লৌউ-শিংউদা এদাপ্তিব স্ত্রেতেজীশিং, মহৌশাগী ওইবা লৈরিবা মফম, ভেজিতেসন অমসুং মরু ওইবা বাইওরিসোর্সশিংদা অইং অশাগী খলদা অহোংবা লাকপনা পীরিবা অকাইবশিং হন্থহন্নবা ঙাকশেনবগী খোঙথাংশিংগী মথৌ তাবা অদু নোর্থ-ইস্ত কনক্লেব ওন ক্লাইমেৎ চেঞ্জ: এদাপ্তেসন এন্দ রেজিলিয়েন্স (NCCCAR-2024)তা পুথোকখ্রে, মসিনা অৱাং নোংপোক্কী রাজ্য পুম্নমক্তগী স্তেকহোল্দরশিংগী তোঙান-তোঙানবা কাংলুপ পুনশিনখি।

অইং অশাগী খল কাইথরকপগী সমস্যা থেংননবা মরু ওইনা অৱাং নোংপোক ভারতকী অখন্নবা রিজনেল ক্লাইমেৎ অসিগী ইন্নোভেতিব সোল্যুসনশিং দিবেলপ তৌনবা DSTগী তেজপুর য়ুনিভর্সিতীদা লৈবা দিপার্তমেন্ত ওফ এনভাইর্নমেন্তেল সাইন্সকী সেন্তর ওফ এক্সিলেন্সনা নুমিৎ  নিনিগী কনক্লেব অসি পাঙথোকখি।

অইং অশাগী খলদা অহোংবা লাকপা অসিগী মতাংদা মালেম্না মীৎয়েং চংবা হেনগৎলক্লিবা অসিগী মতাংদা, দিপার্তমেন্ত ওফ সাইন্স এন্দ তেক্নোলোজী (DST)গী ক্লাইমেৎ, ইনর্জী এন্দ সস্তেনেবল তেক্নোলোজী (CEST) দিবিজনগী হেদ দা. অনিতা গুপ্তানা "5 E's" – ইকোলোজী, এনভাইর্নমেন্ত, ইকোলোজী, ইকোসিস্তেম অমসুং ইনর্জী – অসিগী মরু ওইবা অমসুং মখোয়গী ইনত্রিকেৎ দাইনামিক্সকী মরু ওইবা অদু থমখি। মহাক্না হায়খি মদুদি অৱাং নোংপোক ভারতকী য়াম্না চাউবা ইকোসিস্তেমগী অইং-অশাগী খল কাইরকপগা মরী লৈনবা সমস্যা অসি কুপ্না নৈনবা মথৌ তাই।

দা. গুপ্তানা অইং অশাগী মরী লৈনবা স্তদীশিংদা কত্থোকপা অচৌবা রিসর্চ কম্ম্যুনিতী শেমবগী DSTগী পান্দম অমসুং কনফরেন্স ওফ পার্তীস (COP)দা DST য়াওবা অসিগী মতাংদসু ফোঙদোকখি।

“DSTনা সপ্পোর্ত তৌবা রিসর্চকী মতুং ইন্না অৱাং নোংপোক্কী রাজ্যশিং অসি ক্লাইমেৎ রিস্ককী খ্বাইদগী ভলনরেবল অমসুং প্রোন ওই। কোল্লাবোরেৎ তৌনবা অমসুং সরকারগী বিভাগশিং, NGOশিং অমসুং দিবেলপমেন্ত প্রেক্তিসনরশিংনা এদাপ্তেসন পোলিসীশিং অমসুং প্রোগ্রাম দিবেলপ তৌবদা মতেং পাংনবা মোদেল, দেতা অমসুং মেপশিং শিয়র তৌনবা লমদম অসিদা লৈরিবা রিসর্চ ইন্সতিত্যুসনশিংগীদমক অথুবদা মথৌ তাই। অৱাং নোংপোক্কী রাজ্যশিংদা ক্লাইমেৎ চেঞ্জ রিসর্চ অমসুং কেপাসিতী বিল্দিং তৌবদা DSTনা শরুক তম্মিবশিং অসিগী কান্নবা লৌহৌগদবনি” হায়না IISc বেঙ্গলোরগী ক্লাইমেৎ চেঞ্জ অমসুং সস্তেনেবল তেক্নোলোজীশিংগী এক্সপর্ত, প্রোফেসর এন.ঐচ. রবিন্দ্রনাথনা ফোঙদোকখি।

