اکوسٹک کریکٹرائزیشن اینڈ ایویلیوایشن کے لیے ایک جدید ترین سبمرسیبل پلیٹ فارم (اسپیس) کا افتتاح 17 اپریل 2024 کو کیرالہ کے اڈوکی میں انڈر واٹر ایکوسٹک ریسرچ فیسیلٹی، کولاماو میں محکمہ دفاع (آر اینڈ ڈی) كے سیکریٹری  اور ڈی آر ڈی او كے چیئرمین ڈاکٹر سمیر وی کامت نے کیا۔ ڈی آر ڈی او کی نیول فزیکل اینڈ اوشینوگرافک لیبارٹری کے ذریعے قائم کردہ اسپیس کو سونار سسٹمز کے لیے ایک پریمیئر ٹیسٹنگ اور تشخیصی مرکز کے طور پر ڈیزائن کیا گیا ہے۔ یہ بحری جہازوں، آبدوزوں اور ہیلی کاپٹروں سمیت مختلف پلیٹ فارمز پر ہندوستانی بحریہ کے لیے ہے۔

اسپیس بحری ٹیکنالوجی کی ترقی میں ایک سنگ میل کی حیثیت رکھتا ہے۔ یہ دو الگ الگ اسمبلنگ پر مشتمل ہوگا - ایک پلیٹ فارم پانی کی سطح پر تیرتا ہے اور ایک آبدوز پلیٹ فارم ہے جسے ونچ سسٹم کا استعمال کرتے ہوئے 100 میٹر تک کسی بھی گہرائی تک کم کیا جا سکتا ہے۔ آپریشنز کی تکمیل پر آبدوز پلیٹ فارم کو تیرتے ہوئے پلیٹ فارم کے ساتھ ونچ اپ اور ڈوک کیا جا سکتا ہے۔

اسپیس کو بنیادی طور پر مکمل سونار سسٹم کی جانچ کے لیے استعمال کیا جائے گا، جس سے سائنسی پیکجوں جیسے سینسر اور ٹرانسڈیوسرز کی فوری تعیناتی اور آسانی سے بحالی کی اجازت دی جائے گی۔ جدید سائنسی آلات کا استعمال کرتے ہوئے یہ اسپیس ہوا، سطح، درمیانی پانی اور ذخائر کے فرش کے پیرامیٹرز کے سروے، نمونے لینے اور ڈیٹا اکٹھا کرنے کے لیے موزوں ہوگا۔ یہ جدید اور اچھی طرح سے لیس سائنسی لیبارٹریوں میں ڈیٹا پروسیسنگ اور نمونے کے تجزیوں کی ضروریات کو پورا کرے گا۔ اس طرح اینٹی سب میرین وارفیئر تحقیقی صلاحیتوں کے ایک نئے دور کا آغاز ہو گا۔

*****

U.No:6582

ش ح۔رف۔س ا