ইকাই খুম্নরবা প্রধান মন্ত্রীগী ভিজন 'ভিকসিৎ ভারত-সমৃদ্ধ ভারত'কী ৱাখল্লোন্দা, মাইনোরিতি এফিয়র্স মন্ত্রালয়না ‘হোস্তেল 4 অমসুং ওদিতোরিয়ম অমা শানবগীদমক’ লুপা করোর 92.34 এল্লোকেৎ তৌদুনা নোর্থ-ইস্তর্ন হিমালয়ন য়ুনিভর্সিতী (NEHU)দা ইনফ্রাস্ত্রকচর শেমগৎনবা অচৌবা খোঙথাং অমা পাইখৎখ্রে।

ইনস্ত্রক্সনেল অমসুং রিসর্চ ফেসিলিতীশিংগী খুত্থাংদা লৌশিং শন্দোক্নবা অমসুং অৱাং-নোংপোক লমদমগী চীংগী লমশিংগী খুন্নাই অমসুং শেন্মিৎলোনগী ফীভম ফগৎহন্নবা অখন্নবা মীৎয়েং চংদুনা য়ুনিভর্সিতী অসি লিংখৎখিবনি। য়ুনিভর্সিতী অসিনা ইন্তেলেকচুএল, একাদমিক অমসুং কলচরেল এদভান্সমেন্তগী মায়কৈদা হোৎন্দুনা লাকখি। মাইনোরিতী এফিয়র্স মন্ত্রালয়না থবক অসিদা মতেং পাংনবা অমসুং য়ুনিভর্সিতী অসিগী চাউখৎপা হেনগৎহন্নবা থৌরাং লৌখৎলি। অয়াবা পীরবা ফেসিলিতীশিং অসিনা য়ুনিভর্সিতী অসিদা অৱাং-নোংপোক ভারতকী অরাপ্পা মফমশিংদগী লাকপা মহৈরোইশিংবু মখোয়গী মহৈ তম্বা লোইশিন্নবা ঙমহল্লগনি। ইনফ্রাস্ত্রকচর অসিনা য়ুনিভর্সিতী অসিগী মাইনোরিতি কম্ম্যুনিতীশিংদা চল্লিবা মহৈরোই 1200 হেনবদা হকথেংননা কান্নবা ফংহল্লগনি। মন্ত্রালয় অসিনা লৌখৎলিবা খোঙথাং অসিনা ভিকসিৎ ভারতকীদমক বিজন 2047গী মায়কৈদা থম্লিবা ফিরেপ অদু উৎলি।

****