نقل و حمل کے لیے ماحول دوست اور پائیدار تلاش کرنے کے لیے پختہ عزم کا مظاہرہ کرتے ہوئے، ہندوستانی فوج نے انڈین آئل کارپوریشن لمیٹڈ (آئی او سی ایل)) کے ساتھ ہائیڈروجن فیول سیل بس ٹیکنالوجی کے مظاہرے کے ٹرائل کے لیے تعاون کیا ہے۔ ہندوستانی فوج جدت طرازی اور ماحولیاتی تحفظ کے لیے اپنی وابستگی کے لیے مشہور ہے۔

آرمی چیف جنرل منوج پانڈے اور انڈین آئل کے چیئرمین شری کانت مادھو ویدیا کی موجودگی میں ہندوستانی فوج اور آئی او سی ایل کے درمیان مفاہمت کی ایک یادداشت پر دستخط ہوئے۔ تقریب کے دوران ہندوستانی فوج کی جانب سے ایک ہائیڈروجن فیول سیل بس کا استقبال کیا گیا۔ یہ ہندوستانی فوج اور آئی او سی ایل کے درمیان باہمی سود مند شراکت داری کے آغاز کی نشان دہی کرتا ہے۔ مفاہمت نامے میں جدت کو فروغ دینے اور مستقبل کے لیے ٹرانسپورٹ کے پائیدار حل کو آگے بڑھانے کے عزم پر زور دیا گیا۔

ہائیڈروجن فیول سیل ٹیکنالوجی الیکٹرو کیمیکل عمل کے ذریعہ  ہائیڈروجن گیس کو بجلی میں تبدیل کرکے صاف اور موثر متبادل پیش کرتی ہے۔ یہ عمل پانی کے بخارات کو صرف مصنوعات کے طور پر چھوڑ دیتا ہے، اس طرح صفر کے اخراج کو یقینی بناتا ہے۔

ہائیڈروجن فیول سیل بس میں 37 مسافروں کے بیٹھنے کی گنجائش ہے۔ یہ ہائیڈروجن ایندھن کے مکمل 30 کلوگرام آن بورڈ ٹینک پر 250-300 کلومیٹر کے متاثر کن  فی میل کا وعدہ کرتا ہے۔

قابل ذکر بات یہ ہے کہ، 21 مارچ 2023 کو، ہندوستانی فوج شمالی سرحدوں کے ساتھ گرین ہائیڈروجن پر مبنی مائیکرو گرڈ پاور پلانٹ کی تنصیب کے لیے نیشنل تھرمل پاور کارپوریشن رینیو ایبل انرجی لمیٹڈ کے ساتھ ایک مفاہمت نامے پر دستخط کرنے والی پہلی سرکاری ادارہ بن گئی۔ چشول میں ایک پائلٹ پروجیکٹ قائم کیا جا رہا ہے، جہاں 200 کلو واٹ گرین ہائیڈروجن پر مبنی مائیکروگرام دشوار گزار علاقوں اور انتہائی نامساعد موسمی حالات میں تعینات فوجیوں کو ہر دن 24 گھنٹے صاف بجلی فراہم کرے گا۔ 

جدت طرازی اور ماحولیاتی ذمہ داری پر توجہ کے ساتھ، ہندوستانی فوج اور آئی او سی ایل  کے درمیان ہائیڈروجن فیول سیل بس کی کوشش ایک اہم پیش رفت ہے اور ایک صاف ستھرا اورماحول دوست نقل و حمل کے حل کی راہ ہموار کرتی ہے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ت ع(

7055