তেজপুর য়ুনিভর্সিতীগী ভাইস-চাঞ্চেল্লর, প্রোফেসর সমভু নাথ সিংহনা এনভাইর্নমেন্তেল সাইন্সকা মরী লৈনবা তোঙান-তোঙানবা রিসর্চ ফিল্দশিংদা তেজপুর য়ুনিভর্সিতীগী দিপার্তমেন্ত ওফ এনভাইর্নমেন্তেল সাইন্সনা শরুক তমখিবশিংগী মতাংদা খন্নখি অমরোমদা DSTগী ক্লাইমেৎ, ইনর্জী এন্দ সস্তেনেবল তেক্নোলোজী (CEST) দিবিজনগী সিনিয়র দিরেক্তর/সাইন্তিস্ত দা. সুশিলা নেগিনা মিসন NMSKCC অমসুং NMSHEগী মিসনশিংগী মখাদা দিপার্তমেন্ত ওফ সাইন্স এন্দ তেক্নোলোজীগী থৌশিলশিংগী মতাংদা ফোঙদোকখি।

মিসনশিং অসি ক্লাইমেৎ চেঞ্জ কোকহন্নবা অমসুং এদাপ্তেসন স্ত্রেতেজীশিং শেমগৎনবা কত্থোকখি। দা. নেগিনা রাজ্যশিং অসিদা এদাপ্তেসন, ইন্তরভেন্সন মরু ওইনা লৌবা অমসুং এদাপ্তিব কেপাসিতী হেনগৎহনবগী অথুবদা মথৌ তাই হায়খি।

থৌরম অসিনা লম অসিদা লৈরিবা সাইন্তিস্তশিং, একাদেমিসিয়ম, রিসর্চর, প্লান্নর, পোলিসিমেকর অমসুং এক্সপর্তশিং য়াওনা স্তেকহোল্দর পুম্নমক পুনশিনখি অমসুং অৱাং নোংপোক লমদমদা অচৌবা ক্লাইমেৎ চেঞ্জকা মরী লৈনবা সমস্যাশিং কোকহন্নবা লৌশিং অমসুং আইদিয়াশিং একচেঞ্জা তৌনবগী কম্ম প্লেৎফোর্ম অমা পীখি।

মখোয়গী খন্ন-নৈনবশিং অসিনা হেবিতেত মাংলকপা, কার্বোন স্তোরেজ হন্থরকপা, মহৈ-মরোংগী পোত্থোক হন্থরকপা, লমলক্তা হৌবা পাম্বী মখলশিংগী দিস্ত্রিব্যুসনদা অহোংবা লাকপা অসিগুম্বা অইং অশাগী খল কাইথরকপনা থোকহনবা অকাইবা অমসুং হোংলবা ৱাতর সাইকলনা করম্না মীওইবদা অকাইবা পীবগী পোতেন্সিএল লৈবগা লোয়ননা লোকেল ইকোসিস্তেম সর্ভিসশিং পীনবা ইকোসিস্তেমশিংগী তৌবা ঙম্বা হন্থহনবগে হায়বা খন্ন-নৈনবশিংদা মীৎয়েং চংখি।

হৌদোকপগী থৌরমদা ‘কম্পেদিয়ম ওন ক্লাইমেৎ চেঞ্জ: এদাপ্তেসন এন্দ রেজিলিয়েন্স ইন নোর্থইস্ত ইন্দিয়া’ লাইরিক ফোঙখি অমসুং তোঙান-তোঙানবা য়ুনিভর্সিতীশিং, ইন্সতিত্যুতশিং অমসুং ওর্গনাইজেসনদগী দেলিগেৎশিংনা তোঙান-তোঙানবা তেক্নিকেল সেসনশিংদা ভারতকী অৱাং নোংপোক লমদমদা ক্লাইমেৎ চেঞ্জকী মখোয়গী ৱাখল্লোনশিং ফোঙদোক্নখি।

থৌরম অসিদা দিপার্তমেন্ত ওফ এনভাইর্নমেন্তেল সাইন্সকী হেদ, প্রোফেসর কে. মরিমুথু; অমসুং DSTগী CoE PI অমসুং থৌরম অসিগী কনভেনর প্রোফেসর আশালতা দেবী, নেহু সিল্লোংগী দিপার্তমেন্ত ওফ এনভাইর্নমেন্তেল সাইন্সগী রিতায়র্দ প্রোফেসর, দা. বি.কে. তিৱারীনা শরুক য়াখি।

কনক্লেব অসি অৱাং থংবা হিমালয়ন রিজনগী ভলনরেবল ইকোসিস্তেমদা অইং-অশাগী খলদা অহোংবা লাকপনা পীবা খুদোংচাদবশিং থেংননবা দাইলোগ  অমসুং কোল্লাবোরেসন য়োকখৎনবা মাইকৈদা মরু ওইবা খোঙথাং অমা ওইখি।

****

(Release ID: 2015200) Visitor Counter : 63