিগী অহেনবা ওফ-কেম্পসশিং অমসুং অনৌবা সেন্ত্রেল ফোরেন্সিক সাইন্স লেবোরেতোরিশিং লিংখৎপনা ত্রেনিং তৌরবা ফোরেন্সিক্কী মীওইশিং ৱাৎলিবা অসি মেনখৎপা ঙমগনি, ফোরেন্সিক লেবশিংদা কেস মশিং/পন্দুনা লৈরিবা কেস লৈরিবা অসি হন্থহনবা ঙমগনি অমসুং মরালগী চৈরাক পীবগী চাং চাদা ৯০ য়ৌহন্নবা ভারত সরকারনা থম্লিবা পান্দম অসি ফংহনবা ঙমগনি।

****