দিবলপমেন্ত ওফ নোর্থ ইস্তর্ন রিজিন(দোনর) মিনিস্ত্রিগী ওফিসারশিং অমসুং স্তাফশিং শ্বাছতাগী ৱাশক অমা লৌদুনা পখৱারা হৌদোকখি অমসুং মিনিস্ত্রি অসিগী লুপশিংনা লু-নান্না থম্নবা থবকশিং পাংথোক্নবা অমুক হন্না থাজবা পীখি। কাশিং, মীয়াম পুনফমশিং, ওফিসকী অপুনবা খুৎলায়শিং, কম্পুতরশিং, ফর্নিচরশিং শেংদোকপগী থবকশিং পাংথোকখি। নিয়মশিংগী মতুংইন্না মখা তানা দরকার ওইদ্রবা রেকোর্দশিং হুন্দোকখি। বিগ্যান ভাবন এন্নেক্সকী য়েনখাদা লৈবা অমোৎপশিং শেংদোকখি। উ পাম্বীশিংগী মরুওইবা খঙহন্নবগীদমক, ওফিসারশিং অমসুং স্তাফশিংদা মনুংদা থাবা য়াবা পাম্বীশিং পীখি।

 

দিবলপমেন্ত ওফ নোর্থ ইস্তর্ন রিজিন(দোনর) মিনিস্ত্রিগী মখাদা লৈবা লুপশিংনা অনকপা মফমশিংদা লৈকায়গী মীয়াম অমসুং কলেজ অমসুং স্কুলশিংগী মহৈরোয়শিংগা লোয়ননা উ পাম্বীশিং য়েন্থোকখি অমসুং উ থাবগী থবক পাংথোকখি। অতোপ্পা থবকশিংগী মথক্তা এন.ই.সি শিল্লোংদা গারিগী মৈখু চাংয়েং তৌখি। নেরামাক, নেদফি অমসুং এন.ই.সি.বি.দি.সিনা মখোয়গী ওফিসিশিং, স্কুলশিং অমসুং মফম অদুগী কৈথেলশিংদা লু-নানবা অমসুং উ থাবগী থৌরমশিং পাংথোকখি।

 

 

অইং-অশাগী খল হোংলকপা অমসুং অমোৎপশিং মফম চানা লোইশিনবগী মতাংদা মীৎয়েং থমদুনা মহৈরোয়শিংদা ৱাখল তাহন্নবা ৱার্কশোপ অমা এন.ই.ঐচ.ঐচ.দি.সিনা শীন্দুনা পাংথোকখি। মীয়াম মশা-মউ ফনা লৈবদা লু-নানবগী মরুওইবগী মতাংদা নুক্কাদ নাতক পাংথোকখি। এন.ই.ঐচ.ঐচ.দি.সিনা শীন্দুনা অমোৎপদগী কান্নবা পোৎলমশিং পুথোকপী মতাংদা চাংদম্নবা পাংথোকখি।

 

এসে ইবা চাংদম্নবা, পোস্তর য়েকপা চাংদম্নবা অমসুং শ্লোগান ইবা চাংদম্নবগী মাইপাক্লবশিংদা মনা য়েন্থোকপগী থৌরম অমগা লোয়ননা শ্বাছতা পখাৱারাগী থৌরম অদু লোইশিনখি। মসিগী মথক্তা, শ্বাছতা পেরামিতরশিংদা মকোক তারবা সেক্সন অহুম ইকায়খুম্নবা উৎখি অমসুং মনা পীখি।

থৌরম অদুদা ৱা ঙাংবদা দিবলপমেন্ত ওফ নোর্থ ইস্তর্ন রিজিন(দোনর) মিনিস্ত্রিগী সেক্রেতরিনা লু-নানবগী থবকশিং থৱায় য়াওনা শরুক য়াবগীদমক অপুনবা কাংবু অদু থাগৎপা ফোঙদোকখি অমসুং শ্বাছতা অসি হৈনবী অমা ওইহন্নবা অমসুং ঐখোয়গী নোংমদা পাংথোক্কদবা থবক্কী শরুক অমা ওইহন্নবা পাউতাক পীখি।

মীয়ামদা পাক-শান্না শ্বাছতা ভারত পুক্নিং থৌগৎনবা দিবলপমেন্ত ওফ নোর্থ ইস্তর্ন রিজিন(দোনর) মিনিস্ত্রিনা পায়খৎলিবা থবকশিং শ্বাছতা পখাৱারদা মমি তারে। পখাৱারা মনুংদা, দিবলপমেন্ত ওফ নোর্থ ইস্তর্ন রিজিন(দোনর) মিনিস্ত্রিগী কাংবুনা শ্বাছতা ভারত অমগী পান্দম মখাদা লু-নানবা, অফবা লৈঙাক অমসুং মীয়ামগী থবক্কীদমক কৎথোক্নবা মখোয়গী অকনবা ৱাশক অদু উৎখি।

****

(Release ID: 2022390) Visitor Counter : 91