خواتین اور بچوں کی ترقی کی مرکزی وزیر محترمہ انپورنا دیوی کے ساتھ خواتین اور اطفال کی ترقی کی وزارت میں مرکزی وزیر مملکت محترمہ ساوتری ٹھاکر نے دہلی کے نرمل چھایا کمپلیکس کا دورہ کیا جس میں مرکزی حکومت کے زیر اہتمام مختلف فلاحی ادارے کام کررہے ہیں۔ خواتین اور بچوں کی ترقی کی وزارت، حکومت ہند کے سکریٹری جناب انیل ملک وزراء کے ہمراہ تھے۔

انہوں نے چلڈرن ہوم فار گرلز، آفٹر کیئر ہوم برائے خواتین اور چائلڈ ویلفیئر کمیٹی کا دورہ کیا جو ایسے ادارے ہیں جو مشکل حالات میں بچوں کی خاندانی بنیاد پر غیر ادارہ جاتی دیکھ بھال کو فروغ دیتے ہیں۔ یہ ادارے وزارت میں مشن وتسالیہ کے تحت چلائے جاتے ہیں۔ مرکزی وزیر نے ان مراکز میں بچوں سے بات چیت کی۔

انہوں نے خواتین کو بااختیار بنانے کے لیے ون اسٹاپ سینٹر اور سنکلپ ہب کا بھی دورہ کیا جو بالترتیب خواتین کی حفاظت اور تحفظ اور بااختیار بنانے کے لیے قائم کیے گئے ادارے ہیں اور وزارت کے زیراہتمام مشن شکتی کا حصہ ہیں۔

مرکزی وزیر کے ساتھ سینئر افسران بھی شامل تھے، اور ان اداروں کی صلاحیتوں کو مزید بہتر بنانے کے لیے مختلف اقدامات پر تبادلہ خیال کیا گیا۔ اس بات پر زور دیا گیا کہ بچوں کے حقوق کی وکالت اور بیداری کے ساتھ ساتھ نابالغوں کے انصاف کی دیکھ بھال اور تحفظ کے نظام کو مضبوط بنانے کے لیے، خواتین کی قیادت میں ترقی اور ‘کسی بچے کو پیچھے نہ چھوڑیں’ کے وژن کو پورا کرنے کے لیے وزیر اعظم کی طرف سے تصور کردہ ‘‘وکست بھارت’’ کو حاصل کرنے کے لیے ضروری ہے۔

 

-----------------------

ش ح۔ س ب ۔ ع ن

U NO: 7421

(Release ID: 2025204) Visitor Counter : 23