ہر سال 21 جون کو یوگ کا بین الاقوامی دن منایا جاتا ہے۔ صارفین امور کےمحکمہ (ڈی او سی اے) نے آج نئی دہلی کے کرشی بھون کے قریب کرتویہ پتھ پر ایک کاونٹ ڈاؤن تقریب (پری یوگا سیشن) کا اہتمام کیا۔ اس اجلاس میں، سکریٹری، مسز ندھی کھرے نے محکمہ کے افسران اور عملے کے ساتھ مرارجی دیسائی نیشنل انسٹی ٹیوٹ آف یوگا (ایم ڈی این آئی وائی) کے یوگا انسٹرکٹر اور ڈیمونسٹریٹر کی رہنمائی میں جوش و خروش سے حصہ لیا۔ انسٹرکٹر نے مختلف قسم کے یوگ آسن (آسن)، سانس لینے کی مشقیں (پران یام)، اور مراقبہ کی تکنیکوں پر توجہ مرکوز کی اور مجموعی صحت کو فروغ دینے میں ان کے کردار پر زور دیا۔ کرتویہ پتھ کے پرسکون ماحول نے تقریب کے لیے بہترین پس منظر فراہم کیا، جس سے شرکاء میں امن کا احساس پیدا ہوا۔ یہ الٹی گنتی پہل، یوگ کو روزمرہ کی زندگی میں شامل کرنے کی اہمیت کو بڑھانے کے لیے تیار کی گئی ہے، جس میں جامع ترقی اور بہبود کے لیے ہر کسی کو اس میں شامل ہونے کی ترغیب دی گئی ہے۔

 

(کرتویہ پتھ، نئی دہلی میں پری یوگا اجلاس کے دوران سکریٹری ڈی او سی اے دیگر افسران/ اہلکاروں کے ساتھ)

اس تقریب میں جامع صحت کو فروغ دینے پر مرکوز متحرک یوگ کی مشقوں کی نمائش کی گئی۔ اس نے یوگ کی عالمی رغبت اور جدید دور کے چیلنجوں سے نمٹنے میں اس کی جاری اہمیت کو اجاگر کیا۔ قدیم ہندوستانی روایت میں اپنی ابتداء کے ساتھ، یوگ کو جسمانی، ذہنی اور روحانی صحت پر اس کے فائدہ مند اثرات کے لیے تسلیم کیا جاتا ہے۔
اپنے اختتامی کلمات میں، سکریٹری نے ایم ڈی این آئی وائی کے یوگ کے انسٹرکٹر اور ڈیمونسٹریٹر کا ان کی انمول رہنمائی اور مہارت کے لیے شکریہ ادا کیا۔ انہوں نے ایک متوازن اور صحت مند طرز زندگی کے حصول کے لیےیوگ کو فروغ دینے کے لیے ،محکمہ کی لگن کا اعادہ کیا، اور ہر ایک سے یوگ کو اپنی روزمرہ کی زندگی میں شامل کرنے پر زور دیا۔

 *****

U. No.6942
(ش ح –ا ع- ر ا)          

(Release ID: 2020936) Visitor Counter : 65