کوئلہ کی وزارت ایک تبدیلی کی پہل میں سب سے آگے ہے جس کا مقصد کول سی پی ایس ایز کو متنوع بنانا ہے، اس طرح ان کی پائیداری کو بڑھانا اور ہندوستان کی توانائی کی سلامتی میں اہم شراکت کرنا ہے۔ یہ اقدام مستقبل کے لیے تیار، لچکدار، اور پائیدار توانائی کے ماحولیاتی نظام کو فروغ دینے کے حکومت کے وسیع تر وژن کے ساتھ بالکل ہم آہنگ ہے۔ کوئلہ کی وزارت نے تنوع کے لیے کلیدی شعبوں کی نشاندہی کی ہے اور اپنے توانائی کے پورٹ فولیو کو متنوع بنانے اور ہندوستان کے قابل تجدید توانائی کے اہداف میں حصہ ڈالنے کے لیے قابل تجدید توانائی کے ذرائع میں قدم رکھ کر اپنے دائرہ کار کو وسیع کر رہی ہے۔

توانائی کے عالمی نمونوں کو بدلنے اور ماحولیاتی شعور کو بڑھانے کے پس منظر میں، وزارت کوئلہ سی پی ایس ایز کے اندر وسیع تنوع کو فروغ دے رہی ہے، پٹ ہیڈ ٹی پی پیز، شمسی توانائی کے پلانٹس، ونڈ ملز، کوئلہ/لگنائٹ گیسی فیکیشن پلانٹس، اور اہم معدنیات کی تلاش کو قائم کر  رہی ہے۔ وزارت کی رہنمائی کا مقصد مستقبل میں کوئلے کے سرپلس کی توقع کرتے ہوئے، سی آئی ایل اور این ایل سی آئی ایل دونوں کے لیے پائیدار کارروائیوں کو محفوظ بنانا ہے۔

قابل تجدید توانائی - شمسی اور ہوا کی طاقت: سی آئی ایل، این ایل سی آئی ایل، اور ایس سی سی ایل کے ذریعے نصب کردہ مشترکہ شمسی صلاحیت تقریباً 1700میگا واٹ ہے، جس میں ونڈ ملز سے اضافی 51 میگاواٹ حاصل  ہوتا ہے۔ کوئلے کے شعبے کا مقصد 2030 تک تقریباً 9000 میگاواٹ کی کل قابل تجدید توانائی کی صلاحیت حاصل کرنا ہے۔ کوئلہ کمپنیاں چھتوں کے اوپر، تیرنے کے ساتھ ساتھ زمین پر نصب شمسی اور ہوا کے منصوبوں پر توجہ مرکوز کر رہی ہیں، نیز دوبارہ حاصل شدہ کان کنی والے علاقوں میں سولر پارکس تیار کر رہی ہیں۔

قابل تجدید ذرائع - پمپڈ اسٹوریج پاور: کوئلہ کی وزارت توانائی کے ذرائع کو متنوع بنانے کے لیے  اخراج شدہ کوئلے کی کانوں میں پمپ اسٹوریج پروجیکٹس (پی ایس پی) شروع کر رہی ہے۔ اس کا مقصد کوئلے کے شعبے میں پائیدار ترقی کو فروغ دیتے ہوئے پن بجلی کے لیے شمسی توانائی کا استعمال کرنا ہے۔ کم ذخائر، پانی کے سرے اور زمین کی دستیابی کی وجہ سے ڈی کولڈ مائنز پی ایس پیز کے لیے قابل عمل جگہیں پیش کرتی ہیں۔ سی آئی ایل اور این ایل سی آئی ایل پمپ اسٹوریج پروجیکٹس (پی ایس پیز) پر امکانات کا مطالعہ کر رہے ہیں۔ سی آئی ایل نے 24 متروک کانوں اور دیگر مقامات کی نشاندہی کی ہے۔ ریاستی حکومتوں، نجی کھلاڑیوں اور تحقیقی اداروں کے ساتھ تعاون کے منصوبوں کے ساتھ، ای پی سی اور پی پی پی جیسے کاروباری ماڈلز کو حتمی شکل دینے کے لیے اسٹیک ہولڈرز کی مشاورت جاری ہے۔

