اسٹارٹ اپ مہاکمبھ میں ریکارڈ توڑ شرکت دیكھی گئی جو ہندوستان کا سب سے بڑا اور اپنی نوعیت کا پہلا اسٹارٹ اپ ایونٹ ہے اور ہندوستانی اسٹارٹ اپ ایکو سسٹم میں تمام اسٹیک ہولڈرز کے لیے ایک متحرک پلیٹ فارم کے طور پر کام کرتا ہے۔

اسٹیک ہولڈرز اور ماہرین کے اس اجتماع سے ڈیپ ٹیک، ایگری ٹیک، بائیو ٹیک، میڈ ٹیک، اے آئی، گیمنگ وغیرہ جیسے ابھرتے ہوئے شعبوں کو مزید ترقی دینے میں مدد ملے گی۔

ہندوستان بھر میں اختراعات اور کاروبار کو فروغ دینے کے لیے ڈیزائن كردہ اس ایونٹ میں سرکردہ سرمایہ کاروں، جدت طرازوں اور ابھرتے ہوئے کاروباریوں کی بے مثال شرکت دیکھنے میں آئی۔ اس  ایونٹ میں زائد از 2000 اسٹارٹ اپس، زائد از 1000 سرمایہ کاروں، زائد از 100 یونیکورنوں، زائد از300 انکیوبیٹروں اور ایکسلریٹروں، زائد از 3,000 کانفرنس کے مندوبین، زائد از 10 ملکی وفود، زائد از 3000 مستقبل کے صنعت كاروں اور زائد از50,000 بزنس ویزیرٹوں کی میزبانی کی جا رہی ہے۔ اس تقریب میں تمام اسٹیک ہولڈروں کے درمیان آگے بڑھنے كے رخ پر نیٹ ورکنگ پر متحرک بات چیت دیکھنے میں آئی۔

اس ایونٹ کا اہتمام ایسوچیم، نیسكوم، بوٹ اسٹریپانكیوبیشن اینڈ ایڈواءزری گاونڈیشن،  ٹائی اور انڈین وینچر اینڈ الٹرنیٹ کیپٹل ایسوسی ایشن (آئی وی سی اے) کی مشترکہ کوششوں سے کیا جا رہا ہے۔ اسے صنعت اور داخلی تجارت کے فروغ کے محکمے (ڈی پی آئی آئی ٹی)، برقیات و اطلاعاتی ٹیكنالوجی اسٹارٹ اپ ہب اور انویسٹ انڈیا كا  تعاون حاصل ہے۔

اسٹارٹ اپ مہاکمبھ پویلین بہار، راجستھان، میگھالیہ، کرناٹک اور کیرالہ سمیت مختلف ریاستوں کے تعاون سے زیرودھا اور نیشنل بینک فار ایگریکلچر اینڈ رورل ڈیولپمنٹ كی قیادت كرتا ہے۔ اسمال انڈسٹریز ڈیولپمنٹ بینک آف انڈیا ، زومیٹو اور ایکسپورٹ کریڈٹ گارنٹی کارپوریشن آف انڈیا کے ذریعے تقویت یافتہ اسٹارٹ اپ مہاکمبھ  کو ریاست اتر پردیش كی اس پروگرام کے لیے ریاستی شراكت حاصل ہے۔

کئی اہم اسٹیک ہولڈروں میں مسٹر سیوا سبرامنیم رامن، اسمال انڈسٹریز ڈیولپمنٹ بینک آف انڈیا؛ مسٹر پرشانت پرکاش، پارٹنر، ایکسل؛ مسٹر سنجیو بک چندانی، بانی، انفو ایج؛ مسٹر سنجے نئیر، بانی، سورین انویسٹمنٹ؛ مسٹر دیپک سود، سکریٹری جنرل، ایسوچیم؛ محترمہ ارچنا جہانگیردار، منیجنگ پارٹنر، روکم کیپیٹل، مسٹر دیپک سود، ایسوچیم؛ محترمہ دیبجانی گھوش، نیسكوم؛ جناب انیل کمار ساگر، محکمہ آئی ٹی - حکومت یوپی؛ رنجن آنندن، پیك 15 اور ركنت پیٹی،شریك بانی ایز مائی ٹرپ امل ہیں۔ قابل ذکر بات یہ ہے کہ پیوش بنسل، شریک بانی اور سی ای او، لینسکارٹ، امن گپتا، شریک بانی اور سی ایم او، بوآٹ لائف اسٹائل، اشیش ہیمراجانی، بک مائی شو سمیت معروف صنعت کاروں نے اس تقریب میں سرگرم طور سے حصہ لیا۔

جناب راجیش کمار سنگھ، سکریٹری، شعبہ برائے فروغ صنعت اور اندرونی تجارت، جناب امیتابھ کانت، جی 20 شیرپا اور سابق سی ای او، نیتی آیوگ، ڈاکٹر چنتن وشنو، مشن ڈائریکٹر، اٹل انوویشن مشن اور جناب اشوک جھنجھن والا، پروفیسر، آئی آئی ٹی مدراس اور شری پرشانت کمار سنگھ، سی ای او، جی ای ایم نے اسٹارٹ اپس کے لیے مختلف حکومتی اقدامات پر شرکاء سے بات چیت کی۔

