بندرگاہوں، جہاز رانی اور آبی گزرگاہوں(ایم او پی  ایس ڈبلیو) کے مرکزی وزیر اور آیوش، جناب سربانند سونووال نے آج یہاں ہندوستان کی پہلی ‘گتی شکتی ریسرچ چیئر’ کے قیام کے لیے ایم او پی  ایس ڈبلیو اور انڈین انسٹی ٹیوٹ آف مینجمنٹ (آئی آئی ایم) کے درمیان مفاہمت کی یادداشت (ایم او یو) پر دستخط کی تقریب میں شرکت کی۔

چیئر شمال مشرق کی توجہ کے ساتھ ملٹی ماڈل (کثیر  نمونہ جاتی) لاجسٹکس پر اعلیٰ معیار کی تعلیمی تحقیق کی قیادت کرے گا: شمال مشرقی خطے میں ملٹی موڈل لاجسٹکس کی ترقی کی حکمت عملیوں اور مشقوں کے بارے میں معلومات حاصل کرتے ہوئے، خطے میں لاجسٹک صلاحیت کی تعمیر کے لیے علم اور اختراع کی سہولت فراہم کرنا۔ چیئر کا مقصد عالمی ماہرین کے ساتھ علم اور مہارت کی تخلیق اور ترقی میں تعاون کو فروغ دینا ہے جبکہ ملٹی ماڈل لاجسٹکس ریسرچ اور صلاحیت سازی کی سرگرمیوں کے درمیان اہم اسٹیک ہولڈرز جیسے لاجسٹک انڈسٹری، حکومتی اداروں، مقامی حکام، اور دیگر شراکت داروں اورایسوسی ایشنز کے ساتھ روابط کو مضبوط بنانا ہے۔ یہ چیئر ملٹی ماڈل لاجسٹکس ریسرچ سرگرمیوں، صلاحیت سازی اور نتائج کو بھی سپورٹ کرے گا تاکہ پی ایم گتی شکتی ماسٹر پلان کو مشرقی اور شمال مشرقی خطے کی لاجسٹک صلاحیت کو طاقت دینے کے قابل بنایا جاسکے۔

اس موقع پر خطاب کرتے ہوئے، جناب سونووال نے کہا، ‘‘آج میں باوقار آئی آئی ایم سے تعلق رکھنے والے اپنے تمام نوجوان دوستوں میں شامل ہو کر خوش قسمت محسوس کر رہا ہوں۔ یوا شکتی کی چمک نے امرت کال کے اختتام تک وکست بھارت کے مقصد کو حاصل کرنے کی طرف مسلسل بڑھنے کے ہمارے عزم کو تقویت بخشی ہے۔ آنے والے 25 سال ہندوستان کی بااختیاریت کی قیادت والی ترقی کو جاری رکھنے کے لیے آپ کا کرتویہ کال ہیں۔ آپ کے باوقار انسٹی ٹیوٹ میں اس چیئر کے قیام کے ساتھ، شمال مشرق ملٹی موڈل لاجسٹکس سرگرمیوں، صلاحیت کی تعمیر اور پیداوار کی تحقیق اور ترقی میں قیادت کرنے کے لیے تیار ہے۔ طلباء برادری کو اب اپنی صلاحیتوں کو نکھارنے اور لاجسٹکس کے شعبے میں اپنا کیریئر بنانے کا موقع ملے گا۔

ڈاکٹر اے پی جے عبدالکلام سینٹر فار پالیسی ریسرچ اینڈ اینالیسس انڈین انسٹی ٹیوٹ آف مینجمنٹ (آئی آئی ایم)، شیلانگ میں مقامی معیشت کو مضبوط کرنے کے لیے شمال مشرقی خطہ (این ای آر) کو وسیع تر قومی اور بین الاقوامی خطوں سے جوڑنے کے لیے ملٹی موڈل لاجسٹکس کی ترقی کی حکمت عملی پر تبادلہ خیال کے لیے ایک اسٹریٹجک گول میزمذاکرات کا بھی اہتمام کیا گیا۔ اس میٹنگ میں نیشنل لاجسٹک مشن کے مطابق اجتماعی این ای آر لاجسٹکس پالیسی کی ترقی کے ساتھ ساتھ شمال مشرقی خطے میں ملٹی موڈل لاجسٹکس سے متعلق پالیسیوں کے آپریشنلائزیشن اور نفاذ کے لیے اقدامات کرنے کی کوشش کی گئی۔

