قبائلی تحقیق سے متعلق قومی ادارے (این ٹی آر آئی) نے 8 اور 9 مارچ 2024 کو نئی دہلی میں آدی ویاکھیان سیریز - 5، قبائلی خواتین کی کامیابیوں پر 2 روزہ قومی کانکلیو کا کامیابی سے انعقاد کیا، جس کا موضوع تھا – قبائلی  ایکسی لینس کو بااختیاربنایا جانا۔

خواتین کے عالمی دن کے موقع پر قبائلی خواتین کی نمایاں حصولیابیوں کا جشن منانے والے اس پروگرام میں فن، سیقی، ادب، کھیل، دستکاری، روایتی علم وغیرہ کے شعبوں سے تعلق رکھنے والی  تقریباَََ200قبائلی خواتین نے حصہ لیا۔آ سام، مہاراشٹر، راجستھان اوڈیشہ، میزورم، چھتیس گڑھ، جھارکھنڈ، گجرات، اور دہلی کےشرکاء نے بھی شرکت کی۔

قبائلی امور کی وزارت میں ایڈیشنل سیکرٹری، محترمہ۔ آر جیا نے افتتاحی خطاب کیا اور کامیابی حاصل کرنے والی قبائلی خواتین اور ان کی کوششوں کے لئے مبارکبادپیش کی۔ انہوں نے کہا کہ  کاروبار کے ذریعے قبائلی خواتین کو بااختیار بنانا پائیدار ترقی کی کلید ہے۔ انہوں نے یہ بتاتے ہوئے اس بات پر مزید روشنی ڈالی کہ سب کا ساتھ، سب کا وکاس، سب کا وشواس اور سب کا پریاس کے ذریعہ وکست بھارت کے خواب کو پورا کیا جائے گا کیونکہ قبائلی خواتین نے اس ویژن کو یقینی بنانے کی راہ دکھائی ہے۔

این ٹی آر آئی کی خصوصی ڈائریکٹر پروفیسر نوپور تیواری نے کامیاب قبائلی کام افراد کا خیر مقدم کیا  اور ان کی کوششوں کے لیے انہیں مبارکباد دی۔ انہوں نے کہا کہ قومی خواتین کنکلیو قبائلی خواتین کی شاندار کامیابیوں کے اعزاز اور گواہی کے لیے ایک ناقابل یقین آغاز ہے۔ یہ خواتین کی آوازوں اور ان کی غیر منقول داستانوں کو وسعت دے گا۔ انہوں نے مزید کہا کہ قبائلی خواتین کی طاقت، ہرماحول میں خود کو ڈھال لینے کی صلاحیت اور یکجہتی دوسروں کو متاثر کرے گی اور اس پلیٹ فارم کے ذریعے ایک دوسرے کی حمایت اور ترقی کے عمل کو جاری رکھے گی۔

تقریب کے دوران تقریر کرنے والوں میں محترمہ درگا بائی ویام (پدم شری ایوارڈ یافتہ، گوند پینٹنگ)، محترمہ۔ ریمتی گھیوریا (موٹے اناج کی ملکہ)، ڈاکٹر انجو مینا (انٹرنیشنل باڈی بلڈنگ اور پاور لفٹنگ ایتھلیٹ نیشنل- گولڈ میڈلسٹ) اور پرینکا (قومی خواتین کبڈی پلیئر) بھی شامل تھیں۔

محترمہ درگا بائی ویام نے شرکاء کے ساتھ اپنے سفر کے بارے میں بات کی۔ ان کا ہنر  اور سفر ملک کے شاندار ثقافتی ورثے کا حقیقی ثبوت ہے۔ موٹے اناج کی ملکہ محترمہ ریمتی گھیوریا نے جو اوڈیشہ کی ایک مشہور کسان ہیں، اپنی ناقابل یقین کامیابیوں کے بارے میں بتایا۔

اس اجتماع میں خواتین کے اپنی مدد آپ گروپوں ایس ایچ جیز  اور فنکاروں نیز دستکاروں کے علاوہ مختلف شعبوں میں کام کرنے والی کاروباری خواتین شخصیات   شامل تھیں۔

لداخ کے قبائلی فنکاروں کی ایک مسحور کن پرفارمنس نے اپنے منفرد رقص کا مظاہرہ کیا، جو ان کے منفرد رقص کی ثقافت اور ہنر کا حقیقی جشن کا مظاہرہ  کرنے کا ایک حصہ تھا۔ انہوں نے خواتین کی تعلیمی بیداری کے لیے ایک مخصوص پرفارمنس بھی پیش  کی۔

********

 

 

  ش ح۔ ۔رم

U-5946 

(Release ID: 2013361) Visitor Counter : 73