پارلیمانی امور کی وزارت نے آج جی ایم سی بالیوگی آڈیٹوریم، پارلیمنٹ ہاؤس کمپلیکس، نئی دہلی میں یونیورسٹیوں/کالجوں کے لیے 16ویں قومی یوتھ پارلیمنٹ مقابلہ، 2019-20 کے انعامات کی تقریب کا اہتمام کیا۔

 

 

قانون اور انصاف کی وزارت کے مرکزی وزیر مملکت (آزادانہ چارج)؛ پارلیمانی امور کی وزارت میں وزیر مملکت؛ اور ثقافت کی وزارت میں وزیر مملکت جناب ارجن رام میگھوال نے تقریب کی صدارت کی اور سنٹرل یونیورسٹی آف پنجاب، بھٹنڈہ کے طلباء کی جیتنے والی ٹیم کو ‘دی رننگ شیلڈ’ اور ٹرافی سے نوازا۔ پانچ دیگر یونیورسٹیوں/کالجوں کو بھی مقابلے میں ان کی شاندار کارکردگی پر ایوارڈز سے نوازا گیا۔ جیتنے والے اداروں کی فہرست ذیل میں دی گئی ہے۔

 

 

سنٹرل یونیورسٹی آف پنجاب، بھٹنڈہ کے طلباء جنہوں نے 16 ویں نیشنل یوتھ پارلیمنٹ مقابلے میں قومی سطح پر اول پوزیشن حاصل کی، نے اپنی ’یوتھ پارلیمنٹ‘ نشست کی دوبارہ کارکردگی پیش کی۔

 

 

مرکزی وزیر جناب میگھوال نے پروگرام کے دوران طلباء کے ساتھ ایک باہمی ملاقات پر مبنی اجلاس کااہتمام کیا۔ وزیر موصوف نے طلباء کے ساتھ بات چیت کرتے ہوئے انہیں تلقین کی کہ نوجوان نسل کو جمہوریت کی جمہوری اقدار اور اخلاقیات کو سیکھنا اور اس کو اپنانا چاہیے۔ جناب میگھوال نے تقریب کے تمام شرکاء سے ماحول کا تحفظ کرنے کے لئے صحت مند طرز زندگی اختیار کرنے کا عہد بھی لیا۔

 

 

پارلیمانی امور کی وزارت کے سکریٹری جناب امنگ نرولا نے اپنے استقبالیہ خطاب میں طلبہ سے پارلیمانی کارروائی کے طریقہ کار اور عمل کو مقبول بنانے اور انہیں اپنی زندگی کاحصہ قرار دینے کی پرزور اپیل کی۔

 

 

پارلیمانی امور کی وزارت گزشتہ 27 برسوں سے یونیورسٹیوں/کالجوں کے لیے یوتھ پارلیمنٹ کے مقابلوں کا انعقاد کر رہی ہے۔ یوتھ پارلیمنٹ کمپیٹیشن فار یونیورسٹیز/کالجز کی اسکیم کے تحت ملک کی 36 یونیورسٹیوں/کالجوں کے درمیان  منعقد کیا جانے و الاسیریز کا  یہ 16واں مقابلہ  تھا۔

یوتھ پارلیمنٹ اسکیم کا مقصد نوجوان نسل کو پارلیمنٹ چلانے میں بروئے کار لائے  جانے و الےطور طریقوں اور طریقہ عمل، بحث و مباحثے کی تکنیک قائدانہ خصوصیات کی تخلیق، ضبط نفس، متنوع آراء کی رواداری اور صحت مند مسابقت کی نشوونما؛ نوجوانوں میں موثر بیان بازی کا فن اور ہنر، خیالات کا درست اظہار، اور ان میں جمہوری طرز زندگی کی دیگر خوبیوں سے واقف کرانا ہے۔ یہ سب  کی سب خصوصیتیں جمہوریت کی پہچان تصور کی جاتی ہیں۔

ڈاکٹر انل بونڈے، ممبر پارلیمنٹ (راجیہ سبھا)، پروفیسر راگھویندر پرساد تیواری، وائس چانسلر، سنٹرل یونیورسٹی آف پنجاب، بھٹنڈہ نے بھی تقریب کے دوران حاضرین سے خطاب کیا۔ اس تقریب کے دوران سابق ممبر پارلیمنٹ (راجیہ سبھا) جناب براتین سین گپتا بھی موجود تھے۔

 

 

پارلیمانی امور کی وزارت کے ایڈیشنل سکریٹری ڈاکٹر ستیہ پرکاش نے وزارت کی اس اہم تقریب میں شرکت کے لیے معززین اور سامعین کا شکریہ ادا کیا۔

 

************

 

ش ح۔ س ب۔ف ر

 (U: 7013)

(Release ID: 2021454) Visitor Counter : 30