آخری دستیاب رپورٹ کے مطابق، ہندوستان میں سڑکوں کا نیٹ ورک مارچ، 2014 میں تقریباً 54,02,486 کلومیٹر سے بڑھ کر مارچ، 2019 میں تقریباً 63,31,791 کلومیٹر ہو گیا ہے، جو کہ دنیا کا دوسرا بڑا نیٹ ورک ہے۔

وزارت بنیادی طور پر قومی شاہراہوں (این ایچس) کی ترقی اور دیکھ بھال کے لیے ذمہ دار ہے۔ وزارت کا مختص بجٹ تقریباً روپے 14-2013 میں 31,130 کروڑ سے سے بڑھ کر 24-2023 میں 2,76,351 کروڑ ہوگیا ہے۔ قومی شاہراہوں پر کیپٹل اخراجات تقریباً 14-2013 میں 51,000 کروڑ روپے بڑھ کر 23-2022 میں 2,40,000 کروڑ روپے ہوگیا۔ انفراسٹرکچر کا شعبہ جو معیشت کا بنیادی محرک ہے تیز رفتار اقتصادی ترقی اور ترقی میں بڑا تعاون کرتا ہے۔

ملک میں این ایچ نیٹ ورک کی لمبائی مارچ 2014 میں 91,287 کلومیٹر سے 1.6 گنا بڑھ کر اس وقت 1,46,145 کلومیٹر ہو گئی ہے۔ اپریل 2014 سے بجٹ میں اضافے کے ساتھ، سڑکوں کے معیار میں کافی بہتری آئی ہے۔ 4 لین اور اس سے اوپر کے این ایچ  نیٹ ورک کی لمبائی 2014 میں 18,371 کلومیٹر سے 2.5 گنا بڑھ کر 46,720 کلومیٹر ہو گئی ہے۔ اس کے علاوہ 2 لین سے کم این ایچس 27,517  کلومیٹر سے 14,350 کلومیٹر تک تقریباً آدھا ہو گیا ہے جس سے 2 لین سے کم این ایچس کا حصہ کل این ایچ  نیٹ ورک کے 30فیصدسے 10فیصد تک کم ہو گیا ہے۔

وزارت نے ملک کی لاجسٹک کارکردگی کو بہتر بنانے کے لیے ہائی سپیڈ ایکسیس کنٹرولڈ این ایچس کی ترقی پر توجہ مرکوز کرنے کا فیصلہ کیا ہے۔ اس کے علاوہ، وزارت نے تمام این ایچس کو ٹریفک کی ضرورت کے مطابق بہتر بنانے کے لیے ایک پالیسی بھی اپنائی ہے لیکن کم از کم دو لین والےپختہ سڑکوں کے معیار کے ساتھ، سوائے ماحولیاتی طور پر حساس ہمالیائی خطہ کے جہاں ارضیاتی، ماحولیاتی عوامل وغیرہ کو مدنظر رکھتے ہوئے ترقیاتی منصوبے کو حتمی شکل دی گئی ہے۔

ایکسپریس وے سمیت 21 گرین فیلڈ ایکسیس کنٹرول کوریڈورز پر پروجیکٹ پر عمل درآمد شروع کیا جا چکا ہے جس میں تقریباً 3,658 کلومیٹر لمبائی میں کام مکمل ہو چکا ہے۔

وزارت نے مختلف اہم پروجیکٹس یا اس کے سیکشن  مکمل کیے ہیں جو پہلے ہی مکمل ہو چکے ہیں اور نقل و حرکت میں آسانی پیدا کرنے کے لیے ٹریفک کے لیے کھول دیے گئے ہیں۔ ان میں سے کچھ میں دہلی-دوسا- لالسوت سیکشن (229 کلومیٹر) اور دہلی-ممبئی ایکسپریس وے کا مدھیہ پردیش میں پورا سیکشن (210 کلومیٹر)، ریاست راجستھان میں امرتسر-بھٹنڈا-جام نگر (470 کلومیٹر)، حیدرآباد کا سوریا پیٹ- کھمم سیکشن۔وشاکھاپٹنم، اندور-حیدرآباد (175 کلومیٹر)، این ایچ-37 اے (پرانا) پر آسام میں تیج پور کے قریب نیا برہم پترا پل، میزورم میں کالادن ملٹی ماڈل ٹرانزٹ ٹرانسپورٹ پروجیکٹ، این ایچ -44 ای کے  شیلانگ نونگسٹائن-تورا سیکشن اور میگھالیہ میں این ایچ  127 بی  شامل ہیں۔

نیز، وزارت کے کئی اہم کوریڈور جیسے۔ وڈودرا - دہلی کا ممبئی سیکشن - ممبئی ایکسپریس وے، رائے پور - وشاکھاپٹنم اقتصادی راہداری، اتراکھنڈ میں چار دھام پروجیکٹس، اروناچل پردیش میں ٹرانس اروناچل ہائی وے(این ایچ-13 این ایچ 15 اوراین ایچ 127 بی)، منی پور میں امپھال-مورہ سیکشن، دیما پور – کوہیما سیکشن وغیرہ پر کام جاری ہے۔