قابل تجدید ذرائع - جیوتھرمل توانائی: کوئلہ کی وزارت نے بجلی کی پیداوار کے لیے جیوتھرمل توانائی کو استعمال کرنے کے لیے ایک اہم منصوبہ شروع کیا ہے۔ یہ پائلٹ پروجیکٹ، جو ایس سی سی ایل کمانڈ کے منوگورو علاقے میں واقع ہے، بند لوپ بائنری نامیاتی رینکین سائیکل( او آر سی) پروسیس ٹیکنالوجی پر مبنی ہے۔ اس کا مقصد جیوتھرمل سیال کو حرارت کے ذریعہ کے طور پر استعمال کرتے ہوئے ہندوستان میں پہلی مقامی 20کے ڈبلیو پائلٹ ڈیموسٹریشن یونٹ کو قائم کرنا ہے۔ اس منصوبے کا مقصد بجلی کی پیداواری لاگت کو معیاری اور بہتر بناتے ہوئے صاف، قابل بھروسہ اور موثر بجلی پیدا کرنا ہے۔اس کا  حتمی مقصد تجارتی عملداری کے لیے بلاتعطل بجلی کی فراہمی کو یقینی بنانا، عمل کو مقامی بنانا، اسکیلنگ اپ کے لیے ایک ماڈل قائم کرنا، اور نظریہ کے ثبوت کے لیے انٹلیکچوئل پراپرٹی رائٹس (آئی پی آر) کو رجسٹر کرنا ہے۔

قابل تجدید ذرائع - گرین ہائیڈروجن اور امونیا: کوئلے کی وزارت نے گرین امونیا/ہائیڈروجن پر پروجیکٹ شروع کرنے کے لیے نئی اور قابل تجدید توانائی کی وزارت کے ساتھ ہاتھ ملایا ہے۔ سی آئی ایل نے فزیبلٹی اسٹڈی کے لیے فاضل اراضی کے پارسلز کی نشاندہی کی ہے۔

کول گیسی فیکیشن: ہندوستان نے 2030 تک 100 ملین ٹن کوئلے کو گیس  میں تبدیل کرنے کا ہدف مقرر کیا ہے۔ اس ہدف کی حمایت کے لیے، سرکاری پی ایس یوز اور نجی شعبے کے ذریعہ کول/لگنائٹ گیسی فیکیشن پروجیکٹس کو فروغ دینے کے لیے ایک مالی امداد کی اسکیم کو منظوری دی گئی ہے، جس کے لیے کوئلہ کو  گیس میں تبدیل کرنے والے پروجیکٹس کے لیے مراعات کے طور پر 8500 کروڑ روپے مختص کیے گئے ہیں۔  اس کا مقصد گیسی فیکیشن منصوبوں کی مالی اور تکنیکی قابل عملیت کو زیادہ وسیع پیمانے پر ظاہر کرنا، ڈاون اسٹریم  مصنوعات کے لیے مارکیٹوں کو تیز کرنا، اور کوئلے کے لیے معیشت میں ایک اضافی ویلیو چین بنانا ہے۔ اس کا مقصد کوئلے کے متنوع اور صاف ستھرے استعمال کو فروغ دینا ہے، اس طرح 'آتم نر بھر بھارت' کی طرف بڑھنا اور کوئلے کے شعبے میں پائیداری کو یقینی بنانا ہے۔

