ٹیکسٹائل کی وزارت میں سکریٹری محترمہ رچنا شاہ نے کہا کہ ‘‘ٹیکسٹائل کی وزارت نے جدت اور پائیداری کو فروغ دینے اور صنعت کے مستقبل کی تشکیل کرنے والی تبدیلی کی ترقی کو فروغ دینے کے لیے تکنیکی ٹیکسٹائل میں اسٹارٹ اپ کو منظوری دی۔ یہ بات انہوں نے آج یہاں نیشنل ٹیکنیکل ٹیکسٹائل مشن (ای ٹی ٹی ایم) کی بااختیار پروگرام کمیٹی (ای پی سی) کے ساتویں اجلاس کی صدارت کرتے ہوئے کہا۔

این ٹی ٹی ایم کی جانب سے تکنیکی ٹیکسٹائل کے خواہشمند اختراعیوں کے لیے تحقیق اور صنعت کاری  کے لیے گرانٹ (گریٹ) ٹیکنیکل ٹیکسٹائل کے شعبے میں نوجوان اختراع کاروں، سائنسدانوں/ٹیکنالوجسٹوں اور اسٹارٹ اپ وینچرز کی حوصلہ افزائی کرتا ہے کہ وہ اپنے خیالات کو تجارتی ٹیکنالوجیز/مصنوعات میں منتقل  کریں اور ہندوستان کو خود انحصار بنائیں۔ انہوں نے کہا کہ گریٹ فنکشنل پروٹو ٹائپس یا ٹیکنیکل ٹیکسٹائل کے لیے ان کی ٹیکنالوجیز کی کمرشلائزیشن کے لیے انفرادی کاروباریوں یا اسٹارٹ اپس کی حمایت کرتا ہے۔

بااختیار پروگرام کمیٹی (ای پی سی) نے گریٹ اسکیم کے تحت 7 اسٹارٹ اپ تجاویز کو منظوری دی ہے۔ حکومت ہند  فی اسٹارٹ اپ آئی این آر 50 لاکھ کی زیادہ سے زیادہ فنڈ سپورٹ فراہم کر رہا ہے۔ آج تک، این ٹی ٹی ایم  کے تحت 8 اسٹارٹ اپ تجاویز کی منظوری دی گئی ہے، جو پائیداری، کمپوزٹ، اعلیٰ کارکردگی والے ٹیکسٹائل، میڈی ٹیک، اور اسمارٹ ٹیکسٹائل پر توجہ مرکوز کرتے ہوئے، ان اہم شعبوں میں نمایاں پیش رفت کرتے ہیں۔

کچھ اسٹارٹ اپس جنہیں ای پی سی نے منظوری دی تھی اور وہ ہندوستان میں ٹیکنالوجی پر مبنی مینوفیکچرنگ کو آگے بڑھانے میں بہت آگے جاسکتے ہیں، ‘فوجی ایپلی کیشنز کے لیے بریڈڈ کمپوزٹ تیار کرنا اور تشکیل کرنا، ریڈمون انٹیگریٹڈ آئی ایف ایف اینٹینا، سرجیکل اسٹیمولیشنز ماڈلز کے لیے کمپوزٹ سے بنے ہیں۔ ڈاکٹروں کی تربیت، توانائی پیدا کرنے اور سینسنگ کے لیے نینو فائبر انفیوزڈ ٹیکسٹائل’ ہیں۔

اس کے علاوہ ، ای پی سی نے آئی آئی ٹی گوہاٹی کو تقریباً 6.4 کروڑ روپے کی گرانٹ کو منظوری دی ہے تاکہ ٹیکنیکل ٹیکسٹائل میں نئے پیپرز/مضامین متعارف کرائے جائیں اور اس کے سول انجینئرنگ ڈیپارٹمنٹ میں لیبارٹری کے انفراسٹرکچر کو اپ گریڈ کیا جائے۔ یہ گرانٹ این ٹی ٹی ایم کے ‘پرائیویٹ اور پبلک اسنٹی ٹیوٹ کے لئے تکنیکی ٹیکسٹائل میں تعلیمی اداروں کو فعال کرنے کے لیے جنرل گائیڈ لائنز’ کے تحت فراہم کی گئی ہے۔

اپنے لیباریٹری کے بنیادی ڈھانچے کو بڑھا کر اور تکنیکی ٹیکسٹائل، خاص طور پر جیو ٹیکسٹائل میں اپنی صلاحیتوں کو بڑھانے سے، شمال مشرقی خطے کا ایک اہم ادارہ آئی آئی ٹی  گوہاٹی، خطے کے منفرد جغرافیائی اور ماحولیاتی حالات سے نمٹنے کے لیے بہتر طور پر لیس ہوگا۔ یہ گرانٹ انسٹی ٹیوٹ کو تکنیکی مشاورت اور ضروری تعاون کی پیشکش کے ذریعے شمال مشرٹی خطوں  کی ترقی کا کلیدی معاون بننے کے لیے متحرک کرے گی۔

-----------------------

ش ح۔ا م ۔ ن ا۔

U NO: 7406