سی-ڈی او ٹی اور پی آر ایل نے اہم سنگ میل حاصل کیا: ملک میں پہلی بار، دونوں اداروں نے سی ڈاٹ کے مقامی فائبر پر مبنی کوانٹم کلید ڈسٹری بیوشن (کیو کے ڈی) سسٹم کو فزیکل ریسرچ لیبارٹری (پی آر ایل) سے فری اسپیس کیو کے ڈی سسٹم کے ساتھ انضمام کا مظاہرہ کیا جس کے نتیجے میں ایک اینڈ ٹو اینڈ کوانٹم کمیونیکیشن لنک کا قیام عمل میں آیا جو ٹرانسپورٹ میڈیم کے طور پر فائبر اور فری اسپیس دونوں پر مشتمل ہے۔

سی-ڈاٹ کے فائبر پر مبنی کیو کے ڈی کے ساتھ اینڈ ٹو اینڈ کوانٹم کمیونیکیشن لنک کے پی آر ایل کے فری اسپیس کیو کے ڈی کے ساتھ مربوط ہونے کا مظاہرہ حکومت ہند کے پرنسپل سائنسی مشیر پروفیسر اجے سود اور ڈاکٹر نیرج متل، سکریٹری محکمہ ٹیلی کمیونیکیشن، حکومت ہند کو وگیان بھون، نئی دہلی میں دوسرے بین الاقوامی کوانٹم کمیونیکیشن کانکلیو کے دوران کیا گیا۔

کوانٹم کمپیوٹر اور کوانٹم الگورتھم میں تیزی سے پیش رفت نے ڈیٹا سیکیورٹی کی موجودہ کلاسیکی تکنیکوں کی حفاظت کو خطرے میں ڈال دیا ہے کیونکہ کوانٹم کمپیوٹروں کی بہت بڑی کمپیوٹیشنل طاقت آسانی سے انکرپشن/ڈیکرپشن کے لیے استعمال ہونے والی کلید کی رازداری کو توڑ سکتی ہے۔ ایک کوانٹم کمپیوٹر کی کمپیوٹیشنل صلاحیت آج دستیاب جدید ترین کلاسیکی کمپیوٹر کے مقابلے میں ملین گنا تیز ہونے کی توقع ہے۔ اگرچہ بہت سے روزمرہ کے مسائل اور مختلف شعبوں جیسے مالیات، کیمیکل، فارماسیوٹیکل، اور آٹو موٹیو کے شعبوں میں پیچیدہ مسائل کو حل کرنے کے لیے بہت بڑی کمپیوٹنگ طاقت کارآمد ہے، لیکن یہ موجودہ کمیونیکیشن اور ڈیٹا سیکیورٹی کے بنیادی ڈھانچے کی سلامتی کے لیے خطرہ پیدا کرے گی اگر کوئی مخالف کوانٹم کمپیوٹروں تک رسائی حاصل کرتا ہے۔

کوانٹم ٹیکنالوجیز یعنی کوانٹم کمیونیکیشنز کی ایک اور نئی ابھرتی ہوئی شاخ سے اس فوری خطرے سے نمٹا جا سکتا ہے۔ کوانٹم کمیونیکیشنز کی تکنیکوں میں سے ایک یعنی کوانٹم کلید ڈسٹری بیوشن (کیو کے ڈی) اس مسئلے کو حل کرتی ہے اور کوانٹم کمپیوٹروں کی موجودگی میں بھی کمیونیکیشن نیٹ ورکس کو مکمل سیکیورٹی کو یقینی بنانے کے قابل بناتی ہے۔ اس طرح، کیو کے ڈی ملک کی اقتصادی ترقی میں ایک اہم کردار ادا کرے گا اور دفاع، سرکاری مواصلات، فارماسیوٹیکل اور صحت کی دیکھ بھال کی صنعتوں، مالیاتی خدمات، ڈیٹا سینٹر اور ٹیلی مواصلات نیٹ ورکس جیسے اسٹریٹجک شعبوں میں وسیع پیمانے پر استعمال ہوگا۔

سنٹر فار ڈیولپمنٹ آف ٹیلی میٹکس (سی-ڈی او ٹی)، ٹیلی کمیونیکیشن محکمہ کے ٹیلی کام ریسرچ اینڈ ڈیولپمنٹ (آر اینڈ ڈی) شعبے نے مقامی طور پر مضبوط اور فیلڈ میں تعیناتی کے قابل کیو کے ڈی حل تیار کیے ہیں۔ سی ڈاٹ ملک کا پہلا ادارہ ہے جس نے ٹیلی کام انجینئرنگ سینٹر (ٹی ای سی) سے ٹیکنالوجی کی منظوری حاصل کی ہے، جو کہ ٹیلی کمیونیکیشنز، حکومت ہند کے محکمے کے تحت ایک ادارہ ہے۔ قابل ذکر بات یہ ہے کہ سی ڈاٹ کا کیو کے ڈی لنک سنچار بھون اور این آئی سی ہیڈکوارٹر (سی جی او کامپلیکس) کے درمیان گزشتہ سال فروری سے لائیو ہے۔

فزیکل ریسرچ لیبارٹری (پی آر ایل) خلا کے محکمہ (ڈی او ایس) کے تحت ایک 75 سال پرانا اہم تحقیقی ادارہ ہے اور اسے ہندوستان میں خلائی علوم کا گہوارہ سمجھا جاتا ہے۔ یہ ڈی او ایس اور ڈپارٹمنٹ آف سائنس اینڈ ٹیکنالوجی (ڈی ایس ٹی) کے تعاون سے کوانٹم محفوظ مواصلات کے لیے خلا کو استعمال کرنے کی سمت میں کام کر رہا ہے۔

مظاہرے کے دوران، ڈاکٹر راج کمار اپادھیائے، سی ای او، سی-ڈی او ٹی نے کہا کہ یہ سی ڈاٹ اور پی آر ایل دونوں کے لیے ایک اہم کامیابی ہے اور دونوں ادارے مربوط کیو کے ڈی نظام کو مزید آگے بڑھانے کے لیے کام جاری رکھیں گے۔

 

 

سی-ڈاٹ نے حکومت ہند کے پرنسپل سائنسی مشیر پروفیسر اجے سود اور ڈاکٹر نیرج متل، سکریٹری محکمہ ٹیلی کمیونیکیشن کے ساتھ سی ڈاٹ کے فائبر پر مبنی کیو کے ڈی کے ساتھ کوانٹم کمیونیکیشن لنک کے پی آر ایل کے فری اسپیس کیو کے ڈی کے ساتھ مربوط ہونے کا مظاہرہ کیا

*************

 

ش ح۔ ف ش ع- م ف

U: 5710

(Release ID: 2011732) Visitor Counter : 51