سی آئی ایل اور بی ایچ ای ایل نے سطحی کول گیسی فیکیشن (ایس سی جی) ٹیکنالوجی روٹ کے ذریعے امونیم نائٹریٹ پلانٹ کے قیام کے لیے باضابطہ طور پر مشترکہ منصوبے کے معاہدے (جے وی اے) پر دستخط کیے ہیں۔ یہ پلانٹ اوڈیشہ کے مہاندی کول فیلڈز لمیٹڈ کے لکھن پور علاقے میں لگایا جائے گا۔ مزید برآں، کول انڈیا لمیٹڈ (سی آئی ایل) اور گیس اتھارٹی آف انڈیا لمیٹڈ (جی اے آئی ایل) کے درمیان جاری جوائنٹ وینچر معاہدہ ہے، جو ہندوستان کے توانائی کے منظر نامے کو نئی شکل دینے کا وعدہ کرتا ہے۔ کارپوریٹ کمپنیوں کے درمیان ہم آہنگی اور شراکت داری نیشنل کول گیسی فیکیشن مشن کی جانب ایک بڑا قدم ہے جو کوئلے کی کیمیائی خصوصیات کے استعمال میں سہولت فراہم کرتا ہے۔ آنے والے پلانٹس خام مال کو محفوظ بنانے میں مدد کریں گے اور حتمی مصنوعات کی درآمد پر انحصار کم کریں گے۔

پٹ ہیڈ ٹی پی پیز: توانائی کی سلامتی کو بڑھانے کے لیے اعلیٰ اور موثر سپر کریٹیکل ٹی پی پیز کے مجموعی فوائد کو بروئے کار لانے کے لیے آگے کے انضمام کی طرف ایک اہم قدم کے طور پر  پٹ ہیڈ پر پاور پلانٹس کا قیام موثر سپر کریٹیکل ٹیکنالوجی اور کوئلے کی رسد کے لیے کم بوجھ کے ساتھ زیادہ سستی ہے۔ یہ فیصلہ ایسے وقت میں آیا ہے جب مستقبل میں کوئلے کے فاضل ہونے کا امکان ہے، اور وزارت کا مقصد نئے ٹی پی پیز کے قیام کے ساتھ سی آئی ایل اور این ایل سی آئی ایل کے کاموں میں پائیداری کو یقینی بنانا ہے۔

این ایل سی آئی ایل نے تمل ناڈو کو 1450ایم ڈبلیو، پڈوچیری کو 100 ایم ڈبلیو اور کیرالہ کو 400 ایم ڈبلیو بجلی فراہم کرنے کے لیے اوڈیشہ کے تلابیرا میں 3x800 میگاواٹ پٹ ہیڈ تھرمل پاور پلانٹ تعمیر کرنے کا منصوبہ بنایا ہے۔ اس  منصوبہ کے اس سال کے آخر تک شروع ہونے کی امید ہے اور 29-2028 تک مکمل ہونے کا امکان ہے۔

کول انڈیا لمیٹڈ (سی آئی ایل) بھی دو پٹ ہیڈ تھرمل پاور پلانٹس قائم کرنے کے عمل میں ہے۔ ایک، امر کانٹک کے قریب مدھیہ پردیش حکومت کے ساتھ مشترکہ منصوبے کے طور پر واقع ہے۔ اس پلانٹ کی منصوبہ بند صلاحیت 1660 X میگاواٹ ہوگی۔ اس پروجیکٹ کو ایس ای سی ایل اور مدھیہ پردیش پاور جنریٹنگ کمپنی لمیٹڈ کے درمیان مشترکہ منصوبے کے ذریعے عمل میں لایا جائے گا۔ مہانادی کول فیلڈز لمیٹڈ (ایم سی ایل)، جو سی آئی ایل کی ایک اور ذیلی کمپنی ہے، نے مہانادی بیسن پاور لمیٹڈ کو ایک مکمل ملکیتی ماتحت ادارے کے طور پر قائم کیا ہے۔ ایم سی ایل اپنی بسندھرا مائنز کے قریب 2800 X میگاواٹ کا تھرمل پاور پلانٹ قائم کرنے کا ارادہ رکھتی ہے۔ اس پٹ ہیڈ پلانٹ کو مختلف ریاستوں سے 4000 میگاواٹ کے پاور پرچیز ایگریمنٹس (پی پی ایز) کے لیے دلچسپی ملی ہے۔ اس  منصوبہ کے مالی سال 30 تک مکمل ہونے کا امکان ہے۔

