கொடைக்கானல் சூரிய ஆய்வகத்தின் (KSO) 125 வது ஆண்டு நிறைவு விழா ஏப்ரல் 1, 2024 அன்று அறிவியல் மற்றும் தொழில்நுட்பத் துறையின் (DST) தன்னாட்சி நிறுவனமான இந்திய வானியற்பியல் நிறுவனத்தால் (IIA) கொண்டாடப்பட்டது. இந்தியாவில் வானியலுக்கு ஒரு மைல்கல்லாக விளங்கும் இந்த மையத்தின் வரலாற்றை நினைவுகூரவும், அதன் விஞ்ஞானிகளைப் பாராட்டவும், அதன் மரபை கௌரவிக்கவும் இந்த விழா ஏற்பாடு செய்யப்பட்டது. இந்த சூரிய ஆய்வு மையம் சூரியனின் 1.2 லட்சம் படங்களின் டிஜிட்டல் களஞ்சியத்தையும் 20 ஆம் நூற்றாண்டின் தொடக்கத்திலிருந்து ஒவ்வொரு நாளும் பதிவு செய்யப்பட்ட சூரியனின் ஆயிரக்கணக்கான அரிய படங்களையும் கொண்டுள்ளது.

 

இஸ்ரோவின் முன்னாள் தலைவரும், ஐஐஏவின் நிர்வாகக் குழுவின் தலைவருமான ஏ.எஸ். கிரண் குமார், ஆண்டு நிறைவு கொண்டாட்டங்களுக்கான கே.எஸ்.ஓ 125 லோகோவையும், ஆய்வகத்தின் வரலாறு மற்றும் ஆராய்ச்சி சிறப்பம்சங்களை விவரிக்கும் ஒரு கையேட்டையும் வெளியிட்டார்.

 

ஏப்ரல் 1, 1899 அன்று ஆங்கிலேயர்களால் நிறுவப்பட்ட இந்த ஆய்வகம் உலகின் சூரியனின் மிக நீண்ட தொடர்ச்சியான தினசரி பதிவுகளில் ஒன்றாகும், மேலும் இந்த தனித்துவமான தரவுத்தளம் டிஜிட்டல் மயமாக்கப்பட்டு உலகெங்கிலும் உள்ள வானியலாளர்களுக்கு பொதுவில் கிடைக்கிறது.

 

AD/KRS

(Release ID: 2016979) Visitor Counter : 121