ڈبل انجن والی حکومت کے ساتھ اترپردیش کو ترقی کی راہ پر گامزن کرتے ہوئے، مرکزی وزیر برائے سڑک نقل و حمل اور شاہراہوں کے وزیر جناب نتن گڈکری نے آج جون پور ا،تر پردیش میں 10،000 کروڑ روپے کی لاگت سے 10 قومی شاہراہ  پروجیکٹوں کا سنگ بنیاد رکھا۔ ریاستی وزیر جناب  گریش چندر یادو، وزیر جناب دیا شنکر سنگھ، رکن اسمبلی محترمہ  سیما دویدی، جناب  پشپراج سنگھ اور ایم ایل اے اور عہدیدار بھی  اس موقع پر موجود تھے۔

جناب نتن گڈکری نے کہا کہ جونپور شہر میں 2 بائی پاسوں کی تعمیر، رنگ روڈ کو مکمل کیا جائے گا، جس سے جونپور کو ٹریفک جام سے راحت ملے گی اور صنعتی ترقی کی حوصلہ افزائی ہوگی۔

📍 𝓙𝓪𝓾𝓷𝓹𝓾𝓻, 𝓤𝓟

डबल इंजन सरकार से उत्तर प्रदेश को विकास की राह पर अग्रसर करते हुए आज जौनपुर में 10,000 करोड़ रुपए की लागत से 10 राष्ट्रीय राजमार्ग🛣 परियोजनाओं का राज्य के मंत्री श्री @girishyadavbjp जी, मंत्री श्री @dayashankar4bjp जी, सांसद श्रीमती @SeemaDwivediMP जी,… pic.twitter.com/m1pJ3wngzX

— Nitin Gadkari (@nitin_gadkari) March 1, 2024

انہوں نے کہا، سڑک ٹرانسپورٹ اور شاہراہوں کی وزارت نے پی ایم گتی شکتی نیشنل ماسٹر پلان کے تحت اہم پیش رفت کی ہے جس کا مقصد ملک بھر میں ملٹی ماڈل کنیکٹیویٹی اور آخری میل کنیکٹوٹی کو بہتر بنانا ہے۔ ایسا ہی ایک پروجیکٹ پریاگ راج-دوہری گھاٹ کوریڈور پروجیکٹ ہے، جو اتر پردیش کے پریاگ راج، جونپور اور اعظم گڑھ اضلاع میں ہے۔ یہ پورا کوریڈور 4 لین کے ساتھ تعمیر کیا جا رہا ہے۔

یہ پروجیکٹ، کل 4 پیکجوں میں بنایا جا رہا ہے، پوروانچل ایکسپریس وے، 11 قومی شاہراہوں، 2 ریاستی شاہراہوں، 5 ریلوے اسٹیشنوں، 2 ہوائی اڈوں کو جوڑتا ہے۔ اس پروجیکٹ روڈ کی تعمیر سے ان 5 اہم تجارتی شہروں پھول پور، منگرآباد پور، مچھیلی شہر، جونپور اور اعظم گڑھ میں ٹریفک کے مسائل میں کمی آئے گی۔ انہوں نے مزید کہا کہ اس کثیر جہتی  منصوبے کا مقصد بغیر کسی رکاوٹ کے کنیکٹیویٹی فراہم کرنے کے ساتھ ساتھ بہت زیادہ اقتصادی فوائد پیدا کرنا اور صارفین، کسانوں، نوجوانوں اور کاروباری افراد کے لیے روزگار میں اضافہ کرنا ہے۔

********

  ش ح۔ا م ۔م ص ۔

U- 5587

(Release ID: 2010656) Visitor Counter : 81