دریائے گنگا اور دریائے برہم پترا کے ساتھ ساتھ مجموعی سماجی و اقتصادی ترقی کو فروغ دینے کے لیے ارتھ گنگا اور مہاباہو برہم پترجیسے بہت سے پرجوش منصوبے شروع کیے گئے ہیں۔ ان اصلاحات کے مثبت معاشی نتائج برآمد ہوئے ہیں، جیسا کہ عالمی بینک کے لاجسٹک پرفارمنس انڈیکس میں ہندوستان کی بلندی کی طرف پیش رفت سے ظاہر ہوتا ہے، جو 2014 میں 54 ویں سے بڑھ کر 2023 میں 38 ویں نمبر پر آ گیا ہے، جس نے ایک دہائی کے عرصے میں 16 پوزیشنوں کی قابل ذکر بہتری کو نشان زد کیا ہے۔

شمال مشرق میں لاجسٹک سیکٹر کے دائرہ کار پر بات کرتے ہوئے وزیر موصوف نے کہا،‘‘نریندر مودی جی کے دور میں شمال مشرقی خطہ نے پائیدار امن کے ساتھ بے مثال ترقی اور ترقی کا تجربہ کیا ہے۔ اس خطے نے انقلابی بنیادی ڈھانچے کی ترقی، ڈیجیٹل کنیکٹیویٹی میں ترقی، شاندار اقتصادی ترقی، اور کئی دیگر اہم کامیابیوں کا مشاہدہ کیا۔ نریندر مودی حکومت نے شمال مشرق کے بنیادی ڈھانچے کی ترقی اور کنیکٹیویٹی میں 14 لاکھ کروڑ روپے سے زیادہ کی سرمایہ کاری کی ہے۔ صرف اسی عزم اور بھرپور کوششوں سے ہندوستان کا شمال مشرق سامنے اور نئے ہندوستان کی ترقی کی کہانی کا مرکز بن گیا ہے۔ نئی افتتاحی گتی شکتی چیئر جنوبی ایشیا کو جنوب مشرقی اور مشرقی ایشیا سے جوڑنے والے ایک اہم لاجسٹک مرکز کے طور پر ابھرنے کی مکمل صلاحیت کو محسوس کرنے کے لیے ایک محرک کے طور پر کام کرے گی۔

بندرگاہوں، جہاز رانی اور آبی گزرگاہوں کی وزارت اپنی گتی شکتی ریسرچ چیئر کے ذریعے گتی شکتی ویژن کے مقاصد کو آگے بڑھانے میں اپنے اہم کردار کی تصدیق کرتی ہے۔ یہ اقدام نہ صرف تحقیق اور اختراع کو فروغ دینے کے لیے وزارت کے عزم کی نشاندہی کرتا ہے بلکہ شمال مشرقی خطے کی مجموعی ترقی میں ملٹی ماڈل لاجسٹکس کی اہم اہمیت کو تسلیم کرنے اور ایک مضبوط ادارہ جاتی تعاون کے قیام کو بھی واضح کرتا ہے۔ وزارت تحقیقی ایجنڈا کی تشکیل، تحقیق کی ترجیحات کو ملک کے ملٹی موڈل کنیکٹیویٹی مقاصد کے مطابق چلانے، صنعت کی قیمتی بصیرت فراہم کرنے، اور محققین، پالیسی سازوں، اور صنعت کے اسٹیک ہولڈرز کے درمیان تعاون کو آسان بنانے میں بھی فعال رہنمائی کرے گی۔ایم او پی ایس ڈبلیو کی شرکت اس بات کو یقینی بناتی ہے کہ آئی آئی ایم شیلانگ میں گتی شکتی ریسرچ چیئر مؤثر طریقے سے پالیسیوں کی تشکیل، لاجسٹکس کو بہتر بنانے، اور  شمال مشرقی خطے میں نقل و حمل کے بنیادی ڈھانچے کی کارکردگی کو بڑھانے میں اپنا کردار ادا کر سکتی ہے۔

