கோல் இந்தியா லிமிடெட் (சி.ஐ.எல்) மற்றும் பாரத் ஹெவி எலக்ட்ரிக்கல்ஸ் லிமிடெட் (பி.ஹெச்.இ.எல்) ஆகியவற்றின் கூட்டு நிறுவனமான பாரத் கோல் கேசிஃபிகேஷன் & கெமிக்கல்ஸ் லிமிடெட் (பி.சி.ஜி.சி.எல்), ஒடிசாவில் 'நிலக்கரியிலிருந்து அம்மோனியம் நைட்ரேட்'  தயாரிக்கும் திட்டத்திற்கான எல்.எஸ்.டி.கே -2 ஒப்பந்ததாரரைத் தேர்ந்தெடுப்பதற்கான ஒப்பந்தப்புள்ளி ஆவணத்தை வெளியிட்டுள்ளது. சி.பி.பி. தளத்தில் இதை அணுகலாம். எல்.எஸ்.டி.கே -2 ஒப்பந்தப்புள்ளி சின்காஸ் சுத்திகரிப்பு ஆலை மற்றும் அம்மோனியா தொகுப்பு எரிவாயு ஆலை ஆகியவற்றைக் கையாள்கிறது. இது நிலக்கரி வாயுவாக்கியில் இருந்து உற்பத்தி செய்யப்படும் மூல சின்காஸை சுத்திகரித்து அம்மோனியா தொகுப்புக்கு ஏற்றதாக மாற்றும்.

முன் ஏலத்திற்கான தேதி 28.06.2024 ஆக திட்டமிடப்பட்டுள்ளது மற்றும் ஆர்வமுள்ள ஏலதாரர்கள் தங்கள் கேள்விகளை 21.06.2024 க்குள் பகிர்ந்து கொள்ளலாம்.

கோல் இந்தியா நிறுவனமும், பி.ஹெச்.இ.எல் நிறுவனமும் இந்தியாவின் முதல் வணிக அளவிலான நிலக்கரியிலிருந்து அம்மோனியம் நைட்ரேட் ஆலையை மேற்பரப்பு நிலக்கரி வாயுமயமாக்கல் (எஸ்.சி.ஜி) தொழில்நுட்ப வழியில் அமைப்பதற்கான ஒப்பந்தத்தில் கையெழுத்திட்டுள்ளன. ஒப்பந்தத்தின்படி, பி.ஹெச்.இ.எல் நிறுவனம் உள்நாட்டில் உருவாக்கிய நிலக்கரி வாயுமயமாக்கல் தொழில்நுட்பத்தை அடிப்படையாகக் கொண்டது, இது லகான்பூர் பகுதியிலிருந்து அதிக சாம்பல் நிலக்கரியைப் பயன்படுத்தி ஆண்டுக்கு 0.66 மில்லியன் மெட்ரிக் டன் தொழில்நுட்ப தர அம்மோனியம் நைட்ரேட்டை உற்பத்தி செய்தது. இத்திட்டத்தின் மொத்த மதிப்பு, முன் சாத்தியக்கூறு அறிக்கைகளின்படி, ரூ. 11782 கோடியாகும். 

கோல் இந்தியா நிறுவனமும், பி.ஹெச்.இ.எல் நிறுவனமும் மே 21, 2024 அன்று பாரத் கோல் கேசிஃபிகேஷன் & கெமிக்கல்ஸ் லிமிடெட் (பி.சி.ஜி.சி.எல்) என்ற கூட்டு முயற்சி நிறுவனத்தை இணைத்துள்ளன. இது இந்த இரண்டு பொதுத்துறை நிறுவனங்களும் நிலக்கரியிலிருந்து ரசாயன வணிகத்தில் நுழைவதைக் குறிக்கிறது. இது கோல் இந்தியா நிறுவனத்தின் துணை நிறுவனமாகும். இதில் கோல் இந்தியா 51%மும்  பி.ஹெச்.இ.எல் 49%மும்  பங்குகளை வைத்திருக்கின்றன.

***

ANU/ PKV/BR/KV