గిరిజన వ్యవహారాల మంత్రిత్వ శాఖ యొక్క 10 సంవత్సరాల విజయాల గురించి గిరిజన వ్యవహారాలలు,  వ్యవసాయం మరియు రైతుల సంక్షేమ శాఖ కేంద్ర మంత్రి;శ్రీ అర్జున్ ముండా ఈరోజు న్యూ ఢిల్లీలో మీడియాకువివరించారు. 'పూర్తి ప్రభుత్వ విధానం'లో గిరిజన సంక్షేమానికి ప్రభుత్వం ఏవిధంగా అవిశ్రాంతంగా పనిచేస్తుందనే దానిపై  ఆయన వివరణాత్మక అవలోకనాన్ని అందించారు.

 

ప్రధాన మంత్రి శ్రీ నరేంద్ర మోదీ నేతృత్వంలోని ప్రభుత్వం దేశంలోని మారుమూల ప్రాంతాల్లో నివసిస్తున్న గిరిజన జనాభాను చేరుకోవడానికి మరియు వారి సంస్కృతి, సంప్రదాయాలు మరియు వారసత్వాన్ని పరిరక్షిస్తూ వారి బహుముఖ అభివృద్ధిని నిర్ధారించడానికి కట్టుబడి ఉందని శ్రీ ముండా ఉద్ఘాటించారు.

 

గిరిజనుల ఆత్మగౌరవానికి భంగం కలగకుండా ఆధునిక సాంకేతిక పరిజ్ఞానాన్ని ఉపయోగించడం ద్వారా వారి ఆరోగ్య భద్రత, సుస్థిర జీవనోపాధి, నైపుణ్యాభివృద్ధి మరియు సామర్థ్యాన్ని పెంపొందించాలనే లక్ష్యంతో పనిచేస్తున్న ప్రధాని మోదీకి కృతజ్ఞతలు తెలిపారు. స్వాతంత్య్రం వచ్చినప్పటి నుంచి నిర్లక్ష్యానికి గురైన గిరిజనులకు ఇప్పుడు దేశ ప్రధాన స్రవంతిలో భాగమయ్యే మంచి అవకాశం లభించిందని శ్రీ ముండా పేర్కొన్నారు. గిరిజన మహిళ దేశానికి అధ్యక్షురాలిగా ఎదిగిన అపూర్వ సందర్భాన్ని ఆయన ఉదహరిస్తూ, గిరిజనుల సంక్షేమం పట్ల ప్రభుత్వం చూపుతున్న నిబద్ధతకు ఉదాహరణగా పేర్కొన్నారు.

 

గిరిజన వ్యవహారాల మంత్రిత్వ శాఖ యొక్క 10 సంవత్సరాల విజయాలను వివరిస్తూ, శ్రీ ముండా గత దశాబ్దంలో గిరిజనుల అభివృద్ధి యొక్క తులనాత్మక సమాచారాన్ని వివరించే వాస్తవాలు మరియు గణాంకాలను దాని ముందు దశాబ్దంతో పోల్చారు. వాస్తవాలు మరియు గణాంకాలు క్రింది విధంగా ఉన్నాయి:

 

గిరిజన వ్యవహారాల మంత్రిత్వ శాఖ బడ్జెట్  గత 10 ఏళ్లలో మూడు రెట్లు పెరిగి  రూ.12,461 కోట్లు, షెడ్యూల్డ్ తెగల అభివృద్ధి కార్యాచరణ ప్రణాళిక  నిధుల కేటాయింపు 5.5 రెట్లు పెరిగి  రూ.1.17 లక్షల కోట్లు,

గత 10 ఏళ్లలో ఏకలవ్య మోడల్ రెసిడెన్షియల్ స్కూల్ పథకం బడ్జెట్ కేటాయింపు21 రెట్లతో రూ. 5,943 కోట్లకు పెరిగింది. 2013-14లో 34,365 మంది విద్యార్థులతో పోలిస్తే 2023-24 నాటికి 402 పనిచేస్తున్న పాఠశాలల్లో 1,32,275 మంది గిరిజన విద్యార్థులు చేరారు. రాబోయే 3 సంవత్సరాల్లో 40,000 మందికి పైగా ఉపాధ్యాయులను నియమించనున్నారు, అందులో 10,000 మందిని ఇప్పటికే నియమించారు.

ప్రతి సంవత్సరం 30 లక్షల మంది గిరిజన విద్యార్థులు మంత్రిత్వ శాఖ కింద వివిధ స్కాలర్‌షిప్‌లు పొందారు మరియు గత 10 సంవత్సరాలలో రూ.18,000 కోట్ల విలువైన స్కాలర్‌షిప్‌లు పంపిణీ చేయబడ్డాయి.

3958 వన్ ధన్ వికాస్ కేంద్రాలు మంజూరు చేయబడ్డాయి, ఇది 11.83 లక్షల గిరిజన పారిశ్రామికవేత్తలకు ప్రయోజనం చేకూరుస్తుంది. ఇంకా, 87 చిన్న అటవీ ఉత్పత్తులు కనీస సరసమైన ధర లో చేర్చబడ్డాయి.

 

దేశవ్యాప్తంగా వ్యవస్థాపకత  పర్యావరణ వ్యవస్థ కోసం భగవాన్ బిర్సా చైర్ ఐ ఐ టీ ఢిల్లీలో స్థాపించబడింది.

 

(పై కార్యక్రమాలపై వివరణాత్మక పత్రికా ప్రకటన కోసం దిగువ లింక్ చూడండి)

 https://pib.gov.in/PressReleasePage.aspx?PRID=2012496)

***

(Release ID: 2013381) Visitor Counter : 75