قومی نمونہ سروے آفس (این ایس ایس او)، شماریات اور پروگرام کے نفاذ کی وزارت نے اگست 2022 سے جولائی 2023 کے دوران گھریلو استعمال کے اخراجات کا سروے (ایچ سی ای ایس) کرایا ہے۔ گھریلو استعمال کے اخراجات پر اس سروے کا مقصد گھریلو ماہانہ اخراجات  (ایم پی سی ای)کا تخمینہ لگانا اور ملک کے دیہی اور شہری شعبوں، ریاستوں اور مرکز کے زیر انتظام علاقوں اور مختلف سماجی و اقتصادی گروپوں کے لیے اس کی الگ الگ تقسیم ہے ۔ایم پی سی ای سے متعلق ایچ سی ای ایس: 2022-23 کے خلاصے کے نتائج حقائق نامہ کی شکل میں جاری کیے جا رہے ہیں۔ ایچ سی ای ایس کی فیکٹ شیٹ: 2022-23 وزارت شماریات اور پروگرام کے نفاذ کی ویب سائٹ (http://www.mospi.gov.in) پر دستیاب ہے۔ سروے کی تفصیلی رپورٹ بعد میں سامنے لائی جائے گی۔

ایم پی سی ای کے تخمینے 2,61,746 گھرانوں (1,55,014 دیہی علاقوں اور 1,06,732 شہری علاقوں میں) سے جمع کیے گئے ڈیٹا پر مبنی ہیں جو پورے ملک میں ریاستوں اور یونین ٹیریٹریوں کے مرکزی نمونے میں پھیلے ہوئے ہیں۔

ایچ سی ای ایس: 2022-23 میں، (i) گھریلوطور پرکاشت کردہ/گھریلوطور پر تیارکردہ اسٹاک اور (ii) تحائف، قرضے، مفت وصولی اور سامان اور خدمات کے بدلے موصول ہونے والی اشیاء میں سے کھپت کے لیے قدر کے اعداد و شمار کو شمار کرنے کے معمول وغیرہ کو جاری رکھا گیا ہے۔ اور اسی کے مطابق ایم پی سی ای کے تخمینے بنائے گئے ہیں۔ یہ تخمینے سیکشن اے میں پیش کیے گئے ہیں۔

اس کے علاوہ،ایچ سی ای ایس: 2022-23 میں مختلف سماجی بہبود کے پروگراموں کے ذریعہ گھرانوں کی طرف سے مفت وصول اور استعمال کی جانے والی متعدد اشیاء کے لیے استعمال کی مقدار کے بارے میں معلومات جمع کرنے کا انتظام کیا گیا ہے۔ نتیجتاً، (i) غذائی اشیاء: چاول، گندم/آٹا، جوار، باجرہ، مکئی، راگی، جو، چھوٹے جوار، دالیں، چنے، نمک، چینی، خوردنی تیل اور (ii) غیر غذائی اشیاء: لیپ ٹاپ/پی سی، ٹیبلٹ، موبائل ہینڈ سیٹ، بائیسکل، موٹر سائیکل/اسکوٹی، کپڑے (اسکول یونیفارم)، جوتے (اسکول کے جوتے وغیرہ) کے لیے مالیت کے اعداد و شمار جو ان پروگراموں کے ذریعے گھرانوں کے ذریعہ مفت وصول کیے گئے ہیں، ایک مناسب طریقہ استعمال کرتے ہوئے مرتب کئے گئے ہیں۔ اسی مناسبت سے، ایم پی سی ای کے تخمینے کا ایک اور سیٹ ان اشیاء کی بے لاگ قدروں اور گھریلو پیداوار، مفت وصولی، تحائف، قرضوں وغیرہ پر غور کرتے ہوئے ایچ سی ای ایس: 2022-23 کے لیے بھی مرتب کیا گیا ہے۔ یہ تخمینے سیکشن بی میں پیش کیے گئے ہیں۔

اے۔ایم پی سی ای کے تخمینے (ایچ سی  ای ایس: 2022-23 میں مختلف سماجی بہبود کے پروگراموں کے ذریعے مفت موصول ہونے والی اشیاء کی بے لاگ اقدار پر غور کیے بغیر)

ایچ سی ای ایس کے لیے اوسط ایم پی سی ای کی اقدار: 2022-23 (سماجی منتقلی کے ذریعے مفت موصول ہونے والی اشیاء کی قیمتوں پر غور کیے بغیر)، این ایس ایس 68واں(2011-12)اوراین ایس ایس 66 واں ((2009-10 راؤنڈز میں ترمیم شدہ مخلوط حوالہ مدت (ایم ایم آر پی[1] )کل ہند سطح پر موجودہ قیمتوں پر اور 2011-12 کی قیمتیں نیچے جدول 1 اور جدول 2 میں دی گئی ہیں:

