اعداد و شمار اور پروگرام کے نفاذ کی وزارت (ایم او ایس پی آئی) اپریل 2021 سے مارچ 2022 (اے ایس یو ایس ای  2021-22) اور اکتوبر 2022 سے ستمبر 2023 (اے ایس یو ایس ای-23-2022) کے حوالہ مدتوں کے لیے غیر کارپوریٹڈ سیکٹر انٹر پرائزز  کے سالانہ سروے  (اے ایس یو ایس ای) کے اہم نتائج جاری کر رہی ہے۔  کوریج، نمونے لینے کی حکمت عملی، ڈیٹا اکٹھا کرنے کے طریقہ کار وغیرہ کے لحاظ سے سروے کا ایک مختصر جائزہ  اختتامی نوٹ میں فراہم کیا گیا ہے۔

غیر مربوط غیر زرعی شعبہ ہندوستانی معیشت میں ایک اہم کردار ادا کرتا ہے ، جو روزگار، مجموعی گھریلو پیداوار اور مجموعی سماجی و اقتصادی منظر نامے میں اہم کردار ادا کرتا ہے۔ یہ شعبہ فراہم کنندگان اور خدمات فراہم کرنے والے کے طور پر کام کرتے ہوئے مربوط شدہ شعبے کی حمایت کرتا ہے، اس طرح یہ گھریلو ویلیو چین کا ایک لازمی حصہ بنتا ہے۔

اس سیکٹر کی معاشی اور آپریشنل حرکیات کو حقیقت پسندانہ طور پر گرفت میں لینے کے لیے،اے ایس یو ایس ای کو نیشنل سیمپل سروے آفس (این ایس ایس او) نے خصوصی طور پر مینوفیکچرنگ، تجارت اور دیگر خدمات کے شعبوں (تعمیرات کو چھوڑ کر) میں غیر مربوط غیر زرعی اداروں کی مختلف اقتصادی اور آپریشنل خصوصیات کی پیمائش کے لیے تصور کیا تھا۔ اے ایس یو ایس ای کا ڈیٹا قومی اکاؤنٹس کے اعدادوشمار کی تالیف میں مدد کرے گا اور اس شعبے میں روزگار کی طلب کے منظر نامے کا اندازہ لگانے میں بھی مدد کرے گا۔ اس سے مختلف وزارتوں کی ضروریات کو پورا کرنے میں بھی مدد ملے گی، جیسے وزارت مائیکرو اسمال اینڈ میڈیم انٹرپرائزز (ایم ایس ایم ای)، وزارت ٹیکسٹائل، وزارت محنت اور روزگار وغیرہ۔ مزید برآں، یہ ڈیٹا پالیسی سازوں، محققین اور دیگر اسٹیک  ہولڈرس کے لیے معیشت کے اس اہم حصے کو بہتر طور پر سمجھنے اور اس کی حمایت کرنے کے لیے ضروری ہے۔ ۔

اے ایس یو ایس ای  (اے ایس یو ایس ای 2021-22) کے پہلے مکمل سروے پر کووڈ وبائی مرض کا اثر:

اے ایس یو ایس ای   2021-22 کے سروے کی مدت، خاص طور پر اپریل سے  جون 2021 کی مدت، وبائی بیماری کی دوسری لہر سے بری طرح متاثر ہوئی ہے اور اس کے نتیجے میں، سروے کافی حد تک متاثر ہوا ہے۔  نتیجے کے طور پر، اے ایس یو ایس ای   2021-22 کے مجموعی سالانہ  اوسط تخمینے متاثر ہوئے۔ اس تناظر میں، ذیل میں جدول 1 الگ الگ سروے کے مختلف ادوار (کینوسنگ کی مدت)، یعنی اپریل سے  جون 2021، جولائی سے ستمبر 2021، اکتوبر سے  دسمبر 2021 اور جنوری  سے مارچ 2022 تک اداروں اور کارکنوں کی کل تخمینہ جاتی  تعداد میں تعاون پیش کرتا ہے۔

جدول 1 سے پتہ چلتا ہے کہ سروے کی پہلی سہ ماہی، یعنی اپریل سے  جون 2021 کو وبائی امراض کی وجہ سے سب سے زیادہ نقصان اٹھانا پڑا ہے اور اس نے اداروں اور کارکنوں کی بہت کم تعداد کی اطلاع دی ہے۔ اس کی وجہ سے مجموعی سالانہ تخمینہ بھی کافی حد تک متاثر ہوا ہے۔ ایسا معلوم ہوتا ہے کہ غیر مربوط مینوفیکچرنگ، تجارت اور دیگر خدماتی سرگرمیاں، وبائی  امراض کی دوسری لہر سے بری طرح متاثر ہوئیں؛ تاہم، جولائی 2021 کے بعد سے صورتحال بتدریج بہتر ہوتی گئی۔

 

 

