ماہی پروری، مویشی پروری اور ڈیری کے وزیر جناب پرشوتم روپالا نے 28.02.2024 کو نئی دہلی میں واقع کرشی بھون میں ماہی پروری، مویشی پروری اور ڈیری کے محکمہ کے گروپ ’بی‘ اور ’سی‘ کے افسران کے ساتھ ایک انٹرایکٹو سیشن کی صدارت کی۔ میٹنگ میں محکمہ ماہی پروری کے جوائنٹ سکریٹری کے ساتھ محکمہ کے دیگر سینئر افسران نے بھی شرکت کی۔

مرکزی وزیر نے کہا کہ محکمہ میں سیکشن اور یونٹ کی سطح پر کام کرنے والے اہلکار سب سے پہلے اس موضوع سے براہ راست نمٹتے ہیں اور اس کا حقیقی علم رکھتے ہیں اور پالیسی یا اسکیم کے نفاذ اور دیگر انتظامی طریقہ کار کے حوالے سے درپیش چیلنجوں سے نبردآزما ہوتے ہیں۔ لہٰذا، وزیر موصوف نے ملازمین سے آراء/تجاویز اور اختراعی آئیڈیاز طلب کیے تاکہ محکمے کی پالیسی اور اسکیم کو زیادہ سے زیادہ لوگوں پر مرکوز بنایا جاسکے اور ان کا مؤثر طریقے سے زمینی سطح پر نفاذ کیا جاسکے۔

اس تقریب میں محکمہ کے ملازمین نے جوش و خروش سے شرکت کی اور اپنے خیالات اور تجاویز سے آگاہ کیا۔ جناب پرشوتم روپالا نے بتایا کہ حکومت کسانوں اور ماہی گیری کے شعبے کی بہتری کے لیے ملازمین کی تجاویز پر غور کرے گی۔

جناب پرشوتم روپالا نے یقین دلایا کہ محکمہ کے ملازمین کی تجویز پر مناسب طریقے سے غور کیا جائے گا۔

 

******

ش ح۔م م ۔ م ر

U-NO. 5542

(Release ID: 2010455) Visitor Counter : 55