وزیر اعظم نے 2 مارچ کو بھارت پشودھن لائیوسٹاک ڈیٹا اسٹیک کو قوم کے نام وقف کیا۔ ہندوستان کے ڈیجیٹل پبلک انفراسٹرکچر کی متاثر کن صف میں یہ قابل ذکر اضافہ پچھلے چند مہینوں سے پورے ملک میں جانوروں کی پرورش کے شعبے میں تقریباً چار لاکھ فیلڈ ورکروں کے ذریعے پہلے ہی زیرِ استعمال ہے۔ اس سے پشو آدھار اور فراہم کردہ خدمات کے ریکارڈ ریکارڈ کی راہ ہموار ہو گی۔

ایپ کے ذریعے فیلڈ ورکر جانوروں کے لین دین سے متعلق اہم معلومات اپ لوڈ کر رہے ہیں۔ جیسے ویکسینیشن، مصنوعی حمل، تازہ جانوروں کی رجسٹریشن، ملکیت میں تبدیلی، یكساں ای نسخے، بیماری کی رپورٹیں، دودھ کی ریکارڈنگ وغیرہ۔ ہر جانور کو تفویض کردہ منفرد شناختی نمبر یا پشو آدھار کا استعمال کرتے ہوئے حقیقی وقت کی بنیاد پر ان كی  اپ لوڈنگ، ٹریکنگ اور نگرانی كی جاتی ہے۔ سرِ دست 15.5 کروڑ سے زیادہ اندراجات پہلے ہی اپ لوڈ ہو چکے ہیں اور ہر روز تقریباً 16 لاکھ اندراجات شامل کیے جا رہے ہیں۔

دیہی معیشت میں لائیو سٹاک سیکٹر کا بہت اہم کردار ہے۔ اس کا جی وی اے حصہ تقریباً 5 فیصد ہے اور مجموعی شرح نمو تقریباً 7.93 فی صد اور مارکیٹ کا سائز 15.63 لاکھ کروڑ روپے كا ہے۔ اس نئے اسٹیک کا اضافہ اس شعبے كے فروغ کو موجودہ غیر منظم اور بکھری ہوئی صورتحال سے باہر نكال كر مستحکم کرے گا۔ معلومات کے سامنے نہ آنے اور اس بابت كوئی قابل اعتماد ذریعہ نہ ہونے کی وجہ سے، بینکرز اور بیمہ کنندگان اعتماد کی کمی کی وجہ سے پیچھے ہٹ رہے ہیں۔ ایك كنارے سے دوسرے كنارے تك ای آر پی کے استعمال کے قابل لائیو ڈیٹا سیٹ کے ساتھ، تمام سرگرمیوں کو ٹریک کیا جا سکتا ہے، ان کی نگرانی کی جا سکتی ہے اور بالآخر کسانوں کے ساتھ ساتھ پروسیسنگ انڈسٹری کے فائدے کے لیے رقم کمائی جا سکتی ہے۔ موجودہ سبوینشن فراہم کرنے والی اے ایچ آئی ڈی ایف کی اس نئی اسکیم نے پہلے ہی ڈیجیٹل ٹرانزیکشن کی صلاحیت کے ساتھ ایپلی کیشنز کی پروسیسنگ کو بے رکاوٹ بنا دیا ہے۔ یہ قومی ڈیجیٹل لائیوسٹاک مشن کے ذریعے ٹریس ایبلٹی کے دیرینہ مسئلے کو بھی حل کرے گا۔

نیا اسٹیک ڈیزائن نیشنل ڈیٹا شیئرنگ اینڈ ایکسیسبیلٹی پالیسی (این ڈی ایس اے پی) کی حدود میں کسی بھی سطح پر اے پی آئی شیئرنگ کی اجازت دیتا ہے اور ریاستی حکومتیں زونوٹک بیماریوں کی صورت میں بیماریوں کی نگرانی اور ابتدائی انتباہی نظام کے لیے اسے اپنے دوسرے ڈیٹاسیٹس اور سرگرمیوں کے ساتھ جوڑنے کے لیے استعمال کر سکتی ہیں۔ بڑے فارمز اور تنظیمیں اسے اپنے داخلی کاموں کے لیے بھی اسے استعمال کریں گی۔ اس کی مدد سے اعلی پیداوار والے علاقوں میں بیماریوں سے پاک زون قائم کیے جا سکتے ہیں اور برآمدات کو فعال کیا جا سکتا ہے۔

وزیر اعظم نے اسی موقع پر پشو پالک ایپ کو بھی لانچ کیا۔ یہ کسانوں کو بااختیار بنائے گا کہ وہ تمام مفت اور معاوضہ مویشیوں سے متعلق اسکیموں / خدمات تک رسائی حاصل کرسکیں گے۔

کسان کے پاس دیگر اہم معلومات بھی ہیں جیسے کہ تمام قریبی ال ٹیکنیشنز کے رابطے کی تفصیلات، آءی وی ایف خدمات کے لیے اچھے معیار کے منی اسٹرا کی دستیابی، نسلی ویٹرنری ادویات پر تعلیمی ویڈیوز، محفوظ دودھ وغیرہ، عقلی توازن کیلکولیٹر اور سماجی برادری کی خصوصیات۔ حکومت سنٹرلائزڈ کال سنٹرز کے ساتھ  پہلے ہی ایم وی یوز  شروع كر چكی ہے۔ اب سبھی تک ویٹرنری سروسز ٹول فری کال سینٹر 1962 کے ذریعے ایک بٹن کے ذریعے رسائی حاصل کی جا سکتی ہے جو کہ پہلے سے ہی 18 ریاستوں میں دستیاب ہے اور جلد ہی اسے پورے ملک میں متعارف کرایا جائے گا۔ اس طرح 4335 موبائل ویٹرنری یونٹوں کی زیادہ سے زیادہ افادیت کو یقینی بنایا جائے گا جو پہلے ہی منظور شدہ ہیں۔ .

مویشیوں کی آئندہ مردم شماری، جو اس سال کے آخر میں شروع کی جانی ہے، بھارت پشودھن انٹرفیس پر بھی ہوگی تاكہ مستقبل کے اقدامات پر مرکوز منصوبہ بندی کے لیے درست اور تازہ ترین گنتی کو یقینی بنایا جا سكے۔

بھارت پشودھن کے ذریعے جوابدہی اور شفافیت کی دستیابی آوارہ جانوروں کے سنگین مسئلے پر بہتر خرچ کرنے کی بھی اجازت دے گی۔ جانوروں کی پناہ گاہوں اور گووشالاوں میں اب معلومات کو ٹریک کیا جا سكتا ہے جیسے كتنے جانور ہیں،  ان کی خوراک كتنی ہے، ان کی دیکھ بھال کیسے کی جاتی ہے وغیرہ۔

اس طرح جانوروں اور کسانوں کا درست ڈیٹا انجام كار بیس ڈی بی ٹی پر مبنی اسکیموں كو سامنے لانے، کسانوں کے لین دین کے لیے ای- روپی استعمال كرنے، مصنوءی ذہانت استعمال كرنے اور بہت ساری ایپلی کیشنز کو غیر معمولی ترقی کے لیے ایک پلیٹ فارم فراہم کرنے کی اجازت دے گا۔

***

ش ح۔ ع س۔ ک ا

(Release ID: 2015239) Visitor Counter : 63