مزید برآں، این ایل سی آئی ایل 3X660 میگاواٹ بجلی پیدا کرنے کے لیے کانپور کے قریب گھاٹم پور میں ٹی پی پی کو چلانے کے لیے پوری طرح تیار ہے۔ این ایل سی آئی ایل اور حکومت اتر پردیش کے درمیان ایک مشترکہ منصوبہ ہے، یہ اتر پردیش کو 1478.28 میگاواٹ اور ریاست آسام کو 492.72 میگاواٹ بجلی فراہم کرے گا۔ اس منصوبے پر عمل درآمد جاری ہے اور اس پلانٹ کے پہلے مرحلے سے اس سال کے آخر تک بجلی کی پیداوار شروع ہونے کی امید ہے۔

کوئلہ کی وزارت نے سی آئی ایل کے تمام ذیلی اداروں کو مشورہ دیا ہے کہ وہ قابل تجدید ذرائع (سولر اور پی ایس پی)، نئے پٹ ہیڈ ٹی پی پیز، گرین امونیا/ہائیڈروجن یا کوئلہ گیسی فیکیشن پلانٹس کے قیام کے لیے مناسب ڈی کولڈ زمین تلاش کریں۔

اہم معدنیات: صاف توانائی کے وسائل میں اضافے کے لیے اہم معدنیات کی پیداوار کو بڑھانے کی ضرورت ہوتی ہے، خاص طور پر لیتھیم، کوبالٹ، کاپر، اور نادر زمینی عناصر۔ کوئلہ کی وزارت گھریلو اہم معدنیات کے بلاک کی تلاش اور ترقی کے ساتھ ساتھ اسے بیرون ملک سے حاصل کرنے کا ارادہ رکھتی ہے۔ سی آئی ایل نے نیو ساؤتھ ویلز (این ایس ڈبلیو) کمپنیوں کے ساتھ دو نان ڈسکلوزر ایگریمنٹس (این ڈی ایز) پر دستخط کیے ہیں اور وہ ایڈوانس مرحلے میں ہیں۔ سی آئی ایل ارجنٹائن وغیرہ جیسے ممالک پر توجہ مرکوز کرتے ہوئے عالمی سطح پر اہم معدنیات کی کان کنی کے لیے بھی سرگرم عمل ہے۔ کوئلہ کی وزارت سی او پی 28 میں طے شدہ عالمی فوصل ایندھن کی منتقلی کے اہداف کے مطابق ہندوستان کی اہم اور اسٹریٹجک معدنیات کی فراہمی کو بڑھانے کے لیے اہم معدنیات کی تلاش کر رہی ہے۔

کوئلہ کی وزارت پائیدار ترقی کو فروغ دینے اور وسائل کی کارکردگی کو زیادہ سے زیادہ کرنے کے لیے پرعزم ہے، جو کوئلے کے شعبے کے کاربن اثرات کو کم کرنے میں معاون ثابت ہوگا۔ وزارت وسائل کے موثر استعمال اور عوام کو قابل اعتماد بجلی کی فراہمی کو یقینی بنانے کے لیے پرعزم ہے۔ ہندوستان کے لیے ایک  پائیدار اور مضبوط توانائی کے مستقبل کو یقینی بناتے ہوئے یہ کوئلے کے شعبے میں اختراع  اور عمدگی کو فروغ دینے کے لیے پرعزم ہے۔

*************

 ( ش ح ۔ ا ک۔ رب (

U. No.5859

 

(Release ID: 2012744) Visitor Counter : 31