अर्थ मंत्रालय
केंद्र सरकारचे कर्मचारी आणि निवृत्तीवेतन धारकांना महागाई भत्ता तसेच महागाई सवलतीच्या अतिरिक्त हप्त्याला मंत्रिमंडळाची मंजुरी
49.18 लाख कर्मचारी आणि 67.95 लाख निवृत्तीवेतन धारकांना होणार लाभ
4% लाभ देण्यासाठी सरकारी तिजोरीवर वार्षिक 12,868.72 कोटी रुपयांचा पडणार अतिरिक्त बोजा
प्रविष्टि तिथि:
07 MAR 2024 8:57PM by PIB Mumbai
नवी दिल्ली, 7 मार्च 2024
पंतप्रधान नरेंद्र मोदी यांच्या अध्यक्षतेखाली केंद्रीय मंत्रिमंडळाने केंद्र सरकारच्या कर्मचाऱ्यांना महागाई भत्त्याचा (DA) अतिरिक्त हप्ता आणि निवृत्ती वेतनधारकांना महागाई सवलत (DR) जारी करण्यास मंजुरी दिली आहे. ही सवलत 1.1.2024 पासून लागू करण्यात आली आहे. भाव वाढीची भरपाई करण्यासाठी जाहीर करण्यात आलेली ही सवलत मूळ वेतन किंवा निवृत्तीवेतनाच्या 46% म्हणजे विद्यमान दरापेक्षा 4% ची वाढ दर्शविते.
महागाई भत्ता आणि महागाई सवलत या दोन्हींमुळे एकत्रित परिणाम म्हणून प्रतिवर्ष 12,868.72 कोटी रुपये सरकारी तिजोरीतून अतिरिक्त खर्च होणार आहेत. याचा फायदा सुमारे 49.18 लाख केंद्र सरकारी कर्मचारी आणि 67.95 लाख निवृत्तीवेतन धारकांना होणार आहे.
ही वाढ 7 व्या केंद्रीय वेतन आयोगाच्या शिफारशींवर आधारित स्वीकृत सूत्रानुसार आहे.
* * *
JPS/S.Mukhedkar/D.Rane
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(रिलीज़ आईडी: 2012441)
आगंतुक पटल : 377