اس عرصے کے دوران ریاست کرناٹک میں شروع کیے گئے بڑے اہم پروجیکٹوں میں بنگلورو-میسور ایکسپریس وے (118 کلومیٹر)، این ایچ-4 کے ہاویری-ہبلی سیکشن کی چھ لیننگ (63 کلومیٹر)، بنگلورو - چنئی ایکسپریس وے (262 کلومیٹر)، بنگلورو رنگ روڈ (280 کلومیٹر)، سولاپور-کرنول-چنئی کوریڈور (329 کلومیٹر) وغیرہ شامل ہیں۔

مزید یہ کہ کرناٹک کے تمام اضلاع ریاست میں اپریل 2014 سے تقریباً 55,765 کروڑ روپے کی لاگت سے تقریباً 4,755 کلومیٹر این ایچ  لمبائی کی تعمیر کے ساتھ این ایچس سے جڑے ہوئے ہیں۔

مندرجہ بالا پیش رفت نے کرناٹک سمیت علاقائی رابطے میں اضافہ کیا ہے، اور پورے ملک میں این ایچس تک رسائی اور رسد کی کارکردگی میں بھی اضافہ کیا ہے۔

پچھلے نو سالوں کے دوران تعمیر شدہ این ایچ  لمبائی کی سال وار تفصیلات حسب ذیل ہیں:-

 

وزارت نے بی ایم پی کے حصے کے طور پر ترقی کے لیے 35 ملٹی موڈل لاجسٹک پارکس (ایم ایم ایل پیز) کی نشاندہی کی ہے تاکہ ہندوستانی معیشت میں لاجسٹکس کی کارکردگی کو بہتر بنایا جا سکے۔ بی ایم پی-آئی کے تحت ترقی کے لیے15 ایم ایم  ایل پیز  کو ترجیح دی گئی ہے۔

وزارت نے 2016 سے اب تک تقریباً 3.46 کروڑ درخت لگا کر سبز اقدامات کیے ہیں، اس کے علاوہ پشتوں کی تعمیر کے لیے میونسپل فضلہ، بٹومینس کی تعمیر میں فضلہ پلاسٹک اور کاربن سے نمٹنا  اور پائیدار ترقی کے لیے سیمنٹ کنکریٹ کی تعمیر میں ویسٹ سلیگ کا استعمال کیا ہے۔

وزارت کی طرف سے ملک میں این ایچ  نیٹ ورک کی مندرجہ بالا قابل ذکر ترقی اور کامیابیوں کو حاصل کرنے کے لیے اپنائی گئی کلیدی حکمت عملی درج ذیل ہیں:-

1. وزارت نے وراثت میں ملنے والے رکے ہوئے پروجیکٹس (14-2013 تک رکے ہوئے پروجیکٹس) کو اعلیٰ ترین سطح پر قریبی نگرانی کے ذریعے اور مناسب پالیسی دخل اندازیوں جیسے ون ٹائم فنڈ انفیوژن، متبادل، ٹرمینیشن اور ری پیکجنگ وغیرہ کے ذریعے حل کیا۔
2. منصوبوں اور معاہدے کی دستاویزات کو معقول بنا کر ٹھیکیدار کے ماحولیاتی نظام کو فروغ دینا
3. تمام پروجیکٹ پلاننگ سمیت ڈی پی آر کی تیاری پی ایم گتی شکتی نیشنل ماسٹر پلان (این ایم پی) پورٹل پر لازمی کیا  گیا۔
4. زمین کے حصول اور قبل از تعمیراتی سرگرمیوں کے سلسلے میں مناسب تیاری کے بعد پراجیکٹس کی فراہمی
5. ریلوے کی طرف سے جی اے ڈی (جنرل ارینجمنٹ ڈرائنگ) کی منظوری کے لیے آسان طریقہ کار
6. زمین کے حصول کے عمل میں آسانی پیدا کرنا۔
7. نئی ٹیکنالوجیز کو اپنانا اور معیارات اور تصریحات کو مسلسل اپ گریڈ کرنا
8. جدید فنانسنگ ماڈلز وغیرہ سے وسائل اکٹھا کرنا۔
9. فنڈز کی لیکویڈیٹی کو بہتر بنانے کے لیے ‘‘ آتم نربھر بھارت’’ کے تحت معاہدے کی دفعات میں نرمی
10. تنازعات کے حل کے طریقہ کار کو بہتر بنایا گیا۔
11. پورٹل پر مبنی پروجیکٹ کی نگرانی جس کے نتیجے میں مسائل کا جلد حل ہوتا ہے۔
12. مختلف سطحوں پر منصوبوں کا وقتاً فوقتاً جائزہ

یہ اطلاع سڑک ٹرانسپورٹ اور شاہراہوں کے مرکزی وزیر جناب نتن گڈکری نے آج لوک سبھا میں ایک تحریری جواب میں دی۔

*****

  ش ح۔ع ح ۔رم

U-6522  

(Release ID: 2017721) Visitor Counter : 48