’ابھرتی ہوئی ٹیکنالوجیوں اور ایکسواسکیلیٹن کے چیلنجوں‘پر پہلی بین الاقوامی ورکشاپ 16تا 17 اپریل 2024 کو بنگلورو میں منعقد ہو رہی ہے۔ اس ورکشاپ کا اہتمام ڈیفنس ریسرچ اینڈ ڈیولپمنٹ آرگنائزیشن (ڈی آر ڈی او) کی ڈیفنس بائیو انجینئرنگ اینڈ الیکٹرومیڈیکل لیبارٹری نے کیا ہے۔ اس ورکشاپ  کا افتتاح سکریٹری، محکمہ دفاع  برائے آر اینڈ ڈی اور چیئرمین ڈی آر ڈی او ڈاکٹر سمیر وی کامت نے، چیرمین چیف آف اسٹاف کمیٹی (سی آئی ایس سی) لیفٹیننٹ جنرل جے پی میتھیو چیف آف انٹیگریٹڈ ڈیفنس اسٹاف کی موجودگی میں کیا۔

اپنے کلیدی خطاب میں، ڈی آر ڈی او کے چیئرمین نے تبدیلی کی ایکسواسکیلیٹن ٹیکنالوجی کی اہمیت نیز فوجی اور شہری ماحول میں اس کے بے پناہ استعمال پر زور دیا۔ انہوں نےآر اینڈ ڈی کمیونٹی،  مسلح افواج، صنعت اور اکیڈمیا سمیت مختلف شراکت داروں پر زور دیا کہ وہ چیلنجوں سے نمٹنے کے لیے مل کر کام کریں اور ایکسواسکیلیٹن کے مستقبل کے لیے روڈ میپ تیار کریں۔

اس موقع پر خطاب کرتے ہوئے، سی آئی ایس سی نے ایکسواسکیلیٹن ریسرچ کی تاریخ، اس کے پہلے کے نمونوں اور چیلنجوں کا سراغ لگایا۔ ان کا خطاب ان چیلنجوں پر مرکوز رہا جنہیں فی الحال آر اینڈ ڈی کمیونٹی حل کر رہی ہے۔ انہوں نے بحالی، پیشہ ورانہ تھیراپی، اور ایسکو اسکلیٹن ٹیکنالوجیز کی اہمیت کو اجاگر کیا۔ انہوں نے یہ بھی اجاگر کیا کہ ایکسواسکیلیٹن ٹکنالوجی دوہری امریکی ٹیکنالوجی ہونے کی وجہ سے زبردست تجارتی صلاحیت رکھتی ہے۔

ای ٹی ایچ، زیورخ کے پروفیسر رابرٹ رینر اور نارتھ ویسٹرن یونیورسٹی، شکاگو، الینوائے کے پروفیسر ارون جیرامن نے معلوماتی گہرائی سے تکنیکی بات چیت کی۔ ڈائریکٹر جنرل (لائف سائنسز) ڈاکٹر یو کے سنگھ نے مسلح افواج کو در پیش چیلنجوں اور ضروریات کے بارے میں بات کی۔ انہوں نے محققین کی کمیونٹی پر زور دیا کہ وہ تمام شراکت داروں کی ضروریات کو پورا کرنے کے لیے مستقبل کی ایکسواسکیلیٹن ٹیکنالوجی کے لیے درپیش چیلنجوں سے اجتماعی طور پر نمٹیں۔

دو روزہ ورکشاپ میں ڈی آر ڈی او ، سروسز، صنعت، اکیڈمیا اور محققین کے 300 سے زائد شرکاء شرکت کر رہے ہیں۔ ایکسواسکیلیٹن ٹیکنالوجی قابل  استعمال ڈھانچے شامل ہیں جو انسانی جسم کی صلاحیتوں کو بڑھاتے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ت ع(

6576

 

(Release ID: 2018095) Visitor Counter : 34