ہندوستان میں تعلیمی اداروں میں 100 فائیو جی لیبز کے عمل کو ہموار کرنے کے اقدام میں، سکریٹری (ٹیلی کام)، ڈاکٹر نیرج متل نے آئی آئی ٹی مدراس میں ایک فائیو جی ورکشاپ کے دوران عملی طور پر "100 فائیو جی لیبز کے لیے تجرباتی لائسنس ماڈیول" میں سے ایک کو لانچ کیا۔ اس پہل قدمی کا مقصد ان اداروں کے لیے تجرباتی لائسنس کی ضروریات کو آسان بنانا، ہموار آپریشنوں  کو آسان بنانا اور فائیو جی ڈومین میں جدت کو فروغ دینا ہے۔

محکمہ ٹیلی کمیونی کیشن (ڈی او ٹی) نے ملک بھر کے تعلیمی اداروں کو ’100 فائیو جی یوز کیس لیبس ‘سے نوازا ہے۔ اس پہل قدمی کے پیچھے بنیادی مقصد طلباء اور اسٹارٹ اپ برادریوں میں فائیو جی ٹیکنالوجیز میں قابلیت اور مشغولیت کو فروغ دینا ہے۔

یہ لیبز مختلف تجربات کرنے اور استعمال کے کیسز کی جانچ کے لیے فائیو جی فریکوئنسی بینڈ استعمال کریں گی۔ لہذا، انہیں لائسنس یافتہ ٹی ایس پیز کے لیے مداخلت سے پاک آپریشنز کو یقینی بنانے کے لیے ٹیلی کمیونی کیشن کے محکمے سے تجرباتی (غیر تابکاری) کے زمرے کا لائسنس حاصل کرنے کی ضرورت ہے۔

یہ لائسنس فی الحال نیشنل سنگل ونڈو سسٹم (این ایس ڈبلیو ایس) کے ذریعے ڈی او ٹی کے سرل سنچار پورٹل سے "سیلف ڈیکلریشن موڈ" پر جاری کیا جا رہا ہے۔ جولائی 2021 میں سرل سنچار پورٹل پر اس ماڈیول کے آغاز کے بعد سے اب تک تقریباً 1500 لائسنس دیئے جا چکے ہیں۔

موجودہ عمل کے مطابق، درخواست دہندہ کو تجرباتی لائسنس حاصل کرنے کے لیے کیے جانے والے تجربے، سیٹ اپ کی منصوبہ بندی، آلات کی تفصیلات، آپریشن کی فریکوئنسی بینڈ وغیرہ کے بارے میں ضروری تفصیلات پُر کرنا ہوں گی۔

ڈی او ٹی نے اب این ایس ڈبلیو ایس پورٹل (/https://www.nsws.gov.in) پر ایک مخصوص منظوری کی قسم، '100 فائیو جی لیبز کے سلسلے میں تجرباتی لائسنس' کے ذریعے اس لائسنس کے اجراء کے لیے ایک آسان طریقہ کار متعارف کرایا ہے۔ نئے عمل کی اہم خصوصیات یہ ہیں:

اثر انگیزی: یہ تکنیکی وضاحتیں اور اسکیمیٹک تفصیلات کو پہلے سے بھر کر، دستی کوشش اور وقت کو کم کرکے درخواست کے عمل کو خودکار بناتا ہے۔

فوری لائسنسنگ: درخواست دہندگان اب تجرباتی لائسنس "سیلف ڈیکلریشن موڈ" کے ذریعے حاصل کر سکتے ہیں اور اسے فوری طور پر ایک کلک کے ساتھ ڈاؤن لوڈ کر سکتے ہیں، جس سے کارروائیوں کے فوری آغاز کو یقینی بنایا جا سکتا ہے۔

آسان درخواست: صرف بنیادی معلومات کی ضرورت ہے جیسے کہ انسٹی ٹیوٹ کا پتہ، مجاز عملہ، اور 5000 روپے کی معمولی فیس کے ساتھ، درخواست کے عمل کو ہموار کیا گیا ہے، جس سے یہ اداروں کی ایک وسیع رینج کے لیے زیادہ قابل رسائی ہے۔

اختراع کے لیے تعاون: یہ اقدام جدت طرازی، قابلیت کو فروغ دینے اور فائیو جی ٹیکنالوجی تک رسائی کو جمہوری بنانے اور تعلیمی اداروں اور سٹارٹ اپس کو بااختیار بنانے کے لیے ایک قدم آگے بڑھانے کے لیے تیار ہے تاکہ وہ تبدیلی کی ایپلی کیشنز کے لیے اس کی صلاحیت کو تلاش کر سکے۔

مزید تفصیلات کے لیے یوزر مینووَل https://saralsanchar.gov.in پر دستیاب ہے اور سرکاری میمورنڈم https://dot.gov.in/ پر جاکر حاصل کیا جا سکتا ہے۔

**********

 (ش ح –ا ب ن۔ م ف)

U.No:6466

(Release ID: 2017306) Visitor Counter : 64