وزارت  مواصلات  میں ٹیلی کمیونیکیشن کے محکمہ کے سکریٹری ڈاکٹر نیرج متل نے بارسلونا، اسپین میں جاری موبائل ورلڈ کانگریس 2024 (ایم ڈبلیو سی24) میں مختلف فورمز پر ہندوستان کی ٹیلی کام ایڈوانسمنٹس اور عالمی تعاون کو پیش کیا۔ انہوں نے اس بات پر بھی روشنی ڈالی کہ ہندوستان ٹیکنالوجی کے میدان میں دنیا کے تیز ترین 5جی رول آؤٹس میں سے ایک اور تمام شعبوں میں ڈیجیٹل تبدیلی کے ساتھ تیزی سے ترقی کر رہا ہے۔

سیکرٹری (مواصلات) نےعالمی بینک کے وفد سے بھی ملاقات کی جس کی قیادت جناب گوانگزی چن، وی پی برائے انفراسٹرکچر، اور محترمہ کرسٹین، ڈائریکٹر، ڈیجیٹل ڈیولپمنٹ گلوبل پریکٹس نے کی۔ انہوں نے اسے ‘‘تعاون اور عالمی ترقی پر دلچسپ بات چیت’’ قرار دیا۔

ڈاکٹر متل نے بھارت نیٹ اور 4جی سیچوریشن پروجیکٹس کے بارے میں بھی مطلع کیا جو ڈیجیٹل تقسیم کو ختم کرنے کے لیے ہندوستان کے عزم کو ظاہر کرتے ہیں اور جعلی کنکشن سے نمٹنے کے لیے اے آئی کی نشاندہی کرتے ہیں اور ریگولیٹری سینڈ باکسز کو اپنانے سے ٹیکنالوجی کی ترقی کے ساتھ رفتار برقرار رکھنے کے لیے فعال پالیسی سازی کے نقطہ نظر کی نشاندہی بھی  ہوتی ہے۔

ٹیلی کام سکریٹری کے ساتھ ایک اعلیٰ سطحی وفد بھی تھا، جو باوقار ایم ڈبلیو سی 24 میں ہندوستان کی نمائندگی کر رہا تھا۔ وفد کی شرکت نے ٹیلی کمیونیکیشن کے شعبے میں ہندوستان کی نمایاں پیش رفت اور بین الاقوامی تعاون کو فروغ دینے کے عزم کو اجاگر کرتے ہوئے، وسیع پیمانے پر مصروفیات کو شامل کیا۔

ایم ڈبلیو سی 24 میں وفد کی سرگرمیوں میں شامل ہیں:

جی ایس ایم اے وزارتی پروگرام:

- سکریٹری نے جی ایس ایم اے وزارتی پروگرام میں ‘‘5 جی کے پانچ سال: پالیسی سازوں کے لیے بصیرت’’ کے عنوان سے ایک کلیدی پریزنٹیشن دی۔ پریزنٹیشن میں 5جی کی تعیناتی میں ہندوستان کے شاندار سفر کی وضاحت کی گئی، جس میں حکومت کے اقدامات جیسے 100 5جی لیبز کا قیام اور کاروبار کرنے میں آسانی پیدا کرنے کے مقصد سے مختلف اصلاحات کی نمائش کی گئی۔ اس سیشن میں، حکومتی رہنماؤں نے ڈیجیٹل تبدیلی کے لیے مختلف طریقوں کی کھوج کی، اور کس طرح اچھے ارادوں کو مؤثر پالیسی میں تبدیل کیا جا سکتا ہے۔

جی ایس ایم اے گول میز:

- ‘‘سپیکٹرم کی طرف 2030: صلاحیت اور قابلیت’’ پر ایک گول میز بحث میں سکریٹری نے اسپیکٹرم مینجمنٹ اور قابل برداشت اصلاحات میں ہندوستان کی کوششوں پر روشنی ڈالی، بشمول نیلامی کے طریقہ کار اور اسپیکٹرم کی دوبارہ کاشتکاری۔

عالمی بینک کے اعلیٰ حکام سے ملاقات:

سکریٹری (مواصلات) نے ورلڈ بینک کے وفد سے ملاقات کی جس کی قیادت جناب گوانگزی چن،وی پی  برائے انفراسٹرکچر، اور محترمہ کرسٹین، ڈائریکٹر، ڈیجیٹل پینل ڈیبیٹ آن بلڈنگ ڈیجیٹل نےکی: تعاون اور عالمی ترقی پر دلچسپ بات چیت ہوئی۔

- ‘‘ڈیجیٹل کی تعمیر: حکومتیں شہریوں کے لیے کس طرح اختراعات کر رہی ہیں" پر ایک پینل بحث کے دوران، یو ایس اے کی نائب این ایس اے این نیوبرگر نے ہندوستان کی جانب سے سپیکٹرم کی تیزی سے مختص کرنے کی تعریف کی۔

بھارت پویلین کا افتتاح:

