Ka Secretariat jong ka President

Ha ka: 22 tarik u Iaiong 2024 ha ka por 7:16 mynmiet da ka PIB Guwahati

 

Ka President jong ka ri India, DroupadiMurmu ka la ai ia ki khusnam Padma Shri ia u SarbeswarBasumatary ha ki kam rep bad u DronaBhuyan ha ka kam saindur. Kine ar ngut ki dei najylla Assam, bad ki la ioh ia kine ki khusnam ha ka Civil Investiture Ceremony ba la pynlong ha New Delhi mynta ka sngi.

Katto katne shaphang kine ki nongjop khusnam -

U SarbeswarBasumatary (Padma Shri)
U SarbeswarBasumatary u dei u nongrepuba long ruh u dkhot jong ka Advisory Board jong ka tnat kam ridohkha jong ka ChirangDistrik, Assam. U long ruh u dkhot jong ka KrishiVigyan Kendra bad ka Sericulture jong ka ChirangDistrik. Naduh u snem 2017, u la trei kum u nongkyntiew ha ka Bordosila Farmer Producer Company Limited. La kha ia u ha ka 8 tarik u Iaiong, 1962 bad u Basumatary u la pule haduh ka klas 5 ha Bagidwara L.P. School. Haba u la dap 13 snem ka rta, u la leit sha Bokakhat, Dhansrimukh bad u la trei kum u nonglurkhyndew. Ha u snem 1984, u la leitphai sha Chiponsila bad u la sdang ia ka kam rep. Hadien kane, u la leit sah noh ha Bhutiapara bad u la sdang ban rep ha ki jaka jong kiwei kiwei ki briew.

U Basumatary u la thied ia ka jaka lajong ha u snem 1995-96 bad ha u snem 1996 ka la don ka jingai jinghikai ha ki kam rep ha ka Bijni Sub-Divisional Agriculture Office. Hapoh ka jingialam jong ki nonghikai ha kane ka prokram, u Basumatary kum u President jong ka Panbari Banana Growers’ Society, u la pyntreikam ia ki skhim bapher bapher bad u la sdang rep kait, sohniamta bad sohtrun kaba la kylla sha ka kam kaba seisoh bha. Ha u snem 2007, u la ioh jinghikai ha ka kam ridohkha. U la leit sha Andhra Pradesh, Odisha bad West Bengal bad u la leit ruh shabar ri. U la ioh jinghikai ha ki kam rep Horticulture na ka Kalyani University, Kolkata.

U Basumatary u la jop shibun ki khusnam. U la jop ia ka khusnam Award of Excellence ha ka kam Sericulture na ka Central Silk Board, Bengaluru, ka Tnat Textiles ha u snem 2015. U la ioh ruh ia ka khusnam Assam Gaurav na u Lat ka jylla Assam ha u 2022-23 bad ka khusnam Best Farmer Award na ka Assam Agriculture University ha u 2022. U la ioh ia ki khusnam na ka tnat kam ri dohkha jong ka Bodoland Territorial Council, Kokrajhar ha u snem 2005; ba la ai da u Director ka tnat kam rep, Kokrajhar jong ka BTC ha u 2010; na u Deputy Director ka tnat pyniaid iew ia ki kam rep, Guwahati ha u 2010; na u Deputy Commissioner, Chirang, Kajalgaon, Sorkar Assam, ka tnat kam rep ha u 2010-11; Ka tnat kam rep & Director ka Horticulture ha u 2013; na ka Indian Institute of Horticulture, Bangalore ha u 2013; na ka Assam Agriculture University, Guwahati ha u 2015; ka certificate iashim bynta na ka NIAM, Jaipur, Rajasthan ha u 2017; na ka Sorkar Assam; ka khusnam Best Farmer Award ha u 2021 ha ka Azadi Ka Amrit Mahatsav-2021; ka khusnam Best Farmer Award na ka tnat Income Tax jong ka thain shateilammihngi ha ka Azadi Ka AmritMahatsav-2022; na ka IOC Ltd. Bongaigaon Refinery – ka khusnam Best Farmer Award ha u 2024; Best Farmer Award na ka Bijni District UPPL ha u 2024.

