اقلیتی امور اور خواتین   و اطفال  کی ترقی  کی مرکزی وزیر محترمہ اسمرتی زوبن ایرانی نے آج وگیان بھون میں حج 2024 کی تیاریوں کے حصے کے طور پر دو روزہ  تربیت کاروں کی تربیت پروگرام کا افتتاح   کیا ۔ اس موقع پر اقلیتی امور کے وزیر مملکت جناب جان برلا  بھی موجود تھے ۔ مختلف ریاستوں/ مرکز کے زیر انتظام علاقوں سے 550 سے زیادہ  تربیت کاروں نے پروگرام میں شرکت کی۔  تربیت کاروں کی تربیت  کے پروگرام کا مقصد  ، ان تربیت کاروں  کو حساس اور  تربیت فراہم کرنا ہے  ، جو عازمین حج کو مزید تربیت فراہم کرتے ہیں تاکہ اس بات کو یقینی بنایا جا سکے کہ عازمین حج کو ایک مکمل تجربہ حاصل ہو اور وہ حج کے مختلف پہلوؤں سے واقف ہوں۔

حج کے تجربے کو خوشگوار  اور آرام دہ بنانے کی حکومت کی کوششوں کے ایک حصے کے طور پر، اقلیتی امور کی مرکزی وزیر محترمہ اسمرتی زوبن ایرانی نے  کہا کہ تمام عازمین حج کے فائدے کے لیے حج سویدھا  ایپ لانچ کی گئی ہے ۔

 

حج سویدھا ایپ کو  بی آئی ایس اے جی – این  نے اقلیتی امور کی مرکزی وزیر  کی قابل قدر رہنمائی میں تیار کیا ہے اور یہ حج کے تجربے میں ایک گیم چینجر ثابت ہوگی ۔ ڈیجیٹل اور موبائل ٹکنالوجی کا فائدہ اٹھاتے ہوئے، حج  سویدھا ایپ ضروری معلومات فراہم کرے گی اور اہم خدمات جیسے ٹریننگ ماڈیولز، پرواز کی تفصیلات، رہائش، ایمرجنسی ہیلپ لائن، صحت وغیرہ تک حجاج   کرام کو براہ راست رسائی  حاصل ہو سکے گی ۔ عازمین اپنے  مقدس  سفر  پر بہتر طریقےسے توجہ دے سکیں گے اور سفر، سامان، دستاویزات وغیرہ جیسے دنیاوی کاموں   کی فکر سے آزاد ہو  جائیں گے ۔ یہ ایپ حاجیوں کو  ، ان کے سفر کے دوران درپیش عام مسائل کا حل پیش کرتی ہے اور خاص طور پر   ، ان لوگوں کے لیے  ، جو  اپنی  زندگی میں پہلی بار حج کر رہے ہیں۔

 

 

 

مرکزی وزیر محترمہ اسمرتی زوبن ایرانی نے حج گائیڈ -2024 بھی جاری کیا  ، جو عازمین کو حج کے مختلف پہلوؤں سے واقف کرانے کے لیے تیار کی گئی  ہے، جس میں عازمین کے لیے حج سویدھا ایپ کے استعمال پر خصوصی زور دیا گیا ہے۔ گائیڈ کو 10 زبانوں میں شائع کیا گیا ہے  اور تمام عازمین حج کو جاری کیا جائے گا۔

 

 

مرکزی وزیر نے اپنے خطاب میں حکومت ہند کی طرف سے کی جانے والی وسیع پیمانے پر کوششوں  کے بارے میں بتایا  ، جس میں عازمین حج سے براہ راست رائے لینا بھی شامل ہے تاکہ  سفر حج کو   ، عازمین کے لیے شفاف، یکساں،  کفایتی ، محفوظ اور روحانی طور پر  بہتر طریقے سے پورا کرنے والا تجربہ بنایا جا سکے۔ خواتین کے بغیر محرم   ( ایل ڈبلیو ایم )  زمرے کے تحت عازمین کا بڑھتا ہوا جوش و خروش اور شرکت   ، حج کو  شمولیت پر مبنی اور قابل رسائی بنانے کے لیے حکومت کے عزم کا ثبوت ہے۔ حج سویدھا ایپ عازمین کی سہولیات تک بہتر رسائی کو مزید یقینی بنائے گی اور  ساتھ ہی شکایات کے فوری ازالے اور فوری کارروائی کے ساتھ بہتر انتظامی تال میل اور کنٹرول کو  بھی یقینی بنائے گی۔ انہوں نے تربیت کی اہمیت پر مزید زور دیا اور  تربیت کاروں کو تاکید کی کہ وہ ہر ایک عازم حج کو محفوظ، پرامن اور آرام دہ طریقے سے فریضۂ حج  کی ادائیگی کے لیے اپنی پوری کوشش کریں۔

تربیت کو بہتر بنانے کے مقصد سے، فی حاجی  تربیت کاروں کی تعداد کو پہلے کے 1:300 کے تناسب  کے مقابلے بڑھا کر 1:150 کر دیا گیا ہے۔ اس سے بھارتی عازمین حج کو حج کا  مکمل تجربہ فراہم کرنے میں بہت مدد ملے گی۔

 

 

******************************

(ش ح –ف ا   - ع ا )

U. No. 5629

(Release ID: 2011157) Visitor Counter : 69