- وفد نے بھارت پویلین کا افتتاح کیا، جو ٹیلی کام اور ڈیجیٹل تبدیلی میں ہندوستان کی ترقی کو ظاہر کرنے کے لیے ایک پلیٹ فارم فراہم کرتا ہے۔ نائب این ایس اے این نیوبرگر نے پویلین کا دورہ کیا اور ہندوستان کے ٹیلی کام رول آؤٹ اور ڈیجیٹل تبدیلی کی کوششوں کی تعریف کی۔ انہوں نے سی-ڈاٹ کے سیل براڈکاسٹ اور سائبر سیکیورٹی کے تخفیف ماڈیول پر سی-ڈاٹ پر ٹیکنالوجی کی نمائش بھی دیکھی۔

ڈاکٹر متل کی قیادت میں وفد نے مختلف جی2جی اور جی2بی میٹنگیں کیں:

• عالمی بینک اور انٹرنیشنل ٹیلی کمیونیکیشن یونین (آئی ٹی یو) جیسی بین الاقوامی تنظیموں کے ساتھ مشغولیت نے ڈیجیٹل ترقیاتی شراکت داری اور معلومات اور مواصلاتی ٹیکنالوجی (آئی سی ٹی) کی ترقی میں باہمی تعاون پر زور دیا۔
• وفد نے مختلف اداروں کے ساتھ دو طرفہ ملاقاتیں کیں، بشمول نوکیا،ایریکسن،سیسکو اورکوئلکام کے ساتھ تعاون کے معاہدے، 6جی کی معیاری کاری، اختراعات، اور اے آئی  پر مبنی 5 جی کے استعمال کے معاملات کی ترقی پر توجہ مرکوز کی۔
• انہوں نے ایئرٹیل اورمیوینیر کے ساتھ بھی کام کیا جس کا مقصد ٹیلی کام پروڈکٹ کی فراہمی میں شراکت تلاش کرنا اور ریلوے پروجیکٹس کے لیے پروف آف کانسیپٹ (پی اوسی) کا انعقاد کرنا ہے۔
• انٹیل کے ساتھ بات چیت میں اے آئی  پر مبنی 5جی استعمال کے کیسز تیار کرنے اور مشترکہ تحقیقی منصوبوں کے امکانات تلاش کرنے پر توجہ دی گئی۔

ایم ڈبلیو سی 24 میں ٹیلی کام سکریٹری کی شرکت سماجی و اقتصادی ترقی کے لیے ٹیکنالوجی سے فائدہ اٹھانے اور ٹیلی کمیونیکیشن سیکٹر میں بین الاقوامی شراکت کو مضبوط بنانے کے لیے ہندوستان کے عزم کی عکاسی کرتی ہے۔

ایم ڈبلیو سی 2024 کی میزبانی جی ایس ایم اے بارسلونا، اسپین میں کر رہی ہے۔ ایم ڈبلیو سی بارسلونا کی زیادہ تر بات چیت کی تھیم ‘‘مستقبل پہلے’’ کے گرد گھومتی رہی اور ان کی مستقبل کی صلاحیتوں کا ادراک کرنے کے لیے صنعتوں، براعظموں، ٹیکنالوجیز اور کمیونٹیز کو متحد کرنے کی ضرورت پر توجہ مرکوز کی گئی تھی۔ جی ایس ایم اے ایک عالمی ادارہ ہے جو موبائل ایکو سسٹم کو یکجا کرتا ہے تاکہ مثبت کاروباری ماحول اور سماجی تبدیلی کے لیے جدت کی بنیاد دریافت، ترقی اور فراہم کی جا سکے۔

تصویری کیپشن: سکریٹری (ٹیلی کام)، ڈاکٹر نیرج متل، ایم ڈبلیو سی 24 میں سویڈش پوسٹ اور ٹیلی کام اتھارٹی کے ڈائریکٹر جنرل مسٹر ڈین جوبلوم کے ساتھ، ٹیلی کمیونیکیشن کے شعبے میں تعاون اور علم کے تبادلے کی راہیں تلاش کرتے ہوئے۔

فوٹو کیپشنز: (زیریں تصویریں): ڈاکٹر نیرج متل، سکریٹری (ٹیلی کام) سنیل متل ایرٹیل نیوز ٹیم اور مسٹر ریان گڈ نائٹ کے ساتھ ایم ڈبلیو سی24 کے دوران اسپیس ایکس سے  کے ساتھ میٹنگ کرتے ہوئے۔ ٹیلی کام انڈسٹری میں جدت لانے کے لیے آنے والی ٹیکنالوجیز کے امکانات پر تبادلہ خیال کیا۔

فوٹو کیپشن: (زیریں تصویریں) سکریٹری (مواصلات) ڈاکٹر نیرج متل نے ایم ڈبلیو سی24 میں میڈیا ٹیک، میوینیر اور انٹیل کی نمائشوں میں جدید ٹیکنالوجی اور صنعتی شراکت کی کھوج کی۔ مواصلات میں دلچسپ گفتگو اور دلچسپ اختراعات

******

ش ح۔ج ق ۔ رض

U:7232