دنیا سماعت کی کمزوری کے بارے میں بیداری پیدا کرنے کے لیے3 مارچ کو سماعت کے نقصان کو روکنے اور سماعت کی مجموعی دیکھ بھال کو فروغ دینے کے لیے عالمی یوم سماعت منانے کے لیے متحدہوتی ہے۔

معذور افراد کو بااختیار بنانے کے محکمے کے زیراہتمام، قومی اداروں اور علاقائی مراکز نے بیداری کے پروگراموں کا ایک سلسلہ منعقد کیا۔ علی یاور جنگ نیشنل انسٹی ٹیوٹ آف اسپیچ اینڈ ہیئرنگ ڈس ایبلٹیز(دویانگ جن)، ممبئی نے سماعت کی مفت اسکریننگ کا اہتمام کرنے کی پہل کی، جس سے ہر عمر کے افراد کو سماعت کے اہم جائزوں سے گزرنے کا موقع فراہم کیا گیا۔

 

 

اس کے علاوہ این آئی،  این آئی ای پی ایم ڈی چنئی نے چنئی ہوائی اڈے پر ہوائی اڈے کے حکام کو تربیت دے کر آگاہی پروگرام کا اہتمام کیا۔

چھترپور سمیت مجموعی علاقائی مراکز نے مختلف آن لائن سیمینارز، بیداری ریلیاں،مختلف مقابلے وغیرہ کا انعقاد کیا۔سی آر سی چھترپور نے سماعت کی صحت میں آڈیولوجسٹ کے ناگزیر کردار پر توجہ مرکوز کرتے ہوئے سماعت کی خرابی پر ایک روشن آن لائن ویبنار کا انعقاد کیا۔ دریں اثنا، سی آر سی ناگپور نے سماعت کی دیکھ بھال کی اہمیت پر زور دینے، کان سے متعلق غلط فہمیوں کو دور کرنے اور سماعت کی صفائی کی وکالت کرنے والے ایک پروگرام کا انعقاد کیا۔

 

 

متنوع سامعین تک پہنچنے کی کوشش کے تحت، سی آر سی راج ناندگاؤں نے ایک بیداری ریلی کی میزبانی کی، جس کے ساتھ ڈرائنگ مقابلہ اور سماعتی امداد کی تقسیم کا پروگرام بھی منعقد ہوا۔ اسی طرح شانتی نکیتن رتن پلی، وویکانند آدیواسی کلیان سمیتی، بیر بھوم نے کئی سرگرمیوں کی نمائش کی، جس میں بینر ڈسپلے، ڈانس پرفارمنس اور طالبات کے ذریعے شعرو شاعری کا پراگرام شامل ہے۔

  سی آر سی داونگیرے، سی آر سی لکھنؤ اور سی آر سی بھوپال نے عالمی یوم سماعت پر بیداری سے متعلق مختلف پروگراموں کے انعقاد میں سرگرمی سے حصہ لیا۔ ان کوششوں میں  اس بات  پراتفاق کیا گیا کہ سماعت کی خرابی کوئی لعنت نہیں ہے، بلکہ ایک کمی ہے، جسے بیداری پیدا کرکے اور سماعت کے آلات کے استعمال سے دور کیا جا سکتا ہے۔

 

 

ایک جامع معاشرے کی تعمیر کے خیال کو فروغ دیتے ہوئے، رکاوٹوں کو عبور کرتے ہوئے صلاحیتوں کی مکمل نشوونما پر توجہ مرکوز رکھی گئی ہے۔ اس نقطہ نظر کا مقصد نہ صرف ہمارے معاشرے کو مضبوط کرنا ہے، بلکہ افراد کو سماعت کے چیلنجوں پر قابو پانے کے لیے بااختیار بنانا بھی ہے۔ سماعت کے عالمی دن کو تسلیم کرتے ہوئے، عالمی برادری ایک ایسی دنیا بنانے کی جانب ایک متحدہ قدم اٹھاتی ہے ،جہاں ہر ایک کو سماعت کی دیکھ بھال اور آگاہی تک رسائی حاصل ہو۔

 

************

ش ح۔ج ق۔ن ع

U. No.5649

(Release ID: 2011293) Visitor Counter : 80