جدول 1: اوسط ایم پی سی ای (روپے) موجودہ قیمتیں (بغیر انتساب کے)

جدول 2: 2011-12 کی قیمتوں پر اوسط ایم پی سی ای (روپے) (بغیر انتساب کے)

ایم پی سی ای کے تخمینے (ایچ سی ای ایس: 2022-23@ میں مختلف سماجی بہبود کے پروگراموں کے ذریعے مفت موصول ہونے والی اشیاء کی بے لاگ اقدار کو مدنظر رکھتے ہوئے)

ایچ سی ای ایس کے لیے اوسط ایم پی سی ای کی قدریں: 2022-23 (سماجی منتقلی کے ذریعے مفت موصول ہونے والی اشیاء کی قیمتوں کو مدنظر رکھتے ہوئے)، این ایس ایس 68واں(2011-12)اوراین ایس ایس 66 واں ((2009-10 راؤنڈز میں کل ہند سطح پر موجودہ قیمتوں پر اور 2011-12 کی قیمتیں نیچے جدول 3 اور جدول 4 میں دی گئی ہیں:

جدول 3: موجودہ قیمتوں پر اوسط ایم پی سی ای (روپے) (2022-23 کے لیے انتساب کے ساتھ)

 

جدول 4: 2011-12 کی قیمتوں پر اوسط ایم پی سی ای (روپے) (2022-23 کے لیے  انتساب کے ساتھ)

 

(نوٹ:

@: نیشنل فوڈ سیکیورٹی ایکٹ (این ایف ایس اے) اور حکومت ہند کی طرف سے شروع کی گئی پردھان منتری غریب کلیان اَنّ یوجنا (پی ایم جی کے وائی) یا کسی دوسری ریاستی مخصوص اسکیم کے تحت مفت موصول ہونے والی اشیائے خوردونوش کی کھپت کے بارے میں معلومات اکٹھی کی گئیں اور مفت کھانے کی قیمت کے اعداد و شمار جمع کیے گئے۔ 30 دن کے حوالہ کی مدت کے دوران استعمال ہونے والی اشیاء کی قیمت  کے اعداد وشمارکو مرتب کیا گیا تھا۔

منتخب غیرغذائی اشیاء کے لیے، یعنی لیپ ٹاپ/پی سی، ٹیبلٹ، موبائل ہینڈ سیٹ، سائیکل، موٹر سائیکل/سکوٹی، کپڑے (اسکول یونیفارم)، جوتے (اسکول کے جوتے وغیرہ) جوکئی سرکاری پروگراموں وغیرہ کے ذریعہ گھرانوں کو مفت ملے، قدر کے اعداد و شمار لگائے گئے تھے۔ تاہم، سروے میں ایسی اشیاء کے لیے پروگراموں کے مخصوص ناموں کا تعین نہیں کیا گیا تھا۔

**: پی ایم۔جے اے وائی یا کسی دوسری ریاستی مخصوص اسکیموں کے تحت فراہم کردہ فوائد خدمت کی فراہمی کے مقام پر فائدہ اٹھانے والے کے لیے صحت کی دیکھ بھال کی خدمات تک بغیر نقدی کے رسائی فراہم کرتے ہیں، یعنی، ہسپتال اور فائدہ اٹھانے والے کے پاس استفادہ شدہ خدمات کی قیمت کے بارے میں کوئی معلومات نہیں ہوتی ہیں۔ اس طرح کی اسکیموں کے لیے، پورا پریمیم حکومت برداشت کرتی ہے اور فائدہ اٹھانے والا کوئی تعاون نہیں کرتا ہے۔ چونکہ ایچ سی ای ایس ایک ریکارڈ پر مبنی سروے نہیں ہے، اس لیے اکثر اس میں بیماری یا تکلیف کا ٹھیک ٹھیک پتہ لگانا ممکن نہیں ہوتا ہے جس کے لیے فائدہ کی صورت پیدا کی گئی ہے ۔ لہٰذا، اس طرح کی خدمات کے اخراجات میں شامل پیچیدگی اور مناسبیت کے پیش نظر، گھرانوں کی طرف سے مفت حاصل کی جانے والی صحت کی خدمات کے اخراجات پر مواخذہ کرنے کی کوئی کوشش نہیں کی گئی۔

اسی طرح کی وجوہات کی بنا پر، مفت تعلیمی خدمات کے اخراجات (یعنی اسکول یا کالج کی فیسوں کی واپسی/چھوٹ) کو بھی شمار نہیں کیا گیا ہے۔]

 

************

 

ش ح۔ س ب۔ف ر

 (U: 7011)

(Release ID: 2021442) Visitor Counter : 30