ڈاک کرم یوگی پروجیکٹ کے کامیاب سفر کی یاد میں خصوصی کور کے اجراء کے ساتھ محکمہ ڈاک ،  حکومت ہند نے آج ایک اہم سنگ میل عبور کیا ۔   تقریب میں ، جس میں وزیر مملکت برائے مواصلات جناب دیوو سنگھ چوہان  نے بھی شرکت کی ،  25 نئے کورسز کا آغاز  اور ڈاک کرم یوگی پروجیکٹ کے دوسرے مرحلے کی تکمیل کا مشاہدہ کیا گیا ۔

 

 

تقریب کا آغاز چراغ روشن کرنے سے ہوا  ،  جو ڈاک کرم یوگی پروجیکٹ کے روشن سفر کی علامت ہے ۔  سکریٹری (پوسٹ) جناب  ونیت پانڈے نے تمام معززین اور شرکاء کا پرتپاک خیرمقدم کرتے ہوئے محکمہ ڈاک پر ای لرننگ پورٹل کے تبدیلی کے اثرات کو اجاگر کیا ۔

 

ایک دلکش مختصر فلم  میں ڈاک کرم یوگی پروجیکٹ کے ارتقاء اور کامیابی کو  پیش کیا گیا ،  جس میں ڈیجیٹل لرننگ کے ذریعے ڈاک ملازمین کو بااختیار بنانے میں اس کے کردار پر زور دیا گیا ہے  ۔  وزیر  مملکت جناب دیووسنگھ چوہان کے ذریعہ خصوصی کور کی نقاب کشائی ،  ایک اہم موقع تھا ،  جس میں  ڈاک کے شعبے کو آگے بڑھانے کی لگن اور اختراع کا جشن منایا  گیا۔

 

 

سوال جواب کے اجلاس نے تربیت حاصل کرنے والوں اور تربیت فراہم کرنے والوں کو  صلاحیت سازی کے پروگراموں کے عملی فوائد پر زور دیتے ہوئے اپنے تجربات اور بصیرت کا اشتراک کرنے کا موقع فراہم کیا ۔  تہنیتی تقریب میں مشن کرم یوگی کو نافذ کرنے میں مثالی شراکت کے لیے اعلیٰ ترین  تین پوسٹل سرکلز اور غیر معمولی ٹیموں کو اعزاز سے نوازا گیا ۔  اس تقریب میں  ہر سطح پر کامیابی کے لیے مشترکہ کوششوں کو اجاگر کیا گیا ۔  تقریب کے دوران نئی دہلی میں  ڈاک کے محکمے کے ڈائریکٹوریٹ اور پی ٹی سی ودودرا میں مشن کرم یوگی ڈویژن کی اہم ٹیموں کو بھی پراجیکٹ میں ان کے شاندار تعاون کے لیے اعزاز سے نوازا گیا ۔  ان کی لگن اور ملک بھر میں اس منصوبے کے کامیاب نفاذ کو اس کی مجموعی کامیابی کے اہم عوامل کے طور پر تسلیم کیا گیا ۔

 

اپنی بصیرت انگیز تقریر میں ،  جناب  دیوو  سنگھ چوہان نے ڈاک کے شعبے کو ڈیجیٹل دور کے ساتھ ہم آہنگ کرنے میں پروجیکٹ کے ذریعے ادا کیے گئے اہم کردار پر روشنی ڈالی ۔  انہوں نے جدید دنیا کے متحرک تقاضوں سے ہم آہنگ رہنے کے لیے تکنیکی ترقی کو اپنانے اور مسلسل سیکھنے کی اہمیت پر زور دیا ۔  وزیر موصوف  نے ملک بھر میں ڈاک ملازمین کی لگن اور محنت کا اعتراف کرتے ہوئے اس منصوبے کو پایہ تکمیل تک پہنچانے والی مشترکہ کوششوں کی تعریف کی ۔  انہوں نے نوٹ کیا کہ 25 نئے کورسز کا آغاز کیا گیا ہے  اور ڈاک کرم یوگی پروجیکٹ کے دوسرے مرحلے کی کامیابی سے تکمیل ، محکمہ ڈاک  کی افرادی قوت کو مواصلات کے بدلتے ہوئے منظرنامے میں مہارت حاصل کرنے کے لیے ضروری مہارتوں سے آراستہ کرنے کے عزم کی نشاندہی کرتی ہے ۔

جناب  شیاما پرساد رائے ،  سکریٹری ،  صلاحیت سازی کمیشن (سی بی سی) نے بصیرت انگیز خطابات پیش کیے ،  جس میں محکمہ ڈاک کے اندر جامع ترقی اور مسلسل سیکھنے کے عزم کا اعادہ کیا ۔

ڈاک خدمات کی ڈائرکٹر جنرل ،  محترمہ سمیتا کمار نے تمام شرکاء اور متعلقہ فریقوں کا ان کی غیر متزلزل حمایت اور لگن کے لیے شکریہ ادا کیا ۔

تقریب کا اختتام شکریہ کے ووٹ کے ساتھ ہوا ،  جس میں محکمہ ڈاک کے ملک کی خدمت میں بہترین کارکردگی اور جدت طرازی کے عزم پر زور دیا گیا ۔

 

************

(ش ح     ۔     و ا   ۔     ت ح )

U No. 5701

(Release ID: 2011688) Visitor Counter : 36