U DronaBhuyan (Padma Shri)
U DronaBhuyan u dei uba trei borbah ha ki kam kiba iadei bad ki dustur tynrai ‘SuknaniOjapali bad jingshadDeodhani’.
La khaia u ha ka 1 tarik u Kyllalyngkot 1956 ha ka shnong Satgharia jong ka Sipajhar kaba hap hapoh ka distrikDarrang. U la wan na ka longiing kaba duk bad u la mad shibun ki jingeh ha ka jingim jong u. Namar ka jingduna pisa, u la lah ban ioh jingpule tang katne katto. U la kham noh sha ka SuknaniSangeet bad ka jingshadDeodhani. Haba u dang don ha ka rta kaba tang 7-8, u la sdang ban leit bad u kpa jong u ban pynkhreh ia ki “Jatra Party” bad u la ioh khusnam ha ka imlang sahlang namar ka jingtbit jong u kum u barikor. U la iashim bynta ha ki drama kum ka ‘Village Girl’, ‘Chandra Hangsa’, ‘LalasarBalley’ bad kiwei kiwei. U kpa jong u, u la phah ia u ba un synran ia u Ratneswar Bora – aOja jong ka SuknaniOjapali ban ioh jinghikai bad na kane u la iadon bynta bad ka deiritiOjapali. U la sdang ban bud ia ka Ojapali hapoh ka jingialam jong u Chandra KantaNathOja (Bam kwai ha dwar u Blei), uba dei u nongialam ubatbit.

U Bhuyan u la pyni ia ka SuknaniOjapali bad ka jingshadDeodhani ha ka madanPragati ha Delhi ha u snem 1972. U dei uba la pyntbit bha ha ka jingtemksing. Mynta u Bhuyan u dei u nongialam jong ka SuknaniSangeet bad ka jingshadDeodhani bad u la trei borbah ban kyntiew ia ki kam saindur ha ka distrikDarrang. U la iashim bynta man ka por ha ka All India Radio Guwahati bad SangeetNatak Academy, bad u iashim bynta ha ki workshop halor ki kam pyni sap ha Assam bad ruh ha ka National School of Drama, Delhi, Guwahati, Dibrugarh bad Tezpur Central University. U la ioh ia ka kyrdan “GURU”. U la pyni ia ka SuknaniSangeet ha ki prokram bapher bapher bad ruh ha ki kynhun bapher bapher kum ka Naamghar, Sangha, Educational Institutions bad kiwei kiwei. U la seng ruh ia ka jaka ai jinghikai ha la ka iing kaba tip kum ka “Traditional Performing Art Centre” ha u snem 2009 ban ai jinghikai ia kito kiba sngewtynnad ia kane ka kam.
U Bhuyan u la jop shibun ki khusnam. Katto katne ki khusnam ba u la ioh ka long ka kyrdan “GURU” na ka tnat Deiriti ha u snem 2009, ka khusnam “MEERA AWARD 2012” ba la pynlong da ka RastriyaNatya bad ka Loka Kala Mahotsav ha Agra, ka khusnam “EkKalinBota 2019” bad “BishnuRabhaBota 2021” na ka tnat kam deiriti jong ka Sorkar Assam, ka RabindraBhawan, Guwahati  bad Assam Gaurav 2023.

5 ngut ki briew na ka thain shateilammihngi ki la ioh ia ka khusnam Padma Shri mynta ka sngi bad na kine, 2 ngut ki dei na Assam, 1 na Arunachal, 1 na Manipur bad 1 na Tripura.

Ban iohiia ka thup jong ki nongjop Padma Shri, shon hangne.

 

PG/SM

******

 

 

(Release ID: 2018614) Visitor Counter : 76