* ریفرنس کی مدت: اپریل 2021  سے مارچ 2022

اے ایس یو ایس ای  2021-22 اور اے ایس یو ایس ای 2022-23 کے نتائج کی اہم جھلکیاں

غیر مربوط شعبے کی لچکدار ترقی:

نتائج کووڈ وبائی امراض کے جھٹکے کے بعد غیر مربوط شعبے کی طرف سے دکھائی گئی لچک کو ظاہر کرتے ہیں۔ سیکٹر میں اداروں کی کل تعداد 22-2021 میں 5.97 کروڑ سے بڑھ کر 23-2022 میں 6.50 کروڑ ہو گئی، جو کہ 5.88 فیصد سالانہ نمو کی نمائندگی کرتی ہے[1]۔

کوریج کے تحت وسیع شعبوں میں، دیگر خدمات کے شعبے میں اداروں کی تعداد میں سالانہ 15.12 فیصد اضافہ ہوا، جو کہ ایک مضبوط شعبہ جاتی توسیع کی نشاندہی کرتا ہے، جبکہ مینوفیکچرنگ اداروں کی تعداد میں 2.22 فیصد اضافہ ہوا ، جو وبائی دور کے بعد سیکٹر کے بتدریج کھلنے کی عکاسی کرتا ہے۔

اسی مدت کے دوران، مجموعی ویلیو ایڈڈ (جی وی اے) [2]  جو کہ اقتصادی کارکردگی کا ایک اہم اشاریہ ہے، میں 9.83 فیصد سالانہ اضافہ دیکھنے میں آیا۔ اس جی وی اے کی نمو میں بڑے شراکت داروں کو مینوفیکچرنگ اور دیگر خدمات کے شعبوں سے منسوب کیا جا سکتا ہے۔ جبکہ مینوفیکچرنگ جی وی اے میں سالانہ 19.14 فیصد اضافہ ہوا، دوسری خدمات کے لیے جی وی اے میں 18.90 فیصد اضافہ ہوا۔

لیبر مارکیٹ اور روزگار کے مواقع کو وسعت دینا

غیر مربوط غیر زرعی شعبے نے اکتوبر 2022 سے ستمبر 2023 تک تقریباً 11 کروڑ کارکنوں کو ملازمت دی، جو کہ 22-2021 میں 9.8 کروڑ سے زیادہ ہے، جو صحت مند لیبر مارکیٹ کی نموکو ظاہر کرتا ہے۔ یہ 7.84 فیصد سالانہ نمو اس شعبے کی روزگار پیدا کرنے کی صلاحیت کو ظاہر کرتی ہے۔

سیکٹر کے لحاظ سے، ان دو سالوں سے اداروں اور کارکنوں کی تخمینی تعداد کو بالترتیب تصویر 1 اور تصویر 2 میں دکھایا گیا ہے۔

اس مدت کے دوران ملازمتوں میں سب سے زیادہ سالانہ ترقی دیگر خدمات کے شعبے میں دیکھی گئی (13.42فیصد) اس کے بعد مینوفیکچرنگ سیکٹر (6.34 فیصد)۔

غیر زرعی غیر مربوط شعبے میں زیادہ تر کارکن غیر رسمی کارکن ہیں۔ سروے سے پتہ چلتا ہے کہ غیر رسمی کارکنوں کی اوسط سالانہ آمدنی 22-2021 میں  1,06,381روپے  سے  بڑھ کر 23-2022  میں 1,10,982روپے ہو گئی۔  یہ غیر رسمی شعبے میں اجرت کے بہتر حالات کی عکاسی کرتا ہے۔

بہتر پیداوار کی صلاحیت

مجموعی ویلیو ایڈڈ (جی وی اے) فی کارکن، جو کہ اس شعبے کی محنت کی پیداواری صلاحیت کا پیمانہ ہے،  جو 22-2021 میں 1,38,207  روپے  بڑھ کر روپے 23-2022 میں 1,41,769 روپے  ہوگئی۔  اسی مدت کے دوران، پیداوار کی مجموعی قدر (جی وی او) فی ادارہ بھی  3,98,304  روپے سے بڑھ کر 4,63,389   روپے ہو گئی۔

یہ محنت سمیت وسائل کے زیادہ مؤثر استعمال کے ساتھ بڑھتی ہوئی پیداواری صلاحیت کی نشاندہی کرتا ہے، جو پائیدار اقتصادی ترقی اور مسابقت کے لیے اہم ہے۔

اے ایس یو ایس ای  2022-23 اور اے ایس یو ایس ای  2021-22 کے کلیدی اشارے (موجودہ قیمت میں قیمت کے اعداد و شمار) کے سالانہ تخمینے نیچے جدول 2 میں دیئے گئے ہیں۔ مزید، اے ایس یو ایس ای 2021-22 کے تخمینے سالانہ (اپریل2021 سے  مارچ، 2022) اور 3 ماہ (اپریل 2021 سے  جون، 2021) اور 9 ماہ کی مدت  (جولائی 2021 سے  مارچ، 2022) کے لیے علیحدہ علیحدہ پیش کیے جاتے ہیں۔ اے ایس یو ایس ای  2022-23 (اکتوبر 2022 سے  ستمبر 2023) کے سالانہ تخمینوں کے ساتھ حقائق کی شیٹ میں فراہم کیے گئے ہیں، جو وزارت کی ویب سائٹ (https://www.mospi.gov.in)  پر دستیاب ہے۔

