امداد باہمی کے مرکزی وزیر جناب امت شاہ نے لوک سبھا میں ایک سوال کے تحریری جواب میں بتایا  کہ  امداد باہمی کی وزارت کی طرف سے ڈبلیو پی (سی)  نمبر 191/2022 (پنک پانی موہنتی  بنام  یو او آئی  اینڈ  او آر ایس) میں دائر کی گئی،ایک انٹرلوکیوٹری یعنی عارضی درخواست میں، عزت مآب سپریم کورٹ نے 29 مارچ  2023 کو دیگر باتوں کے ساتھ ساتھ حکم دیا کہ:

"(i) "سہارا-سیبی  ریفنڈ اکاؤنٹ" میں جمع 24,979.67 کروڑ روپے کی کل رقم میں سے،  5000 کروڑ روپے کی رقم کوآپریٹو سوسائٹیز کے مرکزی رجسٹرار کو منتقل کی جائے گی، جو بدلے میں، سہارا گروپ آف کوآپریٹو سوسائٹیز کے ڈپازٹرز کے جائز واجبات کے تحت اسے تقسیم کرے گا،  اور یہ رقم حقیقی ڈپازٹرز کو مناسب شناخت پر اور ان کے جمع ہونے کے ثبوت اور ان کے دعووں کے ثبوت جمع کرانے پر انتہائی شفاف طریقے سے ادا کی جائے گی اور اسے براہ راست ان کے متعلقہ بینک کھاتوں میں جمع کرائے جائیں۔

(ii) ادائیگی کی نگرانی اور اس کا اہتمام اس عدالت کے سابق جج، جسٹس آر سبھاش ریڈی کریں گے،  اس سلسلے میں  جناب گورو اگروال، ماہر ایڈوکیٹ، جو جسٹس آر سبھاش ریڈی کے ساتھ ساتھ معاونت کے لیے امیکس کیوری کے طور پر مقرر کیے گئے ہیں۔ حقیقی جمع کنندگان میں رقم کی تقسیم، ادائیگی کرنے کا طریقہ اور طریقہ کار کوآپریٹو سوسائٹیز کے مرکزی رجسٹرار سہارا گروپ آف کوآپریٹو سوسائٹیز کے کوآپریٹو سوسائٹیز کے سنٹرل رجسٹرار جسٹس آر سبھاش ریڈی، اس عدالت کے سابق جج اور معروف ایڈوکیٹ شری گورو اگروال کی مشاورت سے طے کریں گے۔"

عزت مآب سپریم کورٹ کے مورخہ 29  مارچ 2023 کے حکم کی تعمیل میں،18 جولائی 2023 کو  ایک آن لائن پورٹل "سی آر سی ایس – سہارا  ریفنڈ پورٹل" https://mocrefund.crcs.gov.in  کا  حقیقی لوگوں کے ذریعے دعوے جمع کرانے کے لیے  آغازکیا گیا تھا۔ اپنے جائز ڈپازٹس کی واپسی کا دعویٰ کرنے والے  ان حقیقی جمع کنندگان  میں سہارا گروپ کی چار ملٹی اسٹیٹ کوآپریٹو سوسائٹیز کے جمع کنندگان، یعنی؛ سہارا کریڈٹ کوآپریٹو سوسائٹی لمیٹڈ، لکھنؤ، سہاراین یونیورسل ملٹی پرپز سوسائٹی لمیٹڈ، بھوپال، ہمارا انڈیا کریڈٹ کوآپریٹو سوسائٹی لمیٹڈ، کولکتہ اور اسٹارز ملٹی پرپز کوآپریٹو سوسائٹی لمیٹڈ، حیدرآباد شامل ہیں ۔ ادائیگی کا پورا عمل ڈیجیٹل اور پیپر لیس ہے اور اسے عزت مآب سپریم کورٹ کے سابق جج  جناب گورو اگروال، ایمیکس کیوری کے تعاون سے، جسٹس آر سبھاش ریڈی کی نگرانی میں انجام دیا جا رہا ہے۔

پورٹل پر موصول ہونے والی درخواستوں پر شفاف طریقے سے ، مناسب شناخت اور ان کی شناخت کے ثبوت اور جمع کرائے جانے پر کارروائی کی جا رہی ہے۔ یہ  ادائیگیاں حقیقی جمع کنندگان کے آدھار سیڈ بینک اکاؤنٹ میں براہ راست جمع کی جا رہی ہیں۔ فی الحال، سہارا گروپ آف کوآپریٹو سوسائٹیز کے ہر حقیقی جمع کنندہ کو آدھار سیڈڈ بینک اکاؤنٹ کے ذریعے تصدیق شدہ دعووں کے  بعدصرف 10,000 روپے تک کی ادائیگی کی جا رہی ہے۔

فی الحال، دعوے جمع کرانے میں کوئی تکنیکی مسئلہ یا انٹرنیٹ تک رسائی کا مسئلہ نہیں ہے ،جیسا کہ بڑی تعداد میں رجسٹریشن سے ظاہر ہوتا ہے۔ اس کے علاوہ ، پورٹل پر جمع کنندہ کی درخواست میں کسی بھی قسم کی کمی پائے جانےکی صورت میں،15 نومبر 2023  کو پہلے ہی شروع کیے گئے ری-سبمیشن پورٹل کے ذریعے اپنی درخواست دوبارہ جمع کرانے کے لیے ان کو کمیوں سے آگاہ کیا جا رہا ہے۔

درخواستوں کی ریاستوں کے لحاظ سے تقسیم دستیاب نہیں ہے، تاہم "سی آر سی ایس-  سہارا ریفنڈ پورٹل" پر کل 1.21 کروڑ  درخواستیں رجسٹر کی گئی ہیں، اور سہارا گروپ کی امداد باہمی کی سوسائٹیوں کے 2,77,607 جمع کنندگان کو 31 جنوری 2024  تک 258.47 کروڑ روپے جاری کیے جاچکے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔

 

(ش ح- ع م - ق ر)

U-6825

(Release ID: 2020060) Visitor Counter : 84