بھارت کی ٹیلی مواصلات کی ریگولیٹری اتھارٹی (ٹرائی) نے آج 'مشین ٹو مشین (ایم 2 ایم) کمیونی کیشن کے لیے ایمبیڈڈ سم کے استعمال' پر سفارشات جاری کی ہیں۔

ٹیلی مواصلات کے محکمے (ڈی او ٹی) نے 09.11.2021 کو اپنے خط کے ذریعہ، ایم 2 ایم کمیونی کیشن کے لیے ایمبیڈڈ سم کے استعمال پر ٹرائی ایکٹ، 1997 کے تحت ٹرائی  کی سفارشات طلب کیں۔ اس سلسلے میں، ٹرائی نے 25.07.2022 کو ' ایم 2 ایم کمیونی کیشن کے لیے ایمبیڈڈ سم ' پر شراکت داروں سے تبصرے/جوابی تبصرے طلب کرنے کے لیے ایک مشاورتی  دستاویز جاری کیا۔ جواب میں 15 شراکت داروں نے اپنے تاثرات پیش کیے۔ ورچوئل موڈ کے ذریعہ 14.12.2022 کو مشاورتی مقالے پر ایک کھلے مباحثے کا انعقاد کیا گیا۔ شراکت داروں  سے موصول ہونے والے تبصروں/ان پٹ کی بنیاد پر، اس موضوع پر وسیع غور و خوض اور اپنے تجزیے پر، ٹرائی نے اپنی سفارشات کو حتمی شکل دی ہے۔

ملک میں جی 5 سروسز کے آغاز کے ساتھ، ایم 2 ایم  ایکو سسٹم کے مواقع بہت وسیع ہو گئے ہیں، جس سے معیشت کے مختلف شعبوں جیسے زراعت، نقل و حمل،حفظان صحت اور صنعتی آٹومیشن میں درخواستوں کی گنجائش میں اضافہ ہوا ہے۔ ان سفارشات کا مقصد ہندوستان میں ایم 2 ایم ایمبیڈڈ سم (ای سِم) کے ریگولیٹری منظر نامے کو ہموار کرنا ہے۔ ان سفارشات کے ذریعہ، اتھارٹی نے اپنےصارفین کو مناسب طریقے سے جانیں (کے وائی سی) کے ذریعہ سیکیورٹی کو یقینی بنانے پر زور دیا ہے، جو نیٹ ورک سیکیورٹی کو یقینی بنانے، دھوکہ دہی کے خطرات کو کم کرنے اور ایم 2 ایم ای سِم کے  ماحولیاتی نظام کی مجموعی سالمیت کو بڑھانے کے لیے ضروری ہے۔ اتھارٹی نے ای سِم کی پروفائل سوئچنگ اورایس ایم-ایس آر کو تبدیل کرنے کے لیے ایک فریم ورک کی بھی سفارش کی ہے۔ یہ ایم 2 ایم ای سِم صارفین کو نمایاں لچک فراہم کرے گا اور اس شعبے میں صحت مند مسابقت کو فروغ دے گا۔

حکومت کی طرف سے ان سفارشات کا نفاذ ہندوستان میں ٹیلی کام سیکٹر کے ایم 2 ایم ای سِم سیگمنٹ میں منظم ترقی کو فروغ دے گا اور ملک میں گھریلو ایم 2 ایم ای سِم کے ایکو سسٹم کی ترقی کو تحریک دے گا، اس طرح جدید ایم 2 ایم مواصلات کی ترقی کو قابل بنائے گا۔

ان سفارشات کی نمایاں خصوصیات درج ذیل ہیں:

ہندوستان میں بین الاقوامی رومنگ پر درآمد شدہ ڈیوائس میں نصب کسی بھی ایم 2 ایم ای سِم پر تمام مواصلاتی پروفائل کو لازمی طور پر ہندوستانی ٹیلی کام سروس پرووائیڈر (ٹی ایس پی) کے کمیونی کیشن پروفائل میں بین الاقوامی رومنگ کو جاری کرنے کی تاریخ سے چھ ماہ کی مدت کے اندر لازمی طور پر ایم 2 ایم ای سِم میں تبدیلی /ری کنفیگر یا ڈیوائس کی ملکیت کو تبدیل کیا جانا چاہیے ، جو بھی پہلے ہو۔

ہندوستان میں درآمد شدہ آلات میں نصب ایم 2 ایم ای سِم پر ہندوستانی ٹی ایس پی کے پروفائل کی تنصیب کے لیے، متعلقہ اوریجنل ایکوپمنٹ مینوفیکچرر (او ای ایم اور ایم 2 ایم ایس پی کو سبسکرپشن مینیجر-ڈیٹا تیاری (ایس ایم) سے (i) پروفائل ڈاؤن لوڈ کے درمیان یا (ii) ہندوستانی ٹی ایس پی کے ایس ایم-ڈی پی سے ایم 2 ایم ای سِم کو نئے (ہندوستانی) ایس ایم-ایس آر کے ذریعہ پروفائل ڈاؤن لوڈکے بعد انتخاب کرنے کی لچک دی جانی چاہیے۔

ایم 2ایم ایس پی رجسٹرڈ/ٹیلی کمیونی کیشن سروس لائسنس یافتہ، جس کا ایس ایم-ایس آر ہندوستان میں ایم 2 ایم ای سِم کو کنٹرول کرتا ہے، کو لائسنس یافتہ ٹیلی کام سروس فراہم کنندہ کے ایس ایم-ڈی پی  کے ساتھ اپنے ایس ایم-ایس آر کے انضمام سے انکار نہیں کرنا چاہیے، جن کے پروفائل کو متعلقہ ایم 2 ایم ایس پی/او ای ایم کی درخواست پر ایسے ایم 2 ایم ای سِم میں شامل کیا جانا ہے۔

اس کے نفاذ میں درپیش چیلنجوں کو مدنظر رکھتے ہوئے، اس مرحلے پر، ہندوستان میں ایم 2 ایم خدمات فراہم کرنے کے لیے بین الاقوامی ٹیلی کمیونی کیشن یونین (آئی ٹی یو) کی طرف سے ہندوستانی اداروں کو مختص کردہ 901.XX IMSI سیریز کے استعمال کی اجازت نہیں ہونی چاہیے۔

 یہ سفارشات ٹرائی کی ویب سائٹ www.trai.gov.in  پرموجود ہیں۔ وضاحت/معلومات کے لیے، اگر کوئی ہے تو، جناب اکھلیش کمار ترویدی، مشیر (نیٹ ورک سپیکٹرم اینڈ لائسنسنگ)، ٹرائی سے ٹیلی فون نمبر +91-11-23210481 پر رابطہ کیا جا سکتا ہے یا advmn@trai.gov.in  پر ای میل کریں۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ت ع(

6339