وزارت تعلیم کے اسکولی تعلیم اور خواندگی  کے محکمے  کے  سکریٹری جناب سنجے کمار نے  پی ایم پوشن  اسکیم  کی تفصیلات پر انڈونیشیا کے سمندری وسائل کے ڈپٹی کوآرڈینیٹنگ وزیر، عزت مآت  محمد فرمان ہدایت  کے  ساتھ ایک  میٹنگ  کا انعقاد کیا۔ ایڈیشنل سکریٹری جناب آنندراؤ وی پاٹل نے وفد کے ساتھ اسکیم کی تفصیلات شیئر کیں۔ اس میٹنگ میں ایڈیشنل سکریٹری جناب وپن کمار اور وزارت تعلیم اور وزارت خارجہ کے دیگر سینئر افسران بھی موجود تھے۔

جناب سنجے کمار نے بتایا کہ یہ اسکیم سرکاری اور سرکاری امداد یافتہ اسکولوں میں پری پرائمری سے کلاس 8 تک کے طلباء کو گرم پکا ہوا کھانا فراہم کرتی ہے۔

وفد نے اپنے ملک میں  ایسا ہی ایک  پروگرام  نافذ کرنے کے بارے میں رہنمائی طلب کی، اور جناب سنجے کمار سے انمول بصیرتیں حاصل کیں، جنہوں نے اسکیم کا ایک جامع جائزہ فراہم کیا۔

 جناب  پاٹل نے پروگرام کے بارے میں اہم تفصیلات پر روشنی ڈالتے ہوئے ایک پریزنٹیشن شیئر کی جس میں اسکیم کے مقاصد، پروگرام کا پیمانہ، اسکیم کے تحت کئے گئے انتظامات، اسکیم کے اجزاء وغیرہ شامل تھے۔  جناب پاٹل نے صلاحیت سازی کے اقدامات ، معاشرے کی شرکت،  اختیار کئے جانے والے  نگرانی اور اندازہ قدر کے طریقہ کار اور  بہترین طریقہ کار وغیرہ کے بارے میں معلومات شیئر کیں۔

۔۔۔۔۔۔۔۔۔۔۔

ش ح۔ا گ۔ن ا۔

U- 6416

(Release ID: 2016974) Visitor Counter : 49