اپنی بات کو مزید آگے بڑھاتےہوئے، جناب سونووال نے کہا،‘‘وزیر اعظم جناب نریندر مودی کی دور اندیش قیادت میں، پچھلی حکومت کے غیر فیصلہ کن انداز سے دوچار لاجسٹکس صنعت میں غیرفعالیت کا ازالہ ہو گیا، کیونکہ رفتار، کارکردگی اور تعمیر کو لانے کے لیے توجہ مرکوز نقطہ نظرکے ساتھ ساتھ لاجسٹک سیکٹر میں نفع بخش کاروباروں کاتصورپیش کیا گیا اور اس کا نفاذ کیا گیا تھا ۔ 2014 کے بعد سے، ایک نیا لاجسٹک ڈویژن بنایا گیا، پی ایم گتی شکتی نیشنل ماسٹر پلان برائے ملٹی ماڈل کنیکٹیویٹی کا آغاز کیا گیا، ایک قومی لاجسٹک پالیسی کا اعلان کیا گیا، اور یونیفائیڈ لاجسٹک انٹرفیس پلیٹ فارم ڈیزائن کیا گیا۔ مودی جی کے تحت، سڑکوں، بندرگاہوں، ریلوے اور ہوائی اڈوں جیسے بنیادی ڈھانچے کے منصوبوں پر مرکزی حکومت کا سالانہ سرمایہ جاتی خرچ 2 لاکھ کروڑروپئے سے اضافہ ہو کر11 لاکھ کروڑ سے زیادہ ہو گیا ہے۔ ہماری بندرگاہوں پر کارگو ہینڈلنگ کی صلاحیت دوگنی ہو گئی ہے، اور دو نئے میگا گرین فیلڈ پورٹس پائپ لائن میں ہیں۔ ‘ٹرانسفارمیشن بذریعہ ٹرانسپورٹیشن’ کے مشن کے ساتھ، ہم اگلے پانچ برسوں میں لاجسٹک پرفارمنس انڈیکس میں ٹاپ 25 میں درجہ بندی حاصل کرنے کے لیے ایک مستحکم راستے پر ہیں۔

گتی شکتی چیئر پہل کا مقصد حکومت اور تعلیمی اداروں کے درمیان مضبوط تعاون کو فروغ دینا ہے، جس سے مربوط، ملٹی ماڈل لاجسٹکس، اور سپلائی چین لچک میں اعلیٰ معیار کی عوامی تحقیق کی ترقی ہوتی ہے۔ یہ پلیٹ فارم خطے میں طلباء اور بہت چھوٹی، چھوٹی اور اوسط درجہ کی  صنعتوں(ایم ایس ایم ایز) کی صلاحیت کو بڑھانے میں بھی اہم کردار ادا کرے گا تاکہ پی ایم گتی شکتی نیشنل ماسٹر پلان، نیشنل لاجسٹکس پالیسی، اور یونیفائیڈ جیسے اقدامات کے فوائد کو مکمل طور پر حاصل کیا جا سکے۔ لاجسٹک انٹرفیس پلیٹ فارم۔آئی  آئی ایم شیلانگ فکری ماحول کو تقویت دینے، تحقیقی صلاحیتوں کو تقویت دینے، تحقیق میں شمولیت کو وسیع کرنے، اور اکیڈمی اور صنعت کے ماہرین کے درمیان تعلق کو مضبوط بنانے کی کوششوں کی قیادت کرے گا۔

جناب سونووال کے ساتھ آئی آئی ایم شیلانگ بورڈ آف گورنرز کے ممبران، اتل کلکرنی، بیجون ڈے سائوان، ممبر، آئی آئی ایم شیلانگ بورڈ آف گورنرز، ڈائریکٹر ڈی پی گوئل کے ساتھ انسٹی ٹیوٹ کے اساتذہ اور طلباء بھی شامل تھے۔

************

ش ح۔ س ب۔ف ر

 (U: 6989)

(Release ID: 2021283) Visitor Counter : 22