نوجوانوں کے امور اور کھیل کود کی وزارت
نوجوانوں کے امور اور کھیلوں کی وزارت نے نیشنل اسپورٹس فیڈریشنوں (این ایس ایفز) کو ہدایت دی ہے کہ زیادہ سے زیادہ شفافیت کے لیے صرف ڈیجی لاکر کے ذریعے کھلاڑیوں کو سرٹیفکیٹ جاری کئے جائیں
ڈیجی لاکر کے ذریعے کھیلوں کے سرٹیفکیٹ جاری کرنے کے بہت سے فوائد ہوں گے۔ ان میں سرٹیفکیٹس تک رسائی اور ان کا اشتراک اور كاغذی کاپیوں کی ضرورت کو ختم کرنا شامل ہیں: جناب انوراگ سنگھ ٹھاکر
Posted On:
29 FEB 2024 5:56PM by PIB Delhi
ملک میں کھلاڑیوں کو میرٹ اور شراکت کے سرٹیفکیٹ جاری کرنے میں مزید شفافیت اور کارکردگی لانے کے مقصد سے نوجوانوں کے امور اور کھیلوں کی وزارت نے تمام قومی کھیلوں کی فیڈریشنوں کو ہدایت کی ہے کہ وہ ڈیجی لاکر کے ذریعے سرٹیفکیٹ جاری کرکے تکنیکی ترقی کو اپنائیں جو الیکٹرانکس اور انفارمیشن ٹیکنالوجی کی وزارت کی ایك پہل ہے۔
"اس سال یكم جون سے صرف فیڈریشنوں کی طرف سے ڈیجی لاکر کے ذریعے جاری کردہ سرٹیفکیٹ درست قرار پائیں گے۔ جاری کردہ کسی بھی روایتی سرٹیفکیٹ كو حکومت اور دیگر فوائد کے لیے تسلیم نہیں کیا جائے گا۔ نوجوانوں کے امور اور کھیل کے وزیر جناب انوراگ سنگھ ٹھاکر نے کہا كہ ہم نے فیڈریشنوں کو مشورہ دیا ہے کہ ان کی الحاق شدہ یونٹوں کو بھی اگلے سال یکم جنوری سے ڈیجی لاکر کے ذریعے سرٹیفکیٹ جاری کرنا شروع کر دینا چاہیے۔
جناب انوراگ سنگھ ٹھاکر نے یہ بھی کہا کہ ڈیجی لاکر کے ذریعے کھیلوں کے سرٹیفکیٹ جاری کرنے کے بہت سے فائدے ہوں گے۔ ان میں سرٹیفکیٹس تک رسائی اور ان کا اشتراک، روایتی کاپیوں کی ضرورت کو ختم کرنا، دستاویزات کو محفوظ کرنے كے علاوہ ان کی تصدیق کے لیے محفوظ ماحول فراہم کرنا نیز ان کی صداقت اور صداقت کو یقینی بنانا شامل ہیں۔
انہوں نے کہا کہ سرٹیفکیٹ جاری کرنے کے عمل کو ہموار بنانے کا اس طرح کا طریقہ انتظامی بوجھ کو کم کرے گا اور مستحق کھلاڑیوں کو سرٹیفکیٹ فراہم کرنے میں كم وقت لگے گا نیز بدعنوانی کی گنجائش کو ختم کرنے کے لیے تکنیکی فروغ کے استعمال کے لیے ہندوستان کے عزم کو ظاہر کرے گا۔
جناب انوراگ سنگھ ٹھاکر نے نشاندہی کی کہ فی الحال تقریباً تمام تعلیمی اور سرکاری سرٹیفکیٹ بغیر کسی رکاوٹ کے ڈیجی لاکر کے ذریعے جاری کیے جاتے ہیں۔ اس لیے فطری طور پر فیڈریشنوں اور ان سے منسلک یونٹوں کی جانب سے جاری کردہ کھیلوں کی میرٹ اور شرکات کے سرٹیفکیٹ ڈیجی لاکر کے ذریعے کھلاڑیوں اور دیگر اسٹیک ہولڈروں کے لیے قابل رسائی ہیں۔
انہوں نے کہا كہ یہ سرٹیفکیٹس کھلاڑیوں کے عزم، کوشش اور ان کے متعلقہ کھیلوں میں کامیابیوں کا ثبوت ہیں اور فی الحال انہیں پرانے اور غیر موثر روایتی طریقوں سے تقسیم کیا گیا ہے۔ انہوں نے مزید کہا کہ فیڈریشنوں کو کھیلوں بالخصوص کھلاڑیوں کے مفاد کو پورا کرنے کے لیے ٹیکنالوجی پر مبنی ٹولز سامنے لا كر حل پیش کرنے چاہییں۔
انہوں نے کہا کہ وزارت 30 اپریل تک اپنے انفارمیشن ٹیکنالوجی سسٹم کو اس مقصد کے لیے تیار کیے گئے انفراسٹرکچر کے ساتھ مربوط کرنے کے لیے ڈیجی لاکر کے استعمال میں سہولت فراہم کرے گی اور یکم سے 31 مئی تک نظام کے ٹیسٹ رنز كو مكمل كرنے كے ساتھ قومی کھیلوں کی فیڈریشنوں کے متعلقہ حکام کو تربیت دینے کے لیے ورکشاپس کا انعقاد کرے گی۔
******
U.No:5537
ش ح۔رف۔س ا
(Release ID: 2010387)
Visitor Counter : 50