صارفین کے امور کے محکمے نے آج یہاں "رہنما خطوط کے نفاذ کے لیے ڈارک پیٹرن  اور حکمت عملی"  کے موضوع پر پر ایک انٹرایکٹو سیشن میں حصہ لیا۔ اس کا مقصد ڈارک پیٹرن  سے متعلق مسائل، آن لائن پلیٹ فارم پر فریب دینے والے ڈیزائن کے استعمال کا  مسلسل عمل اور ڈارک پیٹرن  پر رہنما اصولوں کو نافذ کرنے کے مؤثر طریقوں پر تفصیل سے بات کرنا تھا۔

حکومت ہند کےمحکمہ برائے امور صارفین کی سکریٹری، محترمہ نیدھی کھرے نے ای کامرس پلیٹ فارم کو ڈارک پیٹرن کے استعمال کے خلاف خبردار کیا کیونکہ یہ "غیر منصفانہ تجارتی عمل " کی نوعیت کا عمل ہے اور صارفین کے حقوق کی خلاف ورزی کرتا ہے۔ اس طرح کے گمراہ کن ڈیزائنوں کے استعمال سے گریز کرنے یا صارف انٹرفیس کو بہتر بنانے کے مختلف طریقے تجویز کیے گئے تھے، جیسے صارفین کے تاثرات پر انحصار کرنا، صارفین کا اطمینان، صارف کی شرح کا اعادہ ، ان بلٹ ایپ/فیچرز کا استعمال کرتے ہوئے ایسے پیٹرن کی نشاندہی کرنا  جو رہنما خطوط اور خود سے مطابقت نہیں رکھتے، ای کامرس پلیٹ فارم کے ذریعہ ایسے مخصوص ڈارک پیٹرن  کا آڈٹ کرنا۔

محکمہ  نے نومبر 2023 میں ڈارک پیٹرن  کی روک تھام اور ضابطے کے لیے  رہنما خطوط 2023 کا نوٹیفکیشن جاری کیا تھا۔  رہنما خطوط میں جھوٹی عجلت، باسکٹ چھپانا، شرمندگی کی تصدیق، جبری کارروائی، سبسکرپشن ٹریپ، انٹرفیس میں مداخلت، بیٹ  اور سوئچ، ڈرپ کی قیمتوں کا تعین، چھپے ہوئے اشتہارات اور پریشان کرنا ، دھوکہ دینے والے الفاظ، ساس بلنگ اور روگ مالویئرز جیسے 13 ڈارک پیٹرن  کی وضاحت کی گئی ہے۔

ڈارک پیٹرنز بسٹر ہیکاتھون (ڈی پی بی ایچ-2023) ایک اہم قدم ہے جو آئی آئی ٹی، بی ایچ یو کے تعاون سے 15 مارچ 2024 کو محکمہ صارفین کے امور کے ذریعہ کامیابی کے ساتھ اختتام پذیر ہوا۔ فریب دینے والے آن لائن طریقوں کا مقابلہ کرنے کی مسلسل کوشش کے تحت 26 اکتوبر 2023 کو ڈی او سی اے کے ذریعہ 4 راؤنڈ ہیکاتھون کا آغاز کیا گیا تھا ۔ ہیکاتھون کا مقصد جدید ایپ یا سافٹ ویئر پر مبنی حلوں کو ڈیزائن اور پروٹو ٹائپ کرنا تھا جیسے؛ براؤزر ایکسٹینشن، پلگ انز، ایڈ آنز، موبائل ایپلی کیشن وغیرہ جو ای کامرس پلیٹ فارم کے لیے ڈارک پیٹرن کے استعمال، قسم اور پیمانے کا پتہ لگاسکتے ہیں۔ ڈی پی بی ایچ-2023 میں ملک بھر سے قابل ذکر شراکت دیکھنے میں آئی، جس میں 150 سے زیادہ کالج  شامل ہوئے۔

سیشن کا اہتمام ہائبرڈ موڈ میں کیا گیا تھا اور اس میں مختلف شراکت داروں جیسے کہ آئی آئی ٹی، بی ایچ یو اور آل انڈیا گیمنگ فیڈریشن، زومیٹو، ایز مائی ٹرپ، اربن کمپنی، اوبر، سی آر ای ڈی وغیرہ کے صنعتی نمائندوں نے شرکت کی۔

اپنی نمایاں کامیابی میں، آج کے انٹرایکٹو سیشن میں آئی آئی ٹی، بی ایچ یو کے طلباء کی ایک ٹیم کی طرف سے ایک نمائشی ویڈیو دیکھا گیا جس میں ترقی کے مرحلے میں ان کے توسیعی ٹول کے استعمال کو اجاگر کیا گیا۔ تفصیلی پریزنٹیشن نے ان طریقوں کو ظاہر کیا جو ٹول ای کامرس پلیٹ فارم پر ڈارک پیٹرن کی شناخت کرتا ہے اور صارفین کو آگاہ کرتا ہے، جس میں لارج لینگویج ماڈل (ایل ایل ایم)، جنریٹو اے آئی  اور دیگر پیچیدہ ماڈل کا استعمال کیا جاتا ہے۔

محکمہ اور آئی آئی ٹی، بی ایچ یو کی کوششوں کو سبھی نے سراہا اور صنعتی داروں  نے اپنے پلیٹ فارم پر دھوکہ دہی والے ڈیزائنوں کو حقیقی ڈیزائنوں سے ممتاز کرنے میں مدد اور ان کے ڈیٹا سیٹ تک رسائی فراہم کرکے اس طرح کےطریقہ کار کی شناخت میں تعاون کرنے کا وعدہ کیا۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ت ع(

7541

 

(Release ID: 2026296) Visitor Counter : 63