اس تقریب کی چند جھلکیاں درج ذیل ہیں:

• کلیدی خطاب: معروف صنعتی رہنماؤں اور پالیسی سازوں نے اجتماع سے خطاب کرتے ہوئے ہندوستان کی اقتصادی ترقی اور فروغ میں اسٹارٹ اپ کے اہم کردار کے بارے میں اپنے نقطہ نظر کا اظہار کیا۔
• مستقبل کے تاجروں کا دن: طلباء میں کاروباری جذبے کو پروان چڑھانے پر توجہ مرکوز کرتے ہوئے مستقبل کے کاروباری دن کے موقع پر ملک بھر میں کالجوں اور انکیوبیٹروں کے ذریعے 3,000 کے قریب افراد کو اکٹھا کرنے کی توقع ہے جو انٹرپرینیورشپ کی طرف مائل ہیں۔
• دس  موضوعاتی پویلین: ڈیپ ٹیك، اے آئی اور ایس اے اے ایس، فِنٹیك، ایگری ٹیك، بایو ٹیك اینڈ فارما، كلایمیٹ ٹیك، گیمنگ اینڈ ای اسپورٹس، ڈی 2 سی، بی2 بی اور مینوفیکچرنگ، اور انکیوبیٹر۔ مظاہر کی قسم اور گہرائی کو ظاہر کرنے کے لیے ۔
• پینل مباحثے: متنوع شعبوں کے ماہرین نے ہندوستانی اسٹارٹ اپس کے مستقبل اور ملک کی اقتصادی ترقی میں ان کے ادا کرنے والے اہم کردار پر وسیع پیمانے پر بصیرت انگیز موضوعات پر فکر انگیز گفتگو کی۔ تخلیقی صلاحیتوں کو فروغ دینے اور اسٹارٹ اپس میں ڈیسرپشن کی حکمت عملیوں کے حوالے سے اجلاس ہوئے، ماحولیاتی نظام کے لیے اگلی دہائی کیسی ہوگی، اسٹارٹ اپس کثیر نسلی کاروبار کیسے بنا سکتے ہیں اور ایگری ٹیك، اے آءی اور ایس اے اے ایس، کلائمیٹ ٹیک جیسے اہم شعبوں کے لیے کیا مواقع ہیں۔  گیمنگ اور ڈیپ ٹیک دوسروں کے درمیان۔ مزید برآں، اس بارے میں افزودگی کے سیشن منعقد کیے گئے کہ کس طرح نئی صنعتیں اپنے کاروبار کو عالمی سطح پر بڑھا سکتی ہیں۔
• قابل عمل ورکشاپس: شرکاء نے عملی ورکشاپس، پچ مقابلوں اور ایک ملٹی ٹریک کانفرنس میں حصہ لیا۔ انہیں مسابقتی اسٹارٹ اپ دنیا میں ترقی کے لیے ضروری مہارتوں اور علم سے آراستہ کرنے کے لیے ڈیزائن کیا گیا تھا۔
• نیٹ ورکنگ کے مواقع: اس ایونٹ میں سرمایہ کاروں، صنعت كاروں اور صنعت کے پیشہ ور افراد کے درمیان روابط کو فروغ دینے کے لیے ایک منفرد پلیٹ فارم فراہم کیا گیا۔ اس طرح ممکنہ تعاون اور شراکت داری کی بنیاد رکھی گئی۔
• ڈی پی آئی آئی ٹی حکام کے ساتھ تعامل: مختلف سرکاری اقدامات کے بارے میں قیمتی بصیرت فراہم کرنے کے لیے اس كا اہتمام كیا گیا۔مقصد یہ ہے كہ اسٹارٹ اپس كے ساتھ فنڈنگ اسکیمیں، مینٹرشپ پروگرام اور ریگولیٹری اصلاحات كے رُخ پر معاونت كی جائے۔
• اسٹارٹ اپ نمائشیں: ایک مخصوص نمائش کا علاقہ ملک بھر سے امید افزا اسٹارٹ اپس کے ذریعہ تیار کردہ اختراعی مصنوعات اور خدمات کی نمائش کرتا ہے۔ اس پلیٹ فارم نے اسٹارٹ اپس اور سرمایہ کاروں کے درمیان قابل قدر بات چیت اور ممکنہ تعاون کو آسان بنایا۔
• مینٹرشپ سیشنز: تجربہ کار صنعت كاروں اور سرمایہ کاروں نے ابھرتے ہوئی صنعتوں كے بانیوں کو قیمتی رہنمائی فراہم کی۔ انہیں مینٹرشپ کلینکس میں نئی صنعتوں کے سفر کو نیویگیٹ کرنے کے لیے ضروری علم اور مہارتوں سے آراستہ کیا گیا۔

*****

U.No:6243

ش ح۔ع س۔ک ا