ماحولیات، جنگلات اور آب وہوا کی تبدیلی کے مرکزی وزیر مملکت جناب اشونی کمار چوبے نے آج لوک سبھا میں ایک تحریری جواب میں بتایا کہ جنگلی حیات سے متعلق بھارت کے ادارے  وائلڈ لائف انسٹی ٹیوٹ آف انڈیا اور زولوجیکل سروے آف انڈیا کالی گردن والے سارسوں  کا جائزہ لے رہے ہیں۔  لداخ کے علاقے میں 17-2016 میں وائلڈ لائف انسٹی ٹیوٹ آف انڈیا کے سروے کے مطابق، کالی گردن والے سارسوں کی آبادی کا حجم تقریباً 66-69  پرند  تھا۔ اروناچل پردیش میں، سردیوں کے مہینوں میں تقریباً 11 پرندوں کی ایک چھوٹی سی آبادی  حجرت کرکے وہاں پہنچتی ہے۔

پرندوں کی انواع کے تحفظ کے لیے اٹھائے گئے اہم اقدامات میں شامل ہیں:

1. کالی گردن والے  سارس (گرس نگری کالیس) وائلڈ لائف  (تحفظ) ایکٹ، 1972 کے شق I میں درج ہے، اس طرح ان کے مطابق تحفظ کا اعلیٰ ترین درجہ ہے۔
2. یہ نسل جنگلی حیوانات اور نباتات کی خطرے سے دوچار انواع میں بین الاقوامی تجارت کے کنونشن کے ضمیمہ I اور مہاجر نسلوں کے تحفظ کے کنونشن میں بھی درج ہے۔
3. سیاہ گردن والے سارس کی اہم رہائش گاہوں کو ایک محفوظ علاقوں کے طور پر مشتہر کیا گیا ہے، مثال کے طور پر، چانگتھانگ سینکچری، لداخ۔
4. سیاہ گردن والے سارس کے لیے ایک اہم چارہ اور افزائش گاہ ،تسو کار ویٹ لینڈس کمپلیس، کو دسمبر 2020 میں رام سر سائٹ کے طور پر نامزد کیا گیا ہے۔
5. وزارت کی طرف سے اکتوبر 2017 میں جاری کیا گیا نیشنل وائلڈ لائف ایکشن پلان (2017 سے2031) جنگلی حیات کے تحفظ کے مختلف پہلوؤں، جیسے معدوم ہونے کے خطرے سے دوچار  نسلوں کے تحفظ، انسانوں اور جنگلی حیات کے ٹکراؤ کو کم کرنا، اندرون ملک اور ساحلی نظام اور سمندری ماحولیاتی نظام  اور زمین کی تزئین کی سطح کا تحفظ، وغیرہ کے تحفظ کے لیے مخصوص ابواب اور ترجیحی اقدامات فراہم کرتا ہے۔
6. مرکزی حکومت، ملک میں جنگلی حیات اور اس کے رہائش گاہوں کے انتظام کے لیے مرکزی اسپانسر شدہ اسکیموں 'جنگلی حیات کے رہائش گاہوں کی ترقی' کے تحت ریاستی/مرکز کے زیر انتظام علاقوں کی حکومتوں کو مالی مدد فراہم کرتی ہے۔
7. وائلڈ لائف (تحفظ) ایکٹ، 1972 کی دفعہ 33 کے تحت موجود دفعات کے مطابق، وزارت نے محفوظ علاقوں کے لیے انتظامی منصوبہ بندی کے عمل کے لیے رہنما خطوط جاری کیے ہیں۔
8. حکومت ہند نے مشن لائف (لائف اسٹائل فار انوائرمنٹ یعنی ماحولیات کے لئے  طرز زندگی )کے لئے پروگرام شروع کیا ہے، جس کا مقصد ماحولیات اور تحفظ کے بارے میں عوام میں بیداری پیدا کرنا ہے۔
9. عالمی یوم وائلڈ لائف ڈے، یعنی جنگلی حیات سے متعلق عالمی دن،  ویٹ لینڈز ڈے، ہجرت کرنے والے پرندوں کا دن وغیرہ جیسے اہم دن اور وائلڈ لائف ہفتہ منایا جاتا ہے، تاکہ عوام میں جنگلی حیات اور حیاتیاتی تنوع کے بارے میں مزید بیداری پیدا کی جا سکے۔

۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح- ع م- ق ر)

U-6904

(Release ID: 2020647) Visitor Counter : 56