 

 

*مارکیٹ کے اداروں سے متعلق[3]

غیر مربوط سیکٹر انٹر پرائزز  کے سالانہ سروے (اے ایس یو ایس ای)  میں کوریج، نمونے لینے کی اسکیم، نمونے کے سائز اور ڈیٹا اکٹھا کرنے کے طریقہ کار کے بارے میں ایک مختصر جائزہ:

A - اے ایس یو ایس ای  کی کوریج:

 

A.1-  جغرافیائی طور پر،اے ایس یو ایس ای  پورے ہندوستان کے دیہی اور شہری علاقوں کا احاطہ کرتا ہے (سوائے انڈمان اور نکوبار جزائر کے دیہات کے، جہاں تک رسائی مشکل ہے)۔

A.2- سیکٹر کے لحاظ سے، یہ سروے تین شعبوں یعنی مینوفیکچرنگ، تجارت اور دیگر خدمات سے تعلق رکھنے والے غیر مربوط غیر زرعی اداروں کو گرفت میں لاتا ہے۔

A.3 - اے ایس یو ایس ای میں ملکیت کے لحاظ سے، غیر مربوط غیر زرعی اداروں کا احاطہ کیا گیا ہے، جو ملکیت، شراکت داری (محدود ذمہ داری کی شراکت کو چھوڑ کر)، سیلف ہیلپ گروپس (ایس ایچ جی)، کوآپریٹیو، سوسائٹیز/ٹرسٹ وغیرہ سے متعلق ہیں۔

B. نمونے لینے کی اسکیم:

یہ سروے ایک ملٹی اسٹیج اسٹریٹی فائیڈ سیمپلنگ اسکیم کے بعد کیا گیا ہے، جہاں پہلے مرحلے کی اکائیاں (ایف ایس یوز) دیہی میں مردم شماری والے گاؤں ہیں (سوائے دیہی کیرالہ کے، جہاں پنچایت وارڈوں کو ایف ایس یوزکے طور پر لیا گیا ہے) اور شہری علاقوں میں یو ایف ایس (اربن فریم سروے) بلاکس ہیں۔ حتمی مرحلے کی اکائیاں (یو ایس یوز) دونوں شعبوں کے لیے ادارے ہیں۔ بڑے ایف ایس یوزکے معاملے میں، نمونے لینے کا ایک درمیانی مرحلہ دیہی اور شہری علاقوں میں ذیلی بلاکس میں ہیملیٹ گروپس کی شکل میں کیا گیا ہے۔

C. نمونہ سائز:

اے ایس یو ایس ای  2021-22 میں، مجموعی طور پر 4,16,269  اداروں (2,39,981 دیہی اور 1,76,288 شہری میں) سے 16,199 سروے شدہ  ایف ایس یوز (8,425 دیہی میں اور 7,774 شہری  میں) سے ڈیٹا اکٹھا کیا گیا۔ جہاں  اے ایس یو ایس ای  23-2022  میں 4,58,938 اداروں (دیہی میں 2,58,296 اور شہری میں 2,00,642) کا سروے  16,382 ایف ایس یوز (8,495 دیہی میں  اور 7,887 شہری میں) سے کیا گیا۔

D. ڈیٹا اکٹھا کرنے کا طریقہ کار:

اے ایس یو ایس ای  2021-22 اور اے ایس یو ایس ای 2022-23 دونوں ایریا فریم کی بنیاد پر انجام دیئے گئے ہیں اور اداروں کو دیہی اور شہری دونوں سیکٹر کے منتخب  ایف ایس یوزمیں درج کیا گیا ہے۔ زیادہ تر، چند بڑے اداروں کو چھوڑ کر 'ماہانہ' ریفرنس کی مدت سے متعلق زبانی انکوائری کے ذریعے منتخب اداروں سے ڈیٹا اکٹھا کیا جاتا تھا، جنہوں نے اپنی آڈٹ شدہ اکاؤنٹس کی کتابوں سے سالانہ ڈیٹا فراہم کیا تھا۔  اے ایس یو ایس ای 2021-22، اے ایس یو ایس ای  پر پہلا مکمل سروے، قلم اور کاغذ پرسنل انٹرویو (پی اے پی آئی) موڈ میں کیا گیا ہے،  جبکہ اے ایس یو ایس ای 2022-23 کمپیوٹر اسسٹڈ پرسنل انٹرویو (سی اے پی آئی) موڈ میں انجام دیا گیا ہے۔

 

************

U.No:7441

ش ح۔ اک۔ق ر

(Release ID: 2025